Филипп 1:11 - Гирами Китаб

¹¹ учвхьан Аллагьдин ад ва тяриф апӀуз шлуси, Иса Месигьдин кюмекниинди гьякьʼвалин бегьер хуз хьибдичвухьан.

Филипп 1:11 Referans Kwoze

Жугьдариз 12:11

Ухьуз фициб жюре жаза вушра, шадвал хруси ваъ, хъа иццрушназ вуйибси гьугъубжвурахьуз. Хъасин, жазайиинди вердиш дапӀнайири, дугъривалинна мясляаьтнан бегьер ккадабцӀури шулу.

Югьан 15:8

Йиз Адашдин ад бадали аьхю бегьер хибдичва ва Йиз ученикар хьидичвкан.

Колосс 1:10

Учу гьацира, учву Агъайиз лайикьлуди яшамиш хьпан бадали, вари Гьадгъаз хуш вуйиси апӀбан бадали, учву апӀурайи гьарсаб ужувлан ляхниъ ужуб бегьер хьпан бадали ва учвуз Аллагьдикан аьгъюб артухътӀан артухъ ибшри кӀури, ккарагури шулча:

Филипп 4:17

Мици узу, учвхьан хъана гизаф пешкешар гъадагъурза, кӀури, ваъ, хъа учвуз ичв пулилантина хъана гизаф хайир хьпан бадали апӀурайиб вуйиз.

Колосс 1:6

Ужувлан хабар учвухьна гъафну. Учву, гьякьвали абцӀнайи Аллагьдин ужʼвал деебхьну, гъавриъ ахъунчву. Думу йигъхъанмина Ужувлан хабар, ичв арайиъси, вари дюнʼяйиъ рабгъура ва диди чан бегьер хура.

Рим агьларихьна вуйи кагъаз 6:22

Хъа гунгьариккан азад духьнайиган ва Аллагьдин лукӀар духьнайиган, гьамус, марцци яшайишдин хайир ачвуз, хъа диди гьаргандин уьмрихъна хуру.

Петрин-1 2:9

Хъа учву, кадабгънайи жинс, Паччагьдин гъуллугъчйир, гирами халкь, Аллагьдин хусусият, мучӀушнаан Чан аьжайиб аквнаъ хьуз учвуз Шли дих дапӀнаш, Гьадгъан зурба ляхнарикан хабар дебккбан бадали, гъядягънайидар вучва.

Фессалоник-2 1:12

Гьадмуган, учву кюмек духьну, ихь Агъа Исайин ччвур адлу хьибди, хъа ихь Аллагьдин ужувлиинди ва Агъа Иса Месигьдиинди Дугъу учву адлу апӀиди.

Эфес 5:9

Хъа аквнан бегьер – гъянивал, дугъривал ва гьякьвал ву.

Эфес 1:14

Гьадму Гирами Рюгь ухьуз тувнайиган, адлу духьнайи Аллагьдин тярифар апӀуз ухьуз ирс рубкьруб ва ухькан Чан адмийир ктаъруб аьгъяхьуз.

Коринф-1 10:31

Гьаддиз, учву ипӀурашра, убхъурашра, фу апӀури гъашишра, вари – Аллагьдин ад бадали апӀинай.

Матта 5:16

Гъит гьаци ичв аквну инсанарин арайиъ акв туври, ичв ужудар ляхнар дурариз рякъруганси ва дурари Аьршарин ичв Адаш адлу апӀбан бадали.

Петрин-1 4:14

Эгер учву Месигьдин ччвурналантина биябур апӀураш, учву бахтаврар вучва, му гьадму кӀуру гаф вуки, Аллагьдин Рюгь Чан вари аднаъди учвуъ архаин духьна.

Петрин-1 2:12

Гъит, ичв хасият Аллагьдихъ хътругърударин арайиъ марцциб ибшри. Ва гьадмуган, гьаму ражари учвуз, пис касар ву, кӀури люкьнар апӀурайидари, учву апӀурайи ужувлан ляхнар рякъюри, Аллагь гъафи гъиямат йигъан, Дугъан ад апӀиди.

Петрин-1 2:5

Учвура, чӀиви гъванарикан хал диврайиси, ичв учвкан рюгьвалин хал тикмиш апӀинай. Гьадмуган, гирами вуйи гъуллугъчйир хьпан кьяляхъ, Месигьдиланмина Аллагьдиз кьабул вуйи, Рюгьниинди вуйи гъурбнар апӀидичва.

Эфес 2:10

Аллагьди ухьуз дерккнайи ужувлан ляхнар тамам апӀуз, ухьу Иса Месигьдиъ саб дапӀну, халкь дапӀнайидар вухьа.

Эфес 1:12

Му мици учу, Месигьдик сифте миж кивну, адлу духьнайи Аллагьдин тярифар апӀуз гъабхьиб ву.

Коринф-2 9:10

Убзруриз тум Туврури, ипӀуз уьл Туврури учву гъубзуб зарб апӀиди ва ичв гьякьвалин бегьер артухъ апӀиди.

Югьан 15:16

Узу ктагъур учву дарчва, гьаму Узу вуза учву ктагъур, гьаму Узу вуза учву дюнʼяйиз улупнайир, ва бегьер туврудар (учву вучва) – варитӀан ужуб бегьер. Ва гьадмуган Йиз Адашди учвуз, учву ккун гъапӀуб, вари тувди.

Югьан 15:2

Узʼин али бегьер дархру гьарсаб кюл Дугъу ктабтӀуру, хъа бегьер хруб, диди хъанара артухъди бегьер хпан бадали, марцц апӀуру.

Рим агьларихьна вуйи кагъаз 15:28

Узу гьаму месэла гьял гъапӀиган ва чпиз хътапӀу вари пул дурарихьна гъурубкьиган, Испанияйиз рякъюъ учӀвдиза ва рякъюъ учвʼинра улуркьидиза.

Титдиз 3:14

Гъит, ужудар ляхнар апӀури, ихьдаризра дарс ибшри ва гьудрубкӀрушваъ кюмек апӀуз дубгъри, хъа гьадмуган дурарин уьмур бегьер хруб хьибди.