Филипп 1:10 - Гирами Китаб

¹⁰ Гьаддиз учвхьан учвуз ужубсиб гъядябгъюз хьибдичвухьан; учву Месигь хъадакну гъюру Йигъан марцциди ва саб тахсир ктарди гъуздичва;

Филипп 1:10 Referans Kwoze

Рим агьларихьна вуйи кагъаз 12:2

Гъит, му дюнʼяйин гьюкмари учвʼин агъавал дарапӀри. Аллагьдин ужуб, рази ктаъру ва гьубкӀу ният фу вуш, аьгъю хьпан бадали, ичв фагьум цӀийи алапӀури, дигиш йихьай.

Фессалоник-1 3:13

Ва гъит Гьадгъу учву, ихь Агъа Иса Чан вари гирами халкьра хъади гъюру Йигъ гъяйизкьан, ихь Аллагьдин ва Адашдин улихь марцциди гъузбан бадали, гирамивали ацӀнайи ичв юкӀвар мюгькам апӀри. Амин.

Фессалоник-1 5:23

Гъит мясляаьтнан Аллагьди Чав учву гьуркӀну гирами апӀри. Ва гъит вари учвуъ: рюгьра, юкӀвра, жанра – ихь Агъа Иса Месигь гъюру гьадму Йигъаз саб зиян ктарди уьрхри.

Рим агьларихьна вуйи кагъаз 2:18

увуз Дугъан ниятар аьгъяш, Къанундиан дубгъури варитӀан ужуб ва чарасуз лазим вуйиб, аьгъю апӀураш,

Эфес 5:10

Агъайиз фу кьабулди шулуш, аьгъю апӀури йихьай.

Югьандин-1 4:1

Йиз ккунидар, фунуб рюгьнахъ вушра, яна адмийихъ мехъебехъанай. Хъа дурар Аллагьдихьан вуйин – дарин, гьарган ахтармиш апӀури йихьай, фицики дюнʼяйиз бегьем кучӀлин пайгъамбрар ачмиш духьна.

Филипп 1:6

Учвуъ гьадму ужуб ляхин Ккебгъури Месигь Исайин Йигъазкьан гьадму ляхин гъабхиди ва гьадмуган ккудубкӀиди.

Фессалоник-1 5:21

хъа вари ахтармиш апӀури, ужувлан тереф дибисну, гъузай,

Коринф-1 1:8

Учву аьхиризкьан, ихь Агъа Иса Месигьдин Йигъан учву сабкьан тахсир ктарди хьпан бадали, Гьадгъу мюгькам апӀидичву.

Ачмиш 2:2

Яв ляхнар, яв гъагъи жафа ва яв сабурлувал Узуз аьгъязуз. Аьгъязуз, уву нягьякь ва чӀуру адмийир аьгь дарапӀруб; Исайин вакилар вуча кӀурайидар уву ахтармиш гъапӀунва ва дурар кучӀляхяр вуйиб аьгъю гъабхьунвуз.

Югьан 1:47

Чахьна гъюрайи Нафанаил гъяркъиган, Исайи дугъкан гьамци кӀуру: – Магьа, затра кучӀал ва цӀарувал ктру, чан дугъри израилжви.

Матта 16:23

Исайи, Петрихьинди илдицну, гъапи: – ГьудубчӀв Узхьан, иблис! Уву Узу рякъʼан адаурава, гьаз гъапиш яв фикрар адмийирин фикрар вуяв, хъа Аллагьдин ваъ.

Коринф-2 1:12

Учу, гьаму дюнʼяйиндарихъди, иллагьки учвухъди ич аьлакьйир, намуслуди ва дугъриди дерккри гъахьунча, – ич марцци намуснура гьаци кӀура, – учу гьамдиинди тяриф апӀурача. Му учуз Аллагьдихьан дурубкьнайиб ву.

Рим агьларихьна вуйи кагъаз 12:9

Гъит, ичв масанвал кӀваантӀан вуйиб ибшри. Писвал ккун мапӀанай, ужувлахъ хъачӀарккай.

Рим агьларихьна вуйи кагъаз 8:7

Гьаз мици ву? Гьаз гъапиш бедендин тямягьарикан вуйи фикрар Аллагьдиз душмнар ву. Дурар Аллагьдин Къанундиз табигъ шулдар, я табигъ хьузра шулдар.

Матта 26:33

Хъа Петри Исайиз жаваб вуди гъапи: – Варидари Уву гъитишра, узу гьич саб вахтнара дици дарапӀарза.

Эвел 20:5

Гьадму адмийи чав гъапунзуз, аьхир, думу йиз чи вуйиз кӀури. Думу дишагьлийира гьаци гъапнийи. Узу му ляхин кӀваъ фукӀа адарди гъапӀуб вуйиз, йиз хилар марцциди вуйиз.

Филипп 1:16

Му адмийири мици узу ккунивалиан апӀура, дурариз, узу, Ужувлан хабар уьбхюз кӀури, Аллагьди дерккнайиваликан аьгъя.

Эфес 6:24

Зат аьхир адарди ихь Агъа Иса Месигь ккуни варидариз ужʼвал ибшри.

Эфес 4:15

Эгер ккунивалиинди гьякьʼвал кӀури гъабхьиш, варибдин кӀул вуйи Месигьдин хасиятназ ухшарди ухьу аьхю хьидихьа.

Галат 5:11

Гъардшар, эгер узу гьамусра суннатнакан ктибтуйиш, гьаз узухъ хъергуйихъа? Эгер узу гьамусра гьаци ктибтури имийиш, хачракан вуйи йиз аьгъювалари къаршувалар арайиз хидайи.

Коринф-2 8:8

Му буйругъ вуди кӀурадарзачвуз, хъа имбудари юкӀв хъипну улупру гьяракатнакан кӀури гъабшиш, гьадму ляхнилантина узуз ичв дугъри ккунивал ахтармиш апӀуз ккундузуз.

Коринф-2 6:3

Учу, ич гъуллугънаъ тягьна шлуси, шлиз-вуш лик хъипрадарча.

Коринф-2 2:17

Учу, гизафдарси, хайир бадали, Аллагьдин Гафнак камк кипрадарча. Месигьдихъди саб гъахьихъанмина, учу, Аллагьди гьаънайидари, Аллагьдин улихь марцци кӀваан, ктибтурача.

Коринф-1 10:32

Я жугьдар, я грекар, я Аллагьдихъ хъугънайидар гунгьихъна дархрубси уьмур хъапӀри апӀинай.

Коринф-1 8:13

Гьаддиз, узу ипӀурайи хурагналантина йиз гъардаш алдакураш, думу гунгьихъна дархбан бадали, йикк дирипӀди гъузарза.

Рим агьларихьна вуйи кагъаз 16:17

Учвкан миннат апӀураза, гъардшар, учвуз улупу аьгъювалариз къаршу удучӀвури, гьюжатар апӀрударихьан ва машат апӀрударихьан ярхлади гъузай.

Рим агьларихьна вуйи кагъаз 7:22

Йиз айтӀан пай Аллагьдин Къанундиин шад ву

Рим агьларихьна вуйи кагъаз 7:16

Эгер узу узуз даккниб апӀураш, Къанун ужуб вуйивал кьабул апӀураза.

Ляхнар 24:16

Гьаддиз Аллагьдин ва инсанарин улихь йиз намус марцци хьпан бадали, узхьан шлукьан чарйир зигураза.

Югьан 3:20

Фицики чӀуруб апӀурайи гьарсар касдиз акв даккун шулу ва, чан чӀуру ляхнар ашкар даришри пну, думу аквнахьна гъягъюрдар.

Филипп 2:16

Гьациб жюрейиинди уьмур хурайи Гаф гъайибхай! Месигьдин Йигъан узу йиз рякъ давди ккадапӀундайза ва давди жафйир гъизигундайза кӀури, учвʼинди фурс апӀидиза!