Филипп 1:1 - Гирами Китаб

¹ Месигь Исайин гъуллугъчйир вуйи Павелихьанна Тимофейихьан – Филиппдиъ айи Месигь Исайихъди саб вуйи Аллагьдин хъугърудариз, гьадму хъугърударин аьхюдариз ва дурарин кюмекчйириз.

Филипп 1:1 Referans Kwoze

Коринф-2 1:1

Аллагьдин амриинди Иса Месигьдин вакил духьнайи Павелихьан ва Тимофей гъардшихьан – Коринфдиъ Аллагьдихъ хъугърудариз ва Ахаяйин варишвариъ яшамиш шулайи Аллагьдин гирами халкьдиз.

Рим агьларихьна вуйи кагъаз 1:1

Иса Месигьдин лукӀ вуйи, Аллагьди вакил хьуз кадагънайи ва Чан пайгъамбрарилантина Гирами китабариъ Чав гаф тувнайиганси, Аллагьдин Ужувлан хабар гъабхуз дих дапӀнайи Павелихьан саламар.

Титдиз 1:1

Узу, Аллагьдин гъуллугънаъ айи ва Иса Месигьдин вакил Павел, Аллагьди кадагънайидар хъугъувалихъна хуз, гьякьʼвалин кӀулиъ тӀауз, дюзди Аллагьдиз гьюрмат фици апӀуруш улупуз ва

Тимофейиз-1 3:8

Гьаму дурарин кюмекчйиризра кайиб ву. Дурар гьюрмат айи, кьюб маш гъядру, чяхрихъ юкӀв хъадру ва пулиъ ул адру касар духьну ккунду.

Фессалоник-2 1:1

Павелихьан, Силвандихьан ва Тимофейихьан – Фессалоникдиъ айи Адаш Аллагьдин ва Агъа Иса Месигьдин хъугърудариз.

Фессалоник-1 1:1

Павелихьан, Силвандихьан ва Тимофейихьан – Фессалоникдиъ айи Адаш Аллагьдин ва Агъа Иса Месигьдин хъугърудариз. Ужʼвал учвуз ва мясляаьт!

Эфес 1:1

Эфесдиъ айи Аллагьдин гирами халкьдиз, Месигь Исайихъ хъугъну яшамиш шулайидариз Аллагьдин амриинди Месигь Исайин вакил Павелин терефнаан –

Рим агьларихьна вуйи кагъаз 1:7

Узу му, учвуз, вари Римдиъ яшамиш шулайидар, Аллагьдиз ккунидар ва Аллагьдин гирами халкь хьуз дих дапӀнайидар, бикӀуразачвуз. Ужʼвал ва мясляаьт ибшричвуз Аллагьдихьан, ихь Адашдихьан ва Агъа Иса Месигьдихьан.

Петрин-2 1:1

ЛукӀвал апӀурайи Иса Месигьдин вакил Петрихьан – Аллагьди гьякь апӀбиинди ва Уьрхрурин – Иса Месигьдин кюмекниинди ухьуз гъабхьибсиб багьа хъугъувал гъабхьидариз – саламар.

Якьубдин 1:1

Аллагьдин ва Агъа Иса Месигьдин лукӀ Якьубдихьан вари дюнʼя вуйибси дарагънайи Израилин йицӀикьюб тухмин Аллагьдин адмийириз – саламар!

Тимофейиз-1 1:2

хъугъувалиъ йиз гьякь бай Тимофейиз – ужʼвал, рягьим ва мясляаьт увуз Адаш Аллагьдихьан ва Иса Месигь ихь Агъайихьан!

Ляхнар 20:28

Ичв ва вари хъугънайидарин гъанаъ йихьай. Исайи Чан ифдиинди гъазанмиш дапӀну, Аллагьдихъ хъугънайидарин ва учвʼина Гирами Рюгьну аманат гъапӀдарин гъайгъу зигай.

Ачмиш 1:1

Иса Месигьдин ачмиш апӀувал, Чан гъуллугъчйириз багарихьди хьуз ккайиб вари улупбан бадали, Дугъаз Аллагьди тувнайиб ву. Мидкан хабар дебккбан бадали, Чан гъуллугънаъ айи Югьандихьна Исайи малайик гьаънийи.

Ягьудайин 1:1

Иса Месигьдин гъуллугънаъ айи Якьубдин гъардаш Ягьудайи Адаш Аллагьдиз масан вуйи ва Иса Месигьди уьрхюрайи дих дапӀнайидариз саламар хътаура.

Петрин-1 2:25

Учву саб фила-вуш, марччарси, улдугнайчва, хъа гьамус учву ичв Марччлихънихьна – гъайгъу Зигрурихьна кьяляхъ хътакунчва.

Титдиз 1:7

Фицики Аллагьдин гъуллугъниин али аьхюр Гьадгъан ляхнар кӀули гъахурайир ву ва дицир саб гаф кайир духьну ккундар. Дициб гъуллугъниин, чав кӀурубтӀан аьгъдрур, я хъял гъюрур, пияниска, элегрур, я пулиъ улар айир духьну ккундар.

Жугьдариз 13:23

Аьгъю йибхьай, ихь гъардаш Тимофей азад гъапӀну. Эгер думу багарихьди мина гъафиш, узу учвухьна гьадмура хъади гъидиза.

Фессалоник-1 2:2

аммаки Филипдиъ, учвуз аьгъюганси, аьзабар ва ужуз апӀувалар алахьунчуин. Хъа учу ихь Аллагьдин кюмекниинди, учуз писди къаршу удучӀвувалариз дилигди, учвуз дирбашди ва ачухъди Ужувлан хабарнакан ктибтнийча.

Эфес 1:15

Магьа гьаддиз, Агъа Исайихьна айи ичв хъугъуваликан ва Аллагьдин вари гирами халкьдихьна айи ичв масанваликан узуз гъеебхьиган,

Коринф-1 16:10

Эгер Тимофей гъафиш, лигай, дугъаз учвухь хатӀасузди ибшри, фицики дугъура, узуси, Агъайин ляхин кӀули гъабхура.

Ачмиш 19:10

Узу, му малайикдиз икрам апӀарза кӀури, дугъан ликариккна ис алахъза, хъа дугъу узуз гъапи: «Лиг, мици мапӀан! Узура, увуси ва яв гъардшарси, Исайикан шагьидвал апӀурайи лукӀ вуза! Аллагьдиз икрам апӀин! Гьаз гъапиш гьаму пайгъамбарвалин гафарин мяна Исайикан шагьидвал апӀуб ву».

Ляхнар 9:13

Ананайи жаваб тувру: – Я Агъа! Гьадму касди Ерусалимдиъ Яв халкьдиз гъапӀу чӀуру ляхнарикан гизаф деебхьназуз.

Югьан 12:26

Фуж Йиз гъуллугънаъ аш, гъит гьацир Йиз шилнаъди гъюри! Ва Узу наан аш, гьадушваъ Йиз гъуллугъчира хьиди. Фуж Йиз гъуллугънаъ аш, гьацир Йиз Адашди за апӀиди.

Марк 13:34

Думу вахт, чан хал ва гьардиз рубкьру ляхин лукӀариин гъибтну, хъа гъаравлиз «ул иливну маахан» дупну, гъушу хулан эйсийихь тевуз шулу.

Ачмиш 22:9

Хъа малайикди гъапизуз: «Лиг, мици мапӀан! Узура гьаму увуси, яв гъардшарси, пайгъамбрарси ва гьаму китабдин гафар тамам апӀрударси, лукӀ вуза. Аллагьдин улихь икрам апӀин!»

Ачмиш 2:12

Пергамдин хъугънайидарин малайикдиз бикӀ: «Гьамци кӀура кьюбиб мурзарра учӀру ханжал хьайири:

Ачмиш 2:8

Смирнайин хъугънайидарин малайикдиз бикӀ: «Гьамци кӀура Сарпири ва КкудукӀрури, ГъачӀири ва хъана яшамиш Шулайири:

Ачмиш 1:20

Магьа, увуз Йиз арччул хилиъ гъяркъю ургуб хядран ва ургуб чирагъдин сир: ургуб хяд – мурар ургбиб жямяаьтарин малайикар ву, хъа ургуб чирагъ – мурар ургуб жямяаьт ву.

Ляхнар 1:20

Мяълийирин китабдиъ мидин гьякьнаан гьамци дибикӀна: «Дугъан жил ичӀи ибшри, душвʼин фужкӀа яшамиш даришри». Ва хъанара: «Дугъан йишв жара касди бисри».

Галат 1:10

Узуз гьапӀуз ккунди а: адмийири йиз тереф бисуз гъитуз, даршиш – Аллагьди? Хъа узу, адмийириз ккуниб апӀуз хъюгънайир вуйинхъа? Эгер узу адмийириз ккуниб апӀурайир вуйиш, узу Месигьдин лукӀ хьидайза.

Галат 3:26

Учву вари Месигь Исайихъ хъугърувалилантина Аллагьдин баяр вучва.

Галат 3:28

Сарун жугьдаринна жара миллетарин фаркьлувал имдар, лукӀранна азад вуйирин фаркьлувал имдар, жилижвуванна дишагьлийин фаркьлувал имдар. Гьаз гъапиш учву вари, Месигь Исайихъди саб вучва.

Эфес 6:24

Зат аьхир адарди ихь Агъа Иса Месигь ккуни варидариз ужʼвал ибшри.

Филипп 2:5

Месигьди фици фикир апӀуйиш ва гьапӀри гъахьнийиш, учвура гьаци апӀури гъузай.

Филипп 2:19

Агъа Исайи, багарихьди Тимофей учвухьна гьауз шул, кӀури, умуд тувразуз, дугъу ичв ляхнар фици вуш, узуз аьгъю гъапӀган, йиз юкӀв архаин шул.

Филипп 3:3

Гьякь суннат дапӀнайидар, ухьу вухьа, гьаз гъапиш, ухьу Аллагьдин Рюгьну хъаъри, Дугъан гьякь гъуллугънаъ ахьа; Месигь Исайин уьмриинди ухьу заан, яни дамахлу вухьа ва му дюнʼяйинубдихъан хъичӀихнадархьа.

Филипп 3:8

Мидланра гъайри, йиз Агъа Месигь Иса аьгъю хьпан кьяляхъ вари имбуб гьич фукӀа дарубси гьисаб апӀураза. Думу бадали узу варибдихьан ярхла гъахьунза, гьаму дюнʼяйиъ айиб вари гатӀахьнайи чӀюрхяртӀан багьади дарзуз. Йиз мурад-метлеб, гьапӀнура, Месигь агуб ва

Филипп 3:12

Узуз, узу гьадму метлебарихъна гъафунза, пуз, ккунди адарзуз. Аммаки Иса Месигьди узу, гьадму метлебнахъна гъюз кӀури, кадагънайир ву.

Филимондиз 1:1

Иса Месигьдихъ хъугъру кӀури дустагъ дапӀнайи Павелихьанна гъардаш Тимофейихьан – ухьухъди гъуллугънаъ айи, ккуни вуйи Филимондиз