Эвел 1:1 - Гирами Китаб

¹ Сифте Заанури завна жил арайиз хуру.

Эвел 1:1 Referans Kwoze

Жугьдариз 11:3

Ухьу, хъугъувал ади, Аллагьдин амри дюнʼя халкь дапӀнайиб ва вари рябкъюрайиб дярябкърайибдикан арайиз дуфнайиб, аьгъяхьуз.

Ачмиш 4:11

«Уву лайикь вува, Агъа, ич Аллагь, ад, заанвал ва кьувват кьабул апӀуз, гьаз гъапиш, Уву вува вариб арайиз Гъабхир; Яв амриинди вари гъабхьну ва арайиз гъафну!»

Жугьдариз 1:10

Ва, гьамци, Балканра дибикӀна: „Жан Агъа! ВаритӀан улихь Уву дюнʼя арайиз хуз бин ккивунва, гьаци аьршарра Яв хиларин ляхин ву.

Ляхнар 17:24

Дюнʼя ва дидиъ айикьандар вари яратмиш гъапӀу Гьадму Аллагь заваринна жиларин Агъа хьпаз лигну, Думу инсанарин хилариинди гъапӀу дараматариъ яшамиш шуладар.

Петрин-2 3:5

Дурариз саб фила-вуш Аллагьдин Гафниинди жилар ва аьршар штукан ва штуинди халкь гъапӀубдикан кӀваълан гьархна.

Насигьятар 3:19

РАББИЙИ аькьвлихьди жилин бина ккивну, Чан фагьмихьди аьршар дерккну,

Ачмиш 14:7

Дугъу аьхю дихниинди гьарай гъапӀу: «Аллагьдихьан гучӀ апӀинай ва Дугъан ад за апӀинай! Гьаз гъапиш Дугъу суд апӀру сяаьт хъубкьна! Гьаддиз зав, жил, гьюл ва булагъар яратмиш ГъапӀуриз икрам апӀинай!»

Ляхнар 14:15

– Эй инсанар, учву гьапӀрачва? Учу аллагьар дарча! Учу учвусдар инсанар вуча! Учу учвухьна, учву идоларихьан маш гьибицну, завар-жилар, гьюлер ва дурариъ айикьандар вари яратмиш гъапӀу чӀиви Аллагьдихьинди илтӀикӀбан бадали, учвухьна Исайикан Ужувлан хабар хьади дуфнайидар вуча.

Коринф-1 8:6

аммаки ухьуз айир сар АллагьтӀан дархьуз – Адаш Аллагь. Ари Гьадгъу дюнʼяйиъ вариб ккебгъну, ва, Гьадгъаз кӀури, ухьу яшамишра шулахьа. Агъара сартӀан дар – Иса Месигь. Ари Гьадгъуинди дюнʼяйиъ вариб арайиз удубчӀвну, ва Гьадгъулантина ухьуз уьмурра гъабхьунхьуз.

Жугьдариз 3:4

Гьарсар хулариз чан уста айиб ву, хъа Аллагь варибдин Уста ву.

Жугьдариз 1:2

Хъа гьаму аьхиримжи вахтари Аллагь адмийирихъди Чан Балин мелзналан улхури гъахьну. Дугъу Думу вари Чан хилиъ бисуз Улупнайир ву. Дугъу Гьадгъуланмина вари завар-жилар арайиз гъахну.

Насигьятар 16:4

РАББИЙИ гьарсаб шейъ чан метлеб ади арайиз дубхна. Гьякьсузринра йишв бала алабхъру йигъан аьгъю хьибди.

Ачмиш 10:6

ва аьсрариан аьсрариз гьарган яшамиш Шулайириинди, завар ва душваъ айиб, жилар ва душвʼин алиб арайиз Гъабхуриинди, сарун вахт имдар кӀури, ху гъапӀу!

Рим агьларихьна вуйи кагъаз 11:36

Вари Аллагьди халкь гъапӀну, аьхир, ва гьадму вари яшайиш анжагъ Гьадгъуланмина ва Гьадгъаз шула. Аьсрариан аьсрариз ад Гьадгъаз ву. Амин!

Ляхнар 4:24

Мурар деерхьну, заварихьинди илдицну, Аллагьдиз варидари кӀуру: – Я Гьякимдар Аллагь, Уву зав, жил, гьюл ва дюнʼяйиъ айи гьарсаб яратмиш гъапӀунва!

Ачмиш 22:13

Узу вуза Альфа ва Омега, Сарпир ва КкудубкӀрур, Эвел ва Аьхир».

Югьандин-1 1:1

Дюнʼя ккебгъхъанмина Айирикан, учуз Гъеебхьурикан, ич улариинди учуз Гъяркъюрикан, учу лигури Гъахьирикан, учу ич хилариинди кучри Гъахьирикан, яна уьмрин Гафнакан – Исайикан учу ктибтурача.

Марк 13:19

Гьадму йигъари гьациб бедбахтвал хьибдики, дициб Аллагьди дюнʼя арайиз гъабхихъанмина гьамусдиз гъабхьундар, ва гьамдихъантинара хьибдар!

Ачмиш 21:6

Дугъу гъапизуз: «Тамам гъабхьну! Узу – Альфа ва Омега, Эвел ва Аьхир вуза. Гъах духьнайириз уьмрин булагъдиккан Узу чӀанади шид убхъуз гъитдиза.

Эфес 3:9

Вари халкь гъапӀу Аллагьди сифте бинайиан жиниди уьбхюрайи гьадму ляхнин гьякьнаан варидариз аьгъювалар арццру багъиш тувназуз.

Ачмиш 3:14

Лаодикияйин хъугънайидарин малайикдиз бикӀ: «Гьамци кӀура Амин ччвур алири, Дугъри ва Гьякь Шагьидди, Аллагьди халкь гъапӀу варибдин Аьхюри:

Матта 11:25

Хъасин Исайи гъапи: «Адаш, заваринна жиларин Агъа! Аьяндрарихьанна аькьюллударихьан гьитӀибкӀнайиб бицӀи касариз ачухъ апӀбаз Увуз чухсагъул!

Паччагьлугъар-4 19:15

Хизкьи РАББИЙИЗ ккарагуйи: – Я РАББИ, Израилин Заанур, малайикар-херувимариин деънайир! Жилин вари паччагьлугъариин анжагъ сар Уву Заанур вува. Уву зав ва жил яратмиш гъапӀунва.