Эстер 9:2 - Гирами Китаб

² гьадму йигъан, чпиз къаршу душмнихъди женг гъабхуз, Ахашʼверуш паччагьлугъдин вари вилаятарин шагьрариъ жугьтар уч гъахьну. Ва сарихьанра жугьтар ккагъуз гъахьундар, дурарихьан вари халкьариз гучӀ гъабхьну.

Эстер 9:2 Referans Kwoze

Эстер 8:17

Фуну вилаятдиз, фуну шагьриз паччагьдин амрикан мялумат тувубси, варишваъ жугьтари дем, шадвал, машквар ккергъри гъахьну. Ва му уьлкейин гизаф халкьари жугьтарин дин кьабул апӀуз хъюгънийи, фицики дурарик жугьтарикан къурхувал кабхънийи.

Эстер 8:11

Ахашʼверушдин паччагьлугъдин вари вилаятариъ сад йигъан, йицӀикьюбпи адар вазлин йицӀишубудпи йигъан, гьадму къарариинди паччагьди гьарсаб шагьриъ яшамиш шулайи жугьтариз, уч духьну, жвувхъанди женг гъабхуз ихтияр тувру. Эгер хилиъ яракь айи инсанар, фуну вилаятдиъ вушра, фуну миллетдикан вушра, жугьтариин алархьиш, думуган жугьтариз, дурар чпин бицӀидарра, хпарра хъади, тӀанкь апӀуз, хъа дурарин мулк тӀараш апӀуз ихтияр тувра.

Эвел 35:5

Дурар рякъюъ учӀву. Заанури багахь хьайи шагьрарин агьалйириз яманди гучӀ хьуз гъитнийи, гьаддиз дурар Якьубдин баярихъ хъергундайи.