Эстер 9:13 - Гирами Китаб

¹³ Эстери кӀуру: «Эгер паччагьдиз ккун гъабхьиш, гъит Сузы шагьриъ жугьтариз закурра гъийин амриинди гьяракат давам апӀуз ихтияр туври, хъа Амандин йицӀур балин майтар буруздикк ккерхри».

Эстер 9:13 Referans Kwoze

Эстер 8:11

Ахашʼверушдин паччагьлугъдин вари вилаятариъ сад йигъан, йицӀикьюбпи адар вазлин йицӀишубудпи йигъан, гьадму къарариинди паччагьди гьарсаб шагьриъ яшамиш шулайи жугьтариз, уч духьну, жвувхъанди женг гъабхуз ихтияр тувру. Эгер хилиъ яракь айи инсанар, фуну вилаятдиъ вушра, фуну миллетдикан вушра, жугьтариин алархьиш, думуган жугьтариз, дурар чпин бицӀидарра, хпарра хъади, тӀанкь апӀуз, хъа дурарин мулк тӀараш апӀуз ихтияр тувра.

Галат 3:13

Месигьди ухьу, Къанун тамам дарапӀруган, ухьʼин улубкьру агьнаккан ккадаъну. Дугъу Чав Къанундиъ улупнайи кьаза-балйир ухьу бадали Чаина гъадагъну, гьаз гъапиш гьамци дупна: «гьарикк ккерхнайир агьнакк ккахъна».

Эстер 9:15

Сузыйиъ яшамиш шулайи жугьтар цӀийикӀултӀан уч гъахьнийи – адар вазлин йицӀиюкьудпи йигъан – ва шагьриъ шубудваржсан кас терг гъапӀнийи, хъа девлетнак кучундайи.

Паччагьлугъар-2 21:9

Дугъу дурар Гивон шагьрин агьалйирихьна тувну, Гивондиан вуйидари дурар дагъдиин РАББИЙИН улихь йивну гъакӀнийи ва адмийириз рякъюз керхнийи. Вари ургбирра сатӀиди гъакӀнийи. Дурар аьжлин хлиз мухан иган убгуз хъюгъру садпи йигъари тувнийи.

Паччагьлугъар-2 21:6

гъит дугъан насларикан учухьна, РАББИЙИН улихь РАББИЙИ ктагъу Саулин Гивайиъ йивну йикӀбан ва адмийириз рякъюз керхбан бадали, ургур адми жили тяфа туври. Ва паччагьди гъапи: – Узу дурар учвухьна тувдиза.

Эстер 9:14

Паччагьди Эстери гъапиб тамам апӀуз амур апӀуру – Сузыйиъ дугъан амрикан мялумат тувру, хъа Амандин йицӀур балин майтар буруздикк ккерхру.