Эстер 8:15 - Гирами Китаб

¹⁵ Паччагьдихьан Мярдягьяй беневш ва уьру хьайин ва багьа лизи гинбин палтар, гьацира кӀулʼин гъизилин аьхю таж алди удучӀвуру. Сузы шагьриъ шадвал абхънайи.

Эстер 8:15 Referans Kwoze

Эстер 3:15

Чархачйир паччагьдин амриинди чкиди рякъюъ учӀвнийи. Му къарар Сузы гъалайиъра гъубхнийи. Сузы шагьриъ зурба гъалабулугъ абхънийи, хъа паччагьна Аман ипӀуз-убхъуз деънийи.

Эвел 41:42

Дугъу чан тӀубхъан чан мугьур кайи тӀублан хътапӀу ва Юсуфдин тӀубахъ хъапӀу. Дугъу Юсуфдиин назук парчайин палат алабхьу ва гардандиъ гъизилин зунжур ипу.

Лука 16:19

Сар кас девлетлу вуди, багьа вуйи палтар алахьури, гьар йигъан гешт хъапӀри гъахьну.

Насигьятар 29:2

Гьякьлуйир кьувватнаъ а – халкь шад шула; гьякьсузар гьюкмихь хьа – халкьди ипна суза.

Эстер 6:8

гъит дугъаз паччагьдин палат ва паччагьдизси дабалгнайи, паччагь элеъру гьяйван хури.

Эстер 1:6

Душваъ багьа лизи гинбин ва беневш хьайин парча илипну, уьру хьайин ва гъашдин лизи тӀурнариинди кибтӀну, арсран дукьнар ккирчну, мармардашдин дунар дурсну, пажар гьязур гъапӀнийи. Деъру йишвар арсрандар ва гъизилиндар вуйи, хъа жиликк мармардаш ва нур туврайи багьа гъван ккабхьнайи.

Матта 11:8

Шлиз лигуз гъушунчва дина? Багьа палтар али касдиз? Багьалу палтар алидар паччгьарин дараматариъ ади шулу.

Матта 6:29

КӀуразачвузки, Сулейман паччагьди чан лап ад айи вахтнара дурарихъ гьарсабдихъ хъайисдар палтар алахьури гъахьундар.

Эстер 6:11

Ва Аманди, палтар ва гьяйван гъадагъну, Мярдягьяйиин алахьуру ва, думу дабалгнайи гьяйвниин илитну, гьяйвнин улхьан дибисну, шагьрин майдандиина хъади гъюру ва мялум апӀуру: «Паччагьди чан гьюрмат улупуз ккун гъабхьи инсандиз магьа гьамци апӀуру!»

Эстер 5:1

Шубуд кӀуру йигъан Эстер, чан багьа палтарра алахьну, паччагьдин дараматдин айтӀан гьяятдиъ, паччагь яшамиш шулайи хуларин улихь, дийигъуру. Хъа паччагь чан тахтниин, учӀвру йишваз машна-машди деънайи.

Эстер 5:11

Аманди дурариз чаз айи девлетнакан, адлуваликан, гизаф баяр айиваликан ва паччагьди чав жара гьякимартӀан зади дисурайиваликан фурслуди ктибтуз хъюгъю.

Эстер 8:14

Паччагьдин илхйиригъян вуйи гьяйвнариин али чархачйир дишла рякъюъ учӀвнийи, паччагьдин амриинди. Паччагьдин амрикан Сузы гъалайиъ мялумат тувнийи.

Эстер 10:2

Вари гьаму баркаллу ляхнарикан ва паччагьди Мярдягьяй фициб дережайиина за гъапӀнуш – варибдикан Мидияйин ва Персияйин паччгьарин йисарин тарих кайи китабариъ дибикӀна.

Насигьятар 11:10

Гьякьлуйиз ужуйи ву – шагьурра шад шула, гъакӀну гьякьсузар – шадвалин гьарай ипна.

Насигьятар 28:12

Гъалиб шулу гьякьлуйир – шадвалин гьарайра абхъру; гьякьсузар гъуллугъарихь дерккруган, адмийир, ачмиш даршули, гьитӀикӀури шулу.