Эстер 8:10 - Гирами Китаб

¹⁰ Му Ахашʼверуш паччагьдин ччвурнахъан адагъу ва паччагьдин тӀубланиинди мугьур иливнайи къарар хьади, паччагьдин илхйиригъян ужударстар гьяйвнариин илитну, чархачйир гьаънийи.

Эстер 8:10 Referans Kwoze

Даниял 4:1

Узу, Навухаднасар, жвуван хулаъ, гъайгъура ктарди, яшамиш шулайза, жвуван ужагъариъ ужуди йигъар адаурайза.

Паччагьлугъар-3 21:8

Дугъу Ахавдин ччвурнахъан кагъзар гъидикӀнийи, дурарин зиин мугьур гъивнийи ва Навотдин шагьриъ яшамиш шулайи гьюрматлу яшлуйириз ва машгьур ксариз хътаънийи.

Паччагьлугъар-3 4:28

Гьацира дурари лазим вуйи йишвахьна дявдин фургънарин гьяйвнариз ва жара гьяйвнариз гьарсари чан пай мух ва гъеэбццу укӀ хури гъахьну.

Эстер 8:8

Паччагьдин ччвурнахъан дибикӀнайи ва паччагьдин тӀубланин мугьур кайи фунубра къарар батӀул апӀуз шлуб дар. Гьамус учву паччагьдин ччвурнахъан лазим вуйибсиб жугьтарин гьякьнаан къарар бикӀай ва паччагьдин тӀубланихьди дидʼин мугьур дивай».

Даниял 6:8

Гьациб гъадагъа илив, жан паччагь, къанун адабгъ – кьатӀʼи вуйи къанун, мидийиринна фарсарин дючӀрюбгъру къанун.