Эстер 6:4 - Гирами Китаб

⁴ Паччагьди гьерхру: «Гьатму гьяятдиъ айир фуж ву?» Паччагьдин дараматдин чӀатан гьяятдиъ айир, паччагьдикан чав дубсу буруздикк Мярдягьяй ккерхуб тӀалаб апӀури дуфнайи Аман вуйи.

Эстер 6:4 Referans Kwoze

Эстер 5:14

Дугъан хпир Зерешди ва дустари дугъаз насигьят тувру: «Гъит къанна хьуб метр али буруз дубсри, хъа гвачӀинган паччагьдикан, Мярдягьяй гьадму буруздикк ккерхуб тӀалаб апӀин ва юкӀв азадди паччагьдихъди демраз гъарах». Му гафар Амандиз кьабул гъахьнийи, ва дугъу буруз дубсуз амур апӀуру.

Эстер 4:11

«Паччагьдиз багахь вуйидариз ва вари вилаятариъ айидариз аьгъя: эгер сар фуж – вушра, жилижви ясана дишагьли, чаз гъач дарпиди паччагьдихьна айтӀан гьяятдиъ учӀвиш, дугъаз адабтӀурайи жаза саб ву – аьжал. Анжагъ паччагьди дугъан терефназди гъизилин маргъ гьачӀабккиштӀан, думу чӀивиди гъитурдар. Хъа узуз паччагьдихьна дих дарапӀди сумчӀур йигъ ву».

Эстер 5:1

Шубуд кӀуру йигъан Эстер, чан багьа палтарра алахьну, паччагьдин дараматдин айтӀан гьяятдиъ, паччагь яшамиш шулайи хуларин улихь, дийигъуру. Хъа паччагь чан тахтниин, учӀвру йишваз машна-машди деънайи.

Эстер 7:9

Гьадмуган паччагьдин гъаравашарикан сар вуйи Харвонайи гъапну: «Гьякьикьатдиъра, Аманди чан гафариинди паччагь хатӀайихьан гъюрхю Мярдягьяйиз буруз гьязур апӀурайи, магьа гьамус думу къанна хьуб метр али буруз Амандин хуларин багахь дубсну!» Паччагьди амур гъапӀу: «Думу гьадушваъ буруздикк ккерхай!»

Эстер 6:3

Паччагьди гьерхнийи: «Гьадму ляхин бадали Мярдягьяй фици лишанлу гъапӀунчва?» Паччагьдин гъуллугънаъ айи гьякимари жаваб тувнийи: «Дугъаз фукӀа пешкеш гъапӀундар».

Эстер 6:5

Паччагьдин гъуллугънаъ айидари гъапи: «Гьяятдиъ дийигънайир Аман ву». Паччагьди амур апӀуру: «Гъит, гъюри».