Эстер 6:10 - Гирами Китаб

¹⁰ Гьадмуган паччагьди Амандиз амур апӀуру: «Кьан дарапӀди, уву гъапиганси, паччагьдин палат ва гьяйван гъадагъну, паччагьдин дараматдин раккнарихъ деънайи жугьуд Мярдягьяйихьна гъайих! Вари уву кӀурайиганси апӀин, фукӀа кӀваълан магьапӀан».

Эстер 6:10 Referans Kwoze

Ачмиш 18:7

Дугъан фукьан ад ади ва дугъу фукьан кефер апӀури гъахьнуш, гьадмукьан аьзабар ва дерд тувай дугъаз! Гьаз гъапиш дугъан кӀваан гьаму гъябгъюра: „Узу падишагь-ханумси деъназа, узу ачӀнир дарза ва дерд узуз гъябкъюндарзуз!“

Лука 14:11

Фицики, шли чав учв за апӀури гъашиш, гьадму асккан хьиди, хъа учв аскканди дисрур заан хьиди.

Паччагьлугъар-4 10:10

Гьаци, аьгъю йибхьай, Ахавдин тухумдиз къаршуди РАББИЙИ гъапи гьич саб гафра тамам дархьиди гъубзнадар. Чан гъараваш Илʼясдин мелзналан туву гаф РАББИЙИ тамам гъапӀну.

Эстер 6:9

Гъит гьадму палтар ва гьяйван паччагьдин вакиларикан сарихьна туври, хъа дугъу паччагьдиз чан гирамивал улупуз ккун гъабхьи кас гьадму гьяйвниин илитну, гьяйвнин улхьан дибисну, думу шагьрин майдандиина хъади гъюри ва мялум апӀри: „Паччагьди чан гьюрмат улупуз ккун гъабхьи инсандиз магьа гьамци апӀуру!“»

Эстер 6:11

Ва Аманди, палтар ва гьяйван гъадагъну, Мярдягьяйиин алахьуру ва, думу дабалгнайи гьяйвниин илитну, гьяйвнин улхьан дибисну, шагьрин майдандиина хъади гъюру ва мялум апӀуру: «Паччагьди чан гьюрмат улупуз ккун гъабхьи инсандиз магьа гьамци апӀуру!»