Эстер 5:9 - Гирами Китаб

⁹ Думу йигъан Аман разиди ва шадди гъушнийи. Амма паччагьдин дараматдин раккнарихъ деънайи Мярдягьяй гъяркъиган ва чан улихь думу гъудудужвган, Амандиз Мярдягьяйикан яман хъял гъафнийи,

Эстер 5:9 Referans Kwoze

Эстер 3:5

Амандиз Мярдягьяй чан улихь кьамкьариина ис даршулайивал рябкъюру ва дугъак гъизгъин хъял кубчӀвру.

Матта 2:16

Ва думуган Гьирод, аьяндрари чаз кучӀлар гъапӀуб аьгъю дубхьну, хъюлу ацӀнийи ва дугъу Вифлеемдиъна дидин аьтрафариъ айикьан кьюд йисазкьан вуйи вари жили веледар пуч апӀуз чан эскрар гьаъру. Швнуд йисаъ айидар дийихну ккундуш, Гьиродди аьяндрари гъапибдиан аьгъю гъапӀнийи.

Якьубдин 4:9

Дердер апӀинай, гьарай ипай, ишай! Ичв аьлхъбар ишбариз илтӀибкӀрийичв, шадвал – пашманвализ.

Югьан 16:20

Гьякьлу вуйи гьякь кӀуразачвуз: ишидичва ва дердер зигидичва, хъа миди вуйи дюнʼя шад хьибди. Учву пашман хьидичва, амма ичв пашманвал шадвализ хьибди.

Лука 6:25

Пис гьял хьибди ичв, му вахтари уьлдюгъну гъярайидар, гьаз гъапиш гаш хьибдичвуз. Пис гьял хьибди ичв, му вахтари аьлхъюрайидар, фицики, гьяйиф дизигну, ишидичва.

Даниял 3:13

Навухаднасар пис хъюлу ацӀу ва Шадрагьна, Мишагьна Абид-Ниг хъади гъюз амур гъапӀу. Дурар паччагьдихьна хъади гъафиган,

Эстер 3:2

Ва паччагьлугъдиъ вари Амандин улихь кьамкьариина ис шули гъахьну, гьаз гъапиш паччагьди гьаци амур гъапӀнийи. Анжагъ Мярдягьяй дугъан улихь кьамкьариина ис гъахьундайи.

Эстер 2:19

Имбу шубар дишагьлийирин кьюдпи хулариз адаъруган, Мярдягьяй паччагьдин дараматдин раккнарихъ деънайи.

Паччагьлугъар-3 21:4

Ахав хулаз маш чӀур дапӀну ва хъял кади гъушнийи, гьаз гъапиш Изреелиан вуйи Навотди гъапнийи: «Узу йиз абйирин ирс увуз тувидарза». Думу ахникк дахънийи, ва дугъу маш гьибицнийи, хураг ипӀуз ваъ кӀуйи.

Ляхнар 7:54

Му гафарихъ хъпехъурайи жугьдарин гьякимдрари хъюлу ургури, силбари жакьракьар апӀурайи.

Матта 10:28

Беден йибкӀрударихьан гучӀ мапӀанай, фицики дурарихьан рюгь йикӀуз шулдар; хъа ичв беденра дубкӀну, жегьеннемдиъ ичв рюгьра пуч апӀуз Удукьрурихьан гучӀ апӀинай.

Эстер 5:13

Хъа жугьуд Мярдягьяй паччагьдин дараматдин раккнарихъ узуз рякъюрайиган, узуз му фу вухъа?»

Паччагьлугъар-3 21:6

Ахавди дугъаз жаваб тувнийи: – Гьаз гъапиш узу Изреелиан вуйи Навотдиз гъапунза: «Узуз тӀумтӀин багъ масу тув, ясана, увуз ккундуш, дидин ерина жара багъ туварзавуз». Хъа дугъу гъапнийи: «Узу увуз тӀумтӀин багъ тувидарза».