Эстер 5:2 - Гирами Китаб

² Паччагьдиз гьяятдиъ Эстер дийигъну гъяркъган, дугъан дугъак юкӀв кабсру. Паччагьди дугъан терефназди чан хилиъ айи гъизилин маргъ гьачӀабккуру. Багахьна дуфну, Эстери гъизилин маргълин кӀукӀшик кучру.

Эстер 5:2 Referans Kwoze

Эстер 8:4

Паччагьди Эстерин терефназ гъизилин маргъ гьачӀабккуру. Эстер гъудужвну, паччагьдин улихь дийигъуру

Эстер 4:11

«Паччагьдиз багахь вуйидариз ва вари вилаятариъ айидариз аьгъя: эгер сар фуж – вушра, жилижви ясана дишагьли, чаз гъач дарпиди паччагьдихьна айтӀан гьяятдиъ учӀвиш, дугъаз адабтӀурайи жаза саб ву – аьжал. Анжагъ паччагьди дугъан терефназди гъизилин маргъ гьачӀабккиштӀан, думу чӀивиди гъитурдар. Хъа узуз паччагьдихьна дих дарапӀди сумчӀур йигъ ву».

Насигьятар 21:1

Паччагьдин юкӀв а хилиъ РАББИЙИН, архнаъ шидси, илтӀикӀиди думу РАББИЙИ ккунишвахьинди.

Ляхнар 10:4

Дугъу, гучӀра дубхьну, малайикдихьинди дилигну: «Фу кӀурава, Агъа?» – пну, гьерхру. Малайикди дугъаз жаваб тувру: – Яв ккарагбар ва яв садакьйир Аллагьди кӀваин гъюрхну.

Ляхнар 7:10

Аллагьди думу вари завалариккан уьрхюру, дугъаз зурба фагьумлувал ва Египетдин паччагь дугъахьна ужуди янашмиш хьувал тувру. Паччагьди дугъкан вари Египетдин ва чан хусуси хулан гьякимдар гъапӀнийи.

Эстер 2:9

Му риш дугъаз кьабул гъахьнийи: кьан дарапӀди дугъу Эстерихьна итирин ниъ хъайи мялгьямар тувру ва дугъаз жаради хураг гьязур апӀуз амур апӀуру. Паччагьдин дараматдиъ айи гъараваш шубарикан ургур ужударстар гъядягъну, Хегайи Эстер гъаравашарра хъади дишагьлийириз жара дапӀнайи ужударстар хулариз гьаъру.

Эвел 32:28

Хъа гьадмуган Тмунури дугъаз гьамци кӀуру: – Гьамусдихъантина увуз Якьуб кӀури хьидар, хъа – Израил («Заанурихъди женгнаъ гъахьир»), гьаз гъапиш, уву Заанурихъди ва инсанарихъдира женгнаъ ади гъахьунва. Уву ккагъуз гъабхьундар.