Эстер 4:16 - Гирами Китаб

¹⁶ «Гъарах, Сузыйиъ айи вари жугьтар уч апӀин ва узу бадали ушвар дисай – шубуд йигъан ва шубуд йишван мипӀанай ва мубхъанай. Узура йиз гъаравашарихъди ушвар дисурза, хъасин, къанунди къадагъа апӀурашра, паччагьдихьна гъягъюрза. Эгер узу гъакӀиш – йикӀиди».

Эстер 4:16 Referans Kwoze

Ляхнар 20:24

Хъа узу бадали йиз уьмур гьяйиф дарзуз, йиз метлеб узу Агъа Исайихьан кьабул гъапӀу гъуллугъ тамам апӀуб ва жавабдарвалиинди инсанарин улихь Аллагьдихьан вуйи багъишʼваликан Ужувлан хабарнан шагьидвал апӀуб вуйиз.

Лука 9:24

Фицики, шлиз чан уьмур уьбхюз ккундуш, дугъан думу дубгди, хъа шли чан уьмур Узу бадали пуч гъапӀиш, дугъу думу уьбхиди.

Эвел 18:19

Фицики Узу Ибрагьим, чан баяриз ва дурарин вари наслариз, РАББИЙИ гъапиб улупбан бадали кадагъназа. Ибрагьимдиз РАББИЙИ туву гаф кӀулиз удубчӀвбан бадали дугъан баярна дурарин вари наслар РАББИЙИН рякъюъди душну ккунду. Дурари чпин апӀурайиб вари гьякьди ва дугъриди дапӀну ккунду.

Паччагьлугъар-2 10:12

Кьягьял йихь! Ихь халкьдихъанди ва ихь Заанурин шагьрарихъанди дирбашди дяви апӀидихьа, гъит РАББИЙИ Чаз ккуниганси апӀри!

Эвел 43:14

Гъит Кьудратлу Заанури дугъан улихь, дугъу ихтияр тувну ичв тмуну гъардашна Вениамин учвухъди кьяляхъ гьаъруси, учвуз рягьим улупри. Узкан улхуруш, эгер узу веледерихъ мягьрум духьну ккуниб вуш, гъит мягьрум ишри.

Эстер 5:1

Шубуд кӀуру йигъан Эстер, чан багьа палтарра алахьну, паччагьдин дараматдин айтӀан гьяятдиъ, паччагь яшамиш шулайи хуларин улихь, дийигъуру. Хъа паччагь чан тахтниин, учӀвру йишваз машна-машди деънайи.

Филипп 2:30

Фицики Месигьдин ляхнар бадали дугъан лик аьжалин даргниин алди гъабхьну, дугъу чан уьмур гьяйиф гьапӀундайи. Гьаци дугъу учвхьан узуз апӀуз дархьи кюмекар гъапӀунзуз.

Рим агьларихьна вуйи кагъаз 16:4

Дурари узу бадали чпин жанар гьяйиф гъапӀундайи. Неинки сар узу, хъа гьацира жара миллетарин хъугъру жямяаьтарира дурариз чухсагъул кӀура.

Ляхнар 27:33

Йигъ хьайиз улихьна Павели, гьамци кӀури, варидарихьди уьл ипӀуз гъитру: – Ихь ккадархьбаз ккилигури гъи йицӀиюкьудпи йигъ вуйихь, хъа учву вари гьаму йигъари фукӀа дипӀнадарчва.

Ляхнар 21:13

Гьадмуган Павели жаваб тувру: – Учву гьапӀрачва? Гьаз, ишури, йиз юкӀв дар апӀурачва? Узу, йитӀуб гъубзри, хъа гьацира Агъа Исайин ччвурнахъ Ерусалимдиъ йикӀузра гьязур вуза.

Ляхнар 10:7

Малайик гьудучӀвиган, Корнилийи чан кьюр гъаравшиз ва Аллагьдин рякъюъ айи сар эскриз дих апӀуру

Ляхнар 9:9

Думу шубуд йигъан дярякъри, дирипӀри ва дурубхъри гъахьнийи.

Матта 12:40

Юнус пайгъамбар фици шубуд йигъанна шубуд йишван зурба балугъин фуниъ ади гъахьнуш, гьаци Инсаниятдин Байра шубуд йигъанна шубуд йишван жилин айитӀ хьиди.

Паччагьлугъар-1 19:5

Чан уьмур хатӀайикк ккипну, дугъу филистим йивну гъакӀну, ва РАББИЙИ Израилиз аьхю гъалибвал пешкеш гъапӀну. Увуз гьаму гъябкъюнвуз ва шад гъахьнийва. Тахсир ктру ифи удубзури ва саб себебра адарди Давуд йивну йикӀну, писвал дапӀну гьаз вуяв?

Югьан 19:22

– Узу, фу дибикӀнаш, дибикӀназа, – жаваб туву Пилатди.

Эстер 4:3

(Паччагьдин му къарар фуну вилаятдиз хъубкьишра, жугьтари, дерин хажалатнаъ ади, ушвар дисури, ишуб – убгъуб апӀури, ирин палтар алахьну, биширугдиъ дахъри гъахьну.)

Эстер 4:15

Гьадмуган Эстери Мярдягьяйиз гьамциб жаваб хътапӀуру:

Эстер 4:17

Мярдягьяйи, душну, вари Эстери гъапибси апӀуру.

Даниял 2:18

Даниялна дугъан дустар Вавилондин имбу аьяндрарихъди аьжализ тутрувруси, гъит дурари Заварин Аллагьдикан чпиз рягьим апӀуб ва му сир чпиз ачмиш апӀуб ккун апӀри.

Паччагьлугъар-4 7:4

Эгер ухьу шагьриз гъушиш, душваъ гаш абхъна, ва ухьу кечмиш хьиди. Мушвахь ухьу гъузишра, ухьу кечмиш хьиди. Гъачай, арамарин бинайиз гъягъюхьа ва йисирвалиъ учӀвхьа. Эгер дурари ухьуз рягьим гъапӀиш, чӀивиди гъузидихьа, хъа дарапӀиш, кечмиш хьидихьа.