Эстер 4:11 - Гирами Китаб

¹¹ «Паччагьдиз багахь вуйидариз ва вари вилаятариъ айидариз аьгъя: эгер сар фуж – вушра, жилижви ясана дишагьли, чаз гъач дарпиди паччагьдихьна айтӀан гьяятдиъ учӀвиш, дугъаз адабтӀурайи жаза саб ву – аьжал. Анжагъ паччагьди дугъан терефназди гъизилин маргъ гьачӀабккиштӀан, думу чӀивиди гъитурдар. Хъа узуз паччагьдихьна дих дарапӀди сумчӀур йигъ ву».

Эстер 4:11 Referans Kwoze

Эстер 8:4

Паччагьди Эстерин терефназ гъизилин маргъ гьачӀабккуру. Эстер гъудужвну, паччагьдин улихь дийигъуру

Эстер 2:14

Хябяхъган думу паччагьдихьна гъюйи, хъа гвачӀинган паччагьдин дишагьлийириз лигурайи гъараваш Шаашгъаздин гюзчиваликк ккайи дишагьлийирин хулариз гъягъюйи. Гьаддихъанмина, эгер паччагьди чав амур дарапӀиш, шураз дугъахьна гъягъюз ихтияр адайи.

Эстер 6:4

Паччагьди гьерхру: «Гьатму гьяятдиъ айир фуж ву?» Паччагьдин дараматдин чӀатан гьяятдиъ айир, паччагьдикан чав дубсу буруздикк Мярдягьяй ккерхуб тӀалаб апӀури дуфнайи Аман вуйи.

Эстер 1:19

Эгер паччагьдиз ккун гъабхьиш, гьамусдихъантина Вашти Ахашʼверушдихьна дарифри кӀуру, батӀул апӀуз даршлу мялумат адабгъри ва Персияйин ва Мидияйин къанунариъ бикӀри. Хъа чаз хпирди дугъу жара дишагьли, гьадмутӀан ужур, гъадагъри.

Петрин-1 3:7

Ари гьамци, сатӀлан вуйи уьмриъ жиларра чпин хпарихьна лайикь вуйибси духьну ккунду. Дурарин гьюрмат дюбхну ккунду, гьаз гъапиш, гьеле дурар цӀибди зяифдар вушра, жиларихьди сабси ужувлан багъишдин ирсчйир ву. Гьаддиз, учву ккарагруган, гьич сарихьанра машат апӀуз хьибдарчвуз.

Эстер 4:10

Хъа Эстери Хатахдиз Мярдягьяйихьна гьамцдар гафар пуб табшурмиш апӀуру:

Эстер 4:12

Мярдягьяйихьна Эстерин му гафар гъапнийи.