Эстер 4:1 - Гирами Китаб

¹ Мярдягьяйиз му ляхникан хабар гъабшиган, дугъу чаин али палтар чӀяргъюру, дерднан лишанси ирин палтар алахьну, биширугра алабхьну, гьарай-фигъан ипну, шагьриантина гъягъюру.

Эстер 4:1 Referans Kwoze

Даниял 9:3

Узу Аллагьдиз, йиз Раббийиз, дих гъапӀунза; узу Дугъаз ккарагури ва миннатар апӀури гъахьунза, швумалвалин лишан вуди, ирин палат алабхьну ва рюкъдиъ дусну, ушвар дисури гъахьунза.

Паччагьлугъар-2 13:19

Тамари дерднаан чан кӀулʼин бишируг алабхьу ва чан девлетлу палат гъячӀябгъю. Дугъу кӀул хиларигъ гъибису, ва, яманди ишури, думу душвхьан дургин гъахьи.

Паччагьлугъар-2 1:11

Думуган Давудди ва дугъахъди хъайидари варидари, яснаъ айивал улупури, чпин палтар гъячӀяргънийи.

Ляхнар 14:14

Мидкан гъеебхьу Варнавна Павел, хъюлʼан чпин палтар дячӀяргъну, чӀигъар апӀури, халкьдихьна жаргъуру:

Матта 11:21

– Гьял пис хьибдияв, Хоразин! Гьял пис хьибдияв, Вифсайда! Учвуз Узу улупу гьяйбатар Тириз ва Сайдайиз гъяркънийиш, дурарин агьалйири ухдитӀан, чпихъ яснан палтар хъахьну ва кӀулʼин рюкъ алабхьну, тахсрар чпин гардандиъ дисидийи.

Эстер 4:3

(Паччагьдин му къарар фуну вилаятдиз хъубкьишра, жугьтари, дерин хажалатнаъ ади, ушвар дисури, ишуб – убгъуб апӀури, ирин палтар алахьну, биширугдиъ дахъри гъахьну.)

Эвел 27:34

Му гафар гъеерхьу Исавди зарбди ва дердлуди гьарай апӀуру, хъа чпин адашдикан: – Я адаш, узура яв ужувлакк ккаъ! – кӀури тӀалаб апӀуру.

Ачмиш 11:3

Узу Йиз кьюр шагьид тувдиза: дурар, чӀуру ирин палат алабхьну, агъзурна кьюдваржна йирхьцӀуд йигъан, пайгъамбрарси, пайгъамбарвалин гафар кӀури гъузди».

Эстер 4:2

Паччагьдин дараматдин раккнарихъ дийигъуру, фицики мицдар палтар алди паччагьдин дараматдиъ учӀвуз ихтияр адайи.

Эвел 37:34

Якьубди, дерднан лишан вуди, чаин али палтар чӀяргъюру, ирин парчи хъибиржну, гизаф йигъари балихъ ишуб-гъам зигури гъузру.