Эстер 3:4 - Гирами Китаб

⁴ Дурари гьар йигъан Мярдягьяйиз гьадму гафар текрар апӀури гъахьну, амма думу хъпехъури адайи. Гьадмуган, Мярдягьяй чав гафниин дийигъуруш аьгъю апӀуз метлеб айи дурари варибдикан Амандиз ктибтнийи. Хъа Мярдягьяйи дурариз чав жугьуд вуйиваликан дупнайи.

Эстер 3:4 Referans Kwoze

Эвел 39:10

Аьхюрин хпири гьеле дугъаз гьар йигъан чахъди йихь кӀури гъахьнушра, Юсуф дугъахъди хьуз рази гъахьундайи.

Юнус 1:9

Ва дугъу дурариз жаваб тувру: – Узу жугьуд вуза, гьюлна къурамат яратмиш гъапӀу Заварин РАББИ вуйи Аллагьдихьан гучӀ айир вуза.

Даниял 6:13

Мушвахь дурари паччагьдиз гъапи: – Хъа магьа, Данияли, Иудеяйиан хъади дуфнайидарикан сари, я уву, жан паччагь, ясана уву дебккнайи гъадагъа гьисабназкьан гъадагъурадар. Думу йигъан шубуб ражари ккарагура.

Даниял 3:12

Амма Вавилондин ляхнар идара апӀуз уву буйругъ тувнайи жугьтар – Шадрагь, Мишагь ва Абид-Ниг увухъ, паччагь, хъпехъурадар, яв бутариз гъуллугъ апӀурадар ва уву диву гъизилин дюшкюндариз икрам апӀурадар.

Эстер 3:3

Паччагьлугъдиъ айидари Мярдягьяйихьан гьерхнийи: «Гьаз уву паччагьдин амур тамам апӀурадарва?»

Эстер 3:5

Амандиз Мярдягьяй чан улихь кьамкьариина ис даршулайивал рябкъюру ва дугъак гъизгъин хъял кубчӀвру.