Эстер 3:15 - Гирами Китаб

¹⁵ Чархачйир паччагьдин амриинди чкиди рякъюъ учӀвнийи. Му къарар Сузы гъалайиъра гъубхнийи. Сузы шагьриъ зурба гъалабулугъ абхънийи, хъа паччагьна Аман ипӀуз-убхъуз деънийи.

Эстер 3:15 Referans Kwoze

Эстер 8:15

Паччагьдихьан Мярдягьяй беневш ва уьру хьайин ва багьа лизи гинбин палтар, гьацира кӀулʼин гъизилин аьхю таж алди удучӀвуру. Сузы шагьриъ шадвал абхънайи.

Югьан 16:20

Гьякьлу вуйи гьякь кӀуразачвуз: ишидичва ва дердер зигидичва, хъа миди вуйи дюнʼя шад хьибди. Учву пашман хьидичва, амма ичв пашманвал шадвализ хьибди.

Ачмиш 11:10

Дюнʼяйиин али адмийир шад хьиди, мяракйир ачмиш апӀиди, чиб-чпиз пешкешар апӀиди, гьаз гъапиш гьадму кьюрид пайгъамбрари дюнʼяйин халкьар аьзабнакк ккитнийи.

Насигьятар 29:2

Гьякьлуйир кьувватнаъ а – халкь шад шула; гьякьсузар гьюкмихь хьа – халкьди ипна суза.

Насигьятар 4:16

Дурарихьан ахуз шулдар аьхир, писвал дарапӀиш, ул иливну ахидар, сар фужкӀа пуч дарапӀиш.

Насигьятар 1:16

фицики дурар чӀурубдихьна жаргъура ва ифи удубзбаз гьялак шула.

Эстер 4:16

«Гъарах, Сузыйиъ айи вари жугьтар уч апӀин ва узу бадали ушвар дисай – шубуд йигъан ва шубуд йишван мипӀанай ва мубхъанай. Узура йиз гъаравашарихъди ушвар дисурза, хъасин, къанунди къадагъа апӀурашра, паччагьдихьна гъягъюрза. Эгер узу гъакӀиш – йикӀиди».

Паччагьлугъар-3 14:27

Рехувуам паччагьди дурарин ерина кемшрин гъалхнар гъапӀнийи ва паччагьдин гъалайин улихь гъуллугъ гъабхурайи гъаравларин аьхюдарихьна дурар табшурмиш гъапӀнийи.

Эвел 37:25

Дурариз, уьл ипӀуз деубси, Галааддианмина гъюрайи исмаиларин (дурариз мидьянарра кӀури гъахьну) ариш-веришчйирин девйирин сюри рябкъюру. Дурарин девйир Египетдиз гъахурайи ицци ниар хъайи укӀарин, мялгьямарин ва аьтрарин гъагъарихьди алацӀнайи.

Эстер 1:10

Ургуд кӀуру йигъан чяхир дубхъну гьевес ачухъ гъабхьи паччагь чан ургур дугъаз гъуллугъ апӀурайи гъаравашдихьна илтӀикӀуру – дурариз Мехуман, Биззета, Харвона, Бигта, Авагта, Зетар ва Къаркъас кӀуйи – ва, халкьдиз ва гьякимариз чан хпир Ваштийин успагьивал (хъа думу кьадарсуз гюрчегур вуди гъахьну) улупбан бадали, дурариз чахьна, паччагьдин тажра алабхьну, хпир хъади гъюб амур апӀуру.

Насигьятар 31:4

Паччгьариз ваъ, Лемуэл, паччгьариз лайикь дар чяхир убхъуб, гьюкумдрариз лайикь дар чпиз ички абгруб;