Эстер 3:12 - Гирами Китаб

¹² Гьаци сабпи вазлин йицӀишубудпи йигъан паччагьди кагъзар дикӀрудар уч апӀуру, Аманди гъапигансиб къарар адабгъуру ва гьарсаб вилаятдиз, гьарсаб халкьдиз ерли чӀалниинди дидикӀнайи къарар кайи кӀажар хътауру. Къарар паччагь Ахашʼверушдин ччвурнахъ адабгъуб ва дугъан мугьриинди тасдикь дапӀнайиб вуйи.

Эстер 3:12 Referans Kwoze

Паччагьлугъар-3 21:8

Дугъу Ахавдин ччвурнахъан кагъзар гъидикӀнийи, дурарин зиин мугьур гъивнийи ва Навотдин шагьриъ яшамиш шулайи гьюрматлу яшлуйириз ва машгьур ксариз хътаънийи.

Эстер 1:22

Ва паччагьди, Мемухандин насигьят тамам апӀури, чан вари мулкариина, гьарсаб вилаятдиз, гьарсаб халкьдиз чан чӀалниинди кагъзар хътауру. «Гъит жилижви чан ужагъдиъ агъа ишри», – вари чӀалариинди гьамциб мялумат тувнийи.

Даниял 6:15

Амма гьатмундари, паччагьдихьна саб хилди дуфну, гьамци кӀуйи: – Увуз аьгъявузки, паччагь, мидийиринна фарсарин къанундиинди паччагьдин саб гъадагъара, вая саб буйругъра батӀул апӀуз шлудар дар.

Даниял 6:12

Думуган дурар паччагьдихьна гъушу ва дугъаз дугъан гъадагъа апӀру къанун кӀваин гъапӀу: – Уву къанун адабгънадайвахъа, эгер сар шликӀа сумчӀур йигъандин арайиъ, увуз ктарди, я паччагь, шлизкӀа жарариз – я гирами бутдиз, ясана сар касдиз – ккарагиш, думу асланари итӀуз ичӀаз гатӀахьну ккунду. Паччагьди гъапи: – Думу кьатӀʼи вуйи къанун, мидийиринна фарсарин дючӀрюбгъру къанун ву!

Даниял 6:8

Гьациб гъадагъа илив, жан паччагь, къанун адабгъ – кьатӀʼи вуйи къанун, мидийиринна фарсарин дючӀрюбгъру къанун.

Эстер 9:27

жугьтари чпиз, чпин наслариз ва чпихъди сатӀи гъахьидариз гьаргандиз вуйи аьдат кьабул гъапӀну: гьадму кьюд йигъ, амур дапӀнайиганси, йисʼан йисаз къайд апӀуб.

Эстер 8:2

Паччагьди Амандихьан гъадабгъу тӀублан тӀубхъан хътабгъуру ва Мярдягьяйихьна тувру. Хъа Эстери Мярдягьяйиз Амандин мулкнан гъайгъу зигуб табшурмиш апӀуру.

Эстер 3:11

Ва кӀуру паччагьди Амандиз: «Арс увуз гъибт, хъа гьадму халкьдикан фу ккундушра апӀин».

Даниял 3:10

Уву, паччагьди, амур гъапӀнийваки, швутӀрамин, балабнин, пӀивнан, кьумуздин, саздин сесер ва имбу алатарин мукьмар гъеерхьу гьарсари, унтӀ жилиз йивну, гъизилин дюшкюндариз икрам апӀинай, кӀури.

Даниял 6:25

Гьадмуган Дари паччагьди гьамци гъибикӀнийи: «Жилиин аликьан вари халкьариз, тухмариз ва миллетариз. Учвуз ислягьвал ва хъуркьувалар ишричвуз!