Эстер 2:5 - Гирами Китаб

^5-6 Сузы гъалайиъ думуган Мярдягьяй кӀуру жугьуд яшамиш шули гъахьну. Думу Вениаминдин насларикан вуйи Кишдин бай Шимийин, Шимийин бай Яирин бай вуйи. Киш саб фила-вуш Вавилондин паччагь Навухаднасари, жара инсанарра, Иудеяйин паччагь Иехонияра хъади, йисирвализ гъадагъну, Ерусалимдиан кючюрмиш гъапӀнийи.

Эстер 2:5 Referans Kwoze

Эстер 10:3

Жугьуд Мярдягьяй, паччагь Ахашʼверушдилан алдабхъган, гьюкуматдиъ кьюрпи кас вуйи. Жугьтарин арайиъ машгьур, аьхю кьадар майил-мадатдиз ккуни дугъу чан халкьдин хушбахтвал бадали гъайгъу гъизигну, ва думу вари чан халкьдин тереф уьбхрур гъахьну.

Эстер 5:1

Шубуд кӀуру йигъан Эстер, чан багьа палтарра алахьну, паччагьдин дараматдин айтӀан гьяятдиъ, паччагь яшамиш шулайи хуларин улихь, дийигъуру. Хъа паччагь чан тахтниин, учӀвру йишваз машна-машди деънайи.

Эстер 2:3

Гъит паччагьди чан паччагьлугъдин вари вилаятариз хъугъʼвал али инсанар гьаъри ва варишвариан уччвудар жигьил шубар уч дапӀну, Сузы гъалайиз, паччагьдин дараматдиъ айи дишагьлийирин хулариз хъади гъюри. Гъит паччагьдин гъараваш Хегайи дурарин гъайгъушин зигри ва дурарихьна итирин ниъ хъайи мялгьямар туври.

Эстер 1:2

Гьадму вахтна чав Сузы шагьрин гъалайиъ паччагьдин тахтниин алди шубуд кӀуру йисан Ахашʼверушди чаз багахь инсанариз ва гьякимариз аьхю дем апӀуру. Фарсарин ва мидийирин кьушмарин кӀулиъ айидар, бегзадйир ва вилаятарин аьхюдар паччагьдихьна гъафнийи,

Паччагьлугъар-2 16:5

Давуд Бахуримдиз багахь гъахьиган, шагьриан Саулин хизандин тухумдиан вуйи адми удучӀвнийи. Дугъаз Шимей, Герайин бай, кӀуйи; думу гъягъюрайи ва агьрар апӀурайи.

Паччагьлугъар-1 9:1

Вениаминдин наслиан сар кас гъахьну, дугъаз Киш кӀуйи. Думу Авиэлин бай вуйи, хъа Авиэл Церорин, Церор Бехоратдин, Бехорат Афиахдин баяр вуйи. Думу касдиз аьхю гьюрмат айи.

Эстер 2:4

Паччагьдиз кьабул гъахьи риш Ваштийин ерина дугъан хпир хьиди». Му гафар паччагьдиз кьабул гъахьнийи ва дугъу гьаци гъапӀнура вуйи.

Паччагьлугъар-4 24:12

Ягьудайин паччагь Якин, чан дадара, багахь гъуллугъ апӀурайидарра, кьушмарин аьхюрарра, гъалайиъ гъуллугъ апӀурайидарра хъади, Навухаднасариз йисирвализ гъушнийи. Чан паччагьвалин миржидпи йисан Навухаднасари Якин йисирвализ гъадагънийи.

Паччагьлугъар-4 24:15

Навухаднасари Якин йисирди Вавилондиз гъурхнийи. Дугъу Ерусалимдиан Вавилондиз Якин паччагьдин дада, дугъан хпар, дугъан гъалайиъ гъуллугъ апӀурайидар ва уьлкейин гьякимар гъурхнийи.