Эстер 2:18 - Гирами Китаб

¹⁸ Ва паччагьди чаз багахь вуйидариз ва гьякимариз дем тешкил апӀуру – Эстерин сагълугъназ вуйи дем; ва паччагьдин аьдатнаъ айиганси, паччагьлугъдин вари вилаятариз пешкешар пай апӀуру.

Эстер 2:18 Referans Kwoze

Ачмиш 19:9

Хъасин малайикди узуз кӀуру: «БикӀ: „Хушбахтаврар ву Ччилахьна сумчрин гешт хъапӀуз дих дапӀнайидар!“ Ва, давам апӀури, малайикди гъапизуз: „Магьа Аллагьдин гьякь гафар!“»

Ачмиш 11:10

Дюнʼяйиин али адмийир шад хьиди, мяракйир ачмиш апӀиди, чиб-чпиз пешкешар апӀиди, гьаз гъапиш гьадму кьюрид пайгъамбрари дюнʼяйин халкьар аьзабнакк ккитнийи.

Лука 14:8

– Сари увуз сумчриз гъюб теклиф гъапӀиган, ужуб йишвʼин медеан, гьаз гъапиш гъач дупнайидарикан фужкӀа увутӀан артухъур вуди гъабшиш,

Матта 22:2

Аьршарин Паччагьлугъ сар гьамцир паччагьдиз ухшар ву. Сар паччагьди, гизафдариз сумчрик дупну, чан балин сумчрин мярака дюзмиш гъапӀнийи.

Эстер 1:7

Убхъруб жюрбежюр гъизилин гъабариъди туврайи, иллагьки паччагьдин чяхир кьадар адрубкьан айи.

Паччагьлугъар-1 25:8

Яв муздрарихьан гьерх, дурари субут апӀиди. Учу увухьна машкврин йигъан гъафунча – йиз чархачйирихьна рягьимлу йихь, дурариз, яв лукӀариз, ва яв бай Давуддиз увхьан шлуб тув».

Эвел 29:22

Думу йишван вари адмийириз дих дапӀну, Лаванди ипӀуб-убхъуб апӀуру.

Марк 6:21

Ужуб дюшюш ккабхъру: Гьироддин бабкан гъахи йигъ улубкьну ва гьаддиз гюре гешт хъапӀуз ханар-беглар, юзбашйир ва Галилей уьлкейин аьхюдар уч апӀуру.