Эстер 2:16 - Гирами Китаб

¹⁶ Паччагьдин дараматдиз Эстер йицӀубпи вазли, яни тевет вазли, Ахашʼверуш паччагь духьну ургуд кӀуру йисан хъади гъушнийи.

Эстер 2:16 Referans Kwoze

Эстер 8:9

Гьадмуган, шубубпи вазли, яни сиван вазли, къанна шубудпи йигъан, паччагьдин бикӀрудариз дих гъапӀнийи ва, Мярдягьяйи гъапиганси, цӀийи къарар адабгънийи ва вари жугьтариз, паччагьдин гъуллугъчйириз, Индияйиан Эфиопияйизкьан, вари варжна къанна ургуб вилаятдин гьякимариз, гьарсаб халкьдиз чан чӀалниинди, жугьтариз чпин чӀалниинди ва бикӀбан къайдайиинди кагъзар хътауру.

Эстер 2:3

Гъит паччагьди чан паччагьлугъдин вари вилаятариз хъугъʼвал али инсанар гьаъри ва варишвариан уччвудар жигьил шубар уч дапӀну, Сузы гъалайиз, паччагьдин дараматдиъ айи дишагьлийирин хулариз хъади гъюри. Гъит паччагьдин гъараваш Хегайи дурарин гъайгъушин зигри ва дурарихьна итирин ниъ хъайи мялгьямар туври.

Эстер 2:1

Хъасин, чан хъял илцифган, Ахашʼверуш паччагьдиз Вашти кӀваин гъахьнийи – дугъу гъапӀу ляхникан ва дугъан гьякьнаан адабгъу мялуматдикан.

Эстер 2:15

Мярдягьяйин эм Авихаилин риш, Мярдягьяйи тербияламиш гъапӀу Эстерин паччагьдихьна гъягъюз нубат гъафиган, дугъу паччагьдин гъараваш Хегайи теклиф гъапӀубдилан артухъ фукӀа тӀалаб гъапӀундайи. Эстер, гъяркъган, вардариз кьабул шулайи.

Эстер 2:17

Паччагьдиз Эстер миди вуйи чан хупартӀан кьабул гъахьнийи, миди вуйи шубариинтӀан дугъʼин дугъан юкӀв улубкьнийи. Дугъу Эстериин паччагьдин таж улубкӀуру ва Ваштийин ерина чаз хпирди гъадагъуру.