Эстер 2:15 - Гирами Китаб

¹⁵ Мярдягьяйин эм Авихаилин риш, Мярдягьяйи тербияламиш гъапӀу Эстерин паччагьдихьна гъягъюз нубат гъафиган, дугъу паччагьдин гъараваш Хегайи теклиф гъапӀубдилан артухъ фукӀа тӀалаб гъапӀундайи. Эстер, гъяркъган, вардариз кьабул шулайи.

Эстер 2:15 Referans Kwoze

Эстер 2:3

Гъит паччагьди чан паччагьлугъдин вари вилаятариз хъугъʼвал али инсанар гьаъри ва варишвариан уччвудар жигьил шубар уч дапӀну, Сузы гъалайиз, паччагьдин дараматдиъ айи дишагьлийирин хулариз хъади гъюри. Гъит паччагьдин гъараваш Хегайи дурарин гъайгъушин зигри ва дурарихьна итирин ниъ хъайи мялгьямар туври.

Ляхнар 7:10

Аллагьди думу вари завалариккан уьрхюру, дугъаз зурба фагьумлувал ва Египетдин паччагь дугъахьна ужуди янашмиш хьувал тувру. Паччагьди дугъкан вари Египетдин ва чан хусуси хулан гьякимдар гъапӀнийи.

Эстер 9:29

Паччагьдин хпир Эстери, Авихаилин шуру, жугьуд Мярдягьяйихъди сатӀиди дугъан Пурим машкврахъди аьлакьалу кьюбпи амур вари чаз айи гьюкмиинди, бикӀбиинди тасдикь гъапӀну.

Эстер 2:14

Хябяхъган думу паччагьдихьна гъюйи, хъа гвачӀинган паччагьдин дишагьлийириз лигурайи гъараваш Шаашгъаздин гюзчиваликк ккайи дишагьлийирин хулариз гъягъюйи. Гьаддихъанмина, эгер паччагьди чав амур дарапӀиш, шураз дугъахьна гъягъюз ихтияр адайи.

Эстер 2:16

Паччагьдин дараматдиз Эстер йицӀубпи вазли, яни тевет вазли, Ахашʼверуш паччагь духьну ургуд кӀуру йисан хъади гъушнийи.

Эстер 8:1

Гьадму йигъан Ахашʼверуш паччагьди жугьтарин душман Амандин вари девлет Эстериз тувнийи. Ва Мярдягьяй паччагьдихьна хъади гъафнийи (Эстери думу чан фуж вуш ктибтнийи).

Насигьятар 15:33

РАББИЙИХЬАН гучӀ хьайивали аькьюл хуру, сифте – фурс ктрувал, хъасин – адлувал гъафиб ву.