13 Гьаддин кьяляхъ риш паччагьдихьна хъади гъягъюйи. Паччагьдихьна дишагьлийирин хулариан гъягъюрайи шурахьна дугъу тӀалаб гъапӀу фу вушра тувуйи.
Гьарсар риш, Ахашʼверуш паччагьдихьна гъягъюз чан вахт хъубкьайиз, дишагьлийириз лазим вуйиганси, йицӀикьюб вазли гьязур шули гъахьну. Йирхьуб вазли дурари чибкан ччим ктатуйи, хъа имбу йирхьуб вазли – дишагьлийириз вуйи итирин ниъ хъайи мялгьямар.
Хябяхъган думу паччагьдихьна гъюйи, хъа гвачӀинган паччагьдин дишагьлийириз лигурайи гъараваш Шаашгъаздин гюзчиваликк ккайи дишагьлийирин хулариз гъягъюйи. Гьаддихъанмина, эгер паччагьди чав амур дарапӀиш, шураз дугъахьна гъягъюз ихтияр адайи.
Хъа Мярдягьяй гьаригъан дишагьлийир яшамиш шулайи хуларин багахьна, Эстерин ляхнар фици вуш, думу сагъ-саламатди аш, аьгъю апӀуз, гъюри гъахьну.