Эстер 1:17 - Гирами Китаб

¹⁷ Му ляхникан вари дишагьлийириз аьгъю хьибди ва чпин жилариз гьюрматсузвал улупиди. „Чав Ахашʼверуш паччагьди чахьна чан хпир Вашти хъади гъюб амур гъапӀну, хъа думу гъафундар“, – пиди дурари.

Эстер 1:17 Referans Kwoze

Эфес 5:33

Хъа учвуз кайиб, гъит гьар жилири, чаз учв ккуниси, чан хпир ккун апӀри ва хпирира чан жилирин гьюрмат уьбхри.

Паччагьлугъар-2 6:16

РАББИЙИН сундух Давуддин Шагьриъ убчӀвруган, Михал, Саулин риш, унчӀвхъан лигурайи. РАББИЙИН улихь ергурайи ва ялхъвнар апӀурайи Давуд паччагь гъяркъиган, дугъу думу чан кӀваъ асккан гъапӀу.

Эстер 1:16

Ва гъапи Мемуханди паччагьдиз ва гьякимариз: «Вашти неинки паччагьдин улихьси, Ахашʼверушдин паччагьлугъдиъ айи вари халкьарин ва гьякимарин улихьра тахсиркар ву.

Эстер 1:18

Фарсарин ва мидийирин мессеблу, адлу дишагьлийириз паччагьдин хпирин мициб гьюрматсузваликан гъеебхьну – гъи дурари гьякимариз дидкан ктибтиди, гьадмуган аьхир адру гъярхьувалар ва хъпебехъувалар арайиз гъиди.