Эфес 5:3 - Гирами Китаб

³ Ичв арайиъ кьяппаваликан, вая жара чиркинваликан, ясана тямягькарваликан гафаркьан даришри – мурар Аллагьдин гирами халкьдиз хас дар.

Эфес 5:3 Referans Kwoze

Колосс 3:5

Гьаддиз, учву гьаму дюнʼяйихьан дибиснайи учвуъ айиб вари: кьяппавал, чиркинвал, ктирсуз даршлу тямягьяр, асккан тямягьяр, кьискьисвал – гатӀахьай. Мицдар тӀулар идолариз икрам апӀувал ву.

Эфес 5:5

Кьяппавалиъ ахъру гьич сар кас, я чиркин кас, я тямягькар (мицир идолариз икрам апӀрурик гьисаб ву) Аллагьдинна Месигьдин Паччагьлугъдиъ ирснан эйси хьидар.

Фессалоник-1 4:3

Аллагьдин ният учву Чаз бахш хьувал ва кьяппавалихьан гьудучӀвуб ву.

Коринф-1 6:18

Кьяппавалихьан гьергай! Адмийи, кьяппавал ктарди, фу гунагь гъапӀишра, думу гунгьин дугъан бедендихъди фукӀара дар, хъа кьяппавал апӀурайири, чан бедендиз къаршуди гунагь апӀура!

Фессалоник-1 4:7

Аллагьди ухьуз чиркинвалиъ яшамиш хьуз ваъ, хъа гирамивалиъ гъузуз дих апӀура.

Коринф-1 6:13

Учву гьацира, «ипӀруб – фуниз, фун – ипӀрубдиз», кӀурачва! Ав, дюз кӀурачва, хъа мура, тмура Аллагьди терг апӀрубра дюз ву. Аммаки беден кьяппавализ вуйиб дар, хъа – Агъайиз. Агъара – бедендиз.

Эфес 5:12

Дурари жиниди апӀурайидарикан пуз гьеле начра шулу.

Матта 15:19

Фицики чӀуру ниятар, йивбар-йихбар, кьяппавалар, аьрбатанвалар, икӀ апӀбар, кучӀлар, футнйир – гьамрар вари кӀваан удучӀвурайидар ву.

Ачмиш 2:21

Узу дугъаз чан тӀулар дирчуз вахт тувунза, хъа дугъаз чан намуссузвалиин швумал хьуз ккунди адар.

Коринф-1 10:8

Гьадрарикан гьацӀарси ухьура, кьяппйир хьидархьа. Дурари кьяппа тӀулар апӀури ккебгънийи, ва сад йигъан къанна шубуд агъзур гъийихнийи.

Ачмиш 22:15

Амма хуйир, фалчйир, кьяппйир, йивну йихрудар, идолариз икрам апӀрудар, кучӀал ккунидар ва думу арайиз хрудар вари Шагьрин чӀатинди гъузди.

Ачмиш 21:8

Хъа гучӀбяхярин, масу туврударин, намуссузарин, йивну йихрударин, кьяппйирин, фалчйирин, идолариз икрам апӀрударин ва вари кучӀляхярин йишв цӀииндина гугутдиинди убгурайи дагар ву. Му кьюбпи аьжал ву».

Ачмиш 2:14

Гьаци вушра, Узуз увуз къаршу вуйибра азуз: увуъ Балам пайгъамбрин каламарихъди гъярайидар а. Думу каламари чан вахтна Валак паччагьди Израилин халкь гунагьарихъна хуз гъитнийи. Дугъу дурар, идолариз гъурбан гъапӀуб ипӀуз хъаънийи; дурариз намуссузвалиинди уьмур гьапӀуз улупнийи.

Коринф-1 5:1

Узуз ичв арайиъ Аллагь аьгъдрударин арайиъкьан даршлу кьяппавал абхънайиваликан хабар деебхьназуз: ичвдарикан сар чан адашдин хпирихъди хъа кӀура.

Ачмиш 9:21

Дурар гьацира чпин я йивну йихувалар, я фалчивалар, я кьяппавалар, я тӀафалвалар дирчну, швумал гъахьундайи.

Петрин-2 2:3

Дурар ацӀру касар дар. Дурар чпин иблис ва аьмалдар каламариинди учвлантина гизаф девлетлу хьиди. Аммаки, дурариз ухдитӀан жаза гьадабтӀну гьязурди а, диди кьан апӀидар, ва дурарин аьжал даабхнадар!

Жугьдариз 12:16

Лигай, учвкан сарира кьяппавал мапӀанай ва, саб гъаб ипӀрубдихъ хизандиъ аьхю бализ айи ихтиярар масу туву Исавси, Аллагьдихьан гьадмукьан ярхлади махьанай.

Коринф-2 12:21

Узу учвухьна хъана гъафиш, Аллагьди узу асккан апӀур, кӀури, гучӀуразуз ва чпин намус адрувалилантина, кьяппавалилантина, хилʼан адахънайивалилантина гунагь дапӀну, чпин гунгьариин швумал дархьи гизафдарихъанди ишлар апӀуб алабхъидизуз.

Титдиз 2:3

Гьаци улуп яшлу дишагьлийиризра: намуслуди яшамиш шлуганси, футнийир дарагъди, убхърубдиъ улар адрахьруси; гъит, жигьил швушвариз ужувлар апӀуз улупри.

Тимофейиз-2 3:2

Адмийириз, чпина пултӀан ккунди гъубзидар, чпин тярифар апӀрудар хьиди, хъюхъ дазабгну лицрудар хьиди, ушвниин чӀуру гафар алидар хьиди; абйир-бабарихьна гьюрмат гъубзидар, чухсагъул кӀурудар хьидар, инсанарин юкӀвариъ гирамивал гъубзидар.

Ляхнар 15:20

Ухьу дурариз, идолариз гъурбан дапӀнайи хураг мипӀанай, кьяппавалар мапӀанай, бугъмиш дубхьну гъабчӀибдин йикк мипӀанай ва ифи мубхъанай кӀури, кагъаз дибикӀну ккунду.

Петрин-2 2:14

Дишагьли гъяркъюбси, дурарин улар кьяппавали ацӀра, ва гьациб гунагьнахьан гьудучӀвуз ккундар. Дурари, чпин дисру рукьариъ итуз, зяиф гъян айидар хъчӀюхюри шулу. Дурарин юкӀвар иблисвалихьди дидиржна. Дурарин кьисмат – пуч хьувал ву.

Петрин-2 2:10

Дурарикан гизафна-гизафси, Агъайин гьюкум гьясбикк ккадарди, чпин жанариз ккунибси апӀру чиркин тямягьярихъди гъягърударин язухъ ву! Гьясбикк ккадру тӀулар апӀрудар ва эдеб адрудар, чпи аьршарин кьудратар биябур апӀурайивалихьан гукӀнидикьан адар.

Петрин-1 5:2

Ичв ихтиярназ тувнайи Аллагьдин лиж уьбхяй, дидин гъайгъушнаъ учву буржлу вуйивалиан мишанай, хъа Аллагь ихь гъайгъушнаъ айиганси, учвура ичв аьшкьниинди гъайгъушнаъ йихьай; учвуз му дюнʼяйикан хайир ктабгъуз ккунди ваъ, хъа ичв гьякь тямягь хъайивалиинди гъайгъушнаъ йихьай;

Титдиз 1:11

Дурари кӀулди хизанар пуч апӀури хъюгъру; чпин ужуз хайирнахъди, аьгъю дубхьну ккуниб улулупди, фукӀа дару каламарихъан хъчӀихури шлуган, дурарин ушвниъ итӀибшвури ккунду.

Титдиз 1:7

Фицики Аллагьдин гъуллугъниин али аьхюр Гьадгъан ляхнар кӀули гъахурайир ву ва дицир саб гаф кайир духьну ккундар. Дициб гъуллугъниин, чав кӀурубтӀан аьгъдрур, я хъял гъюрур, пияниска, элегрур, я пулиъ улар айир духьну ккундар.

Тимофейиз-1 3:3

дурубхърур, элелегрур, хъа гаф-чӀалнаъ гъюдлир, хъюхъ дазрабгрур, пулиъ ул адрур.

Тимофейиз-1 2:10

хъа Аллагьдиз бахш духьнайи дишагьлийириз лайикь вуйиси гъяни ляхнариинди чпи кабалгри.

Филипп 1:27

Фицдар гьялариъ ахъишра, Месигьдин Ужувлан хабар ктибтуз лайикьлуди гъузай! Узу учвухьна гъафиган, рябкъруси, хъа гъюз дархьиш, узуз ебхьруси саб хилди, Ужувлан хабар бадали, жафа зигури ва гьич сарихьдира учвуз гучӀ ккапӀуз гъидритди яшамиш йихьай. Гьамциб ичв дирбашʼвал дурариз чпи тӀанкь шлувалин лишан хьибди, хъа учву дюрхну хьиди, мурар вари Аллагьдин ляхнар хьиди.

Рим агьларихьна вуйи кагъаз 16:2

Ккун апӀураза учвкан, Агъайин гьюрматназ дилигну, думу Аллагьдин адмийириз лайикь вуйиси кьабул апӀинай, дугъаз гьудрубкӀру варибдиъ кюмек апӀинай, фицики дугъу чав, гьеле узузра кмиди, гизафдариз кюмекар гъапӀну.

Рим агьларихьна вуйи кагъаз 6:13

Ичв жандин гьич саб пайра гунгьарин гьюкмиз мутуванай, дурарикан гьякьсуз ляхнарин гъуллугънан яракьар даришри. Дидин ерина, дукӀну чӀиви гъашидарси, Аллагьдин гъуллугънаъ йихьай. Ичв жандин паярра гьякьлувалин яракьди Аллагьдин гъуллугънаъ дерккай.

Рим агьларихьна вуйи кагъаз 1:29

Гьамцдар адмийир писвалари, тямягьяри, чӀурувалари, кьаст айивали, йивну йикӀуваларихьна ва гъярхьуваларихьна зигрували, кучӀлари ва жарадарикан гьарган варитӀан харжиди фикир апӀували – гьар жюрейин гунгьари ацӀна. Му адмийири футнийир апӀуру,

Ляхнар 20:33

Узу учвухъди хъайиган, саринна я арс, я гъизил, я багьа палат ккун гъапӀундарза.

Лука 16:14

Пул ккуни фарисйир, гьаму гафарихъ хъпехъури, Исайиин аьлхъюри гъаши.

Насигьятар 28:16

Абдал гьюкумдри артухъди илзигури шулу, хъа ярхи хьиди йигъар илзигуб даккнирин.

Паччагьлугъар-1 8:3

Амма баяри чпин адашди апӀрубси апӀурдайи; дурар тямягькрар вуйи, дурари дашбашар дисуйи ва гьякь диван апӀувал чӀур апӀуйи.

Тимофейиз-1 6:10

Вари жюре чӀуруваларин ччив – пул ккун апӀувал ву. Пул ккун дубхьну, хъугъувалихьан гьудучӀву адмийир гизаф бахтсуз гъахьну.

Лука 12:15

Мидихъди сабси Дугъу дурариз гъапи: – Лигай гьа, тямягькрар махьанай, фицики инсандин уьмур дугъан девлетналан асиллу дар.