Эфес 4:3 - Гирами Китаб

³ Вари кьувват жалб дапӀну мясляаьтнахьди рюгьнан ичв сабвал йибтӀай.

Эфес 4:3 Referans Kwoze

Коринф-1 1:10

Ихь Агъа Иса Месигьдин ччвурнахъан, гъардшар, учвуз миннат апӀураза, чиб-чпихъди вари рази духьну гъузай. Гъит учву чиб-чпихьан жара даришри, фагьмар ва фикрариъ саб ишричву!

Жугьдариз 12:14

Вари адмийирихъди мясляаьт ади яшамиш хьуз ва гирамидар хьуз ял апӀинай – гирамивал адарди, гьич сарихьанра Агъа рякъюз хьидар.

Югьан 13:34

Узу учвуз цӀийи табшуругъ тувраза: сари-сар ккун апӀинай, Узу учву ккун гъапӀиганси, гьаци учвура сари-сар ккун апӀинай.

Коринф-2 13:11

Гъардшар, кӀуразачвуз: шадвал хъапӀай, уьмриъ улихь гъарахай, чиб-чпик юкӀв капӀай, гъит ичв арайиъ сабвал ибшри, мясляаьтниинди яшамиш йихьай, ва Аллагь, масанвалинна мясляаьтнан Булагъ, учвухъди хьиди.

Фессалоник-1 5:13

Дурари апӀурайи ляхниз дилигну, дурариз аьхю масанвалиинди гьюрмат апӀинай. Чиб-чпихъди мясляаьтниинди гъузай.

Эфес 4:4

Рюгь сар ву, Месигьдин беденра саб ву ва, гьадрарси, Аллагьди учвуз дих дапӀнайи умудра саб ву.

Эфес 4:13

Му мици, ихь хъугъувалиъ ухьу вари саб хьайизкьан, Аллагьдин Бай аьгъю апӀайизкьан, рюгьнаъ хъуркьувалихъна гъяйизкьан ва вари тамамвал Айириз – Месигьдиз ухьу ухшар шайизкьан хьибди.

Паччагьлугъар-3 16:21

Думуган Израилин халкь кьюб йишваз пай гъабхьнийи: саб гьацӀаз Гинатдин бай Тивнийикан паччагь апӀуз ккундийи, хъа тмуну гьацӀ Омрийин тереф вуйи.

Марк 3:24

Эгер паччагьлугъдин айитӀ дявйир аш, дициб паччагьлугъ сагъди гъубзидар.