Эфес 4:1 - Гирами Китаб

¹ Узу, Агъайин тереф дибисна кӀури дустагъдиъ айири, миннат апӀуразачвуз: Аллагьди учвуз дих дапӀнайи гъуллугъназ лайикь вуйиси яшамиш йихьай.

Эфес 4:1 Referans Kwoze

Колосс 1:10

Учу гьацира, учву Агъайиз лайикьлуди яшамиш хьпан бадали, вари Гьадгъаз хуш вуйиси апӀбан бадали, учву апӀурайи гьарсаб ужувлан ляхниъ ужуб бегьер хьпан бадали ва учвуз Аллагьдикан аьгъюб артухътӀан артухъ ибшри кӀури, ккарагури шулча:

Филипп 1:27

Фицдар гьялариъ ахъишра, Месигьдин Ужувлан хабар ктибтуз лайикьлуди гъузай! Узу учвухьна гъафиган, рябкъруси, хъа гъюз дархьиш, узуз ебхьруси саб хилди, Ужувлан хабар бадали, жафа зигури ва гьич сарихьдира учвуз гучӀ ккапӀуз гъидритди яшамиш йихьай. Гьамциб ичв дирбашʼвал дурариз чпи тӀанкь шлувалин лишан хьибди, хъа учву дюрхну хьиди, мурар вари Аллагьдин ляхнар хьиди.

Фессалоник-1 2:12

ичв уьмур Чан Паччагьлугъдиз ва аднахьна дих апӀурайи Аллагьдиз лайикьлуб хьпан бадали, учу учвуз дих апӀури гъахьунча, ял апӀури гъахьунча ва насигьятар туври гъахьунча.

Петрин-2 1:3

Исайин Аллагьвалин кьувватну ихь уьмриз гьарсаб лазим вуйиб ва лап кӀваантӀан Аллагьдин гьюрмат уьбхрувал тувнахьуз. Му Чан хусуси адниинди ва Чав ужувлан ляхнар апӀбиинди Учв ухьуз аьгъю хьувалилантина гъурубкьунхьуз.

Тимофейиз-2 1:9

Дугъу ухьу ихь ляхнариз лигну дюрхнадар ва Чан гирами вуйи дихниинди ухьуз дих дапӀнадар, хъа, Чан гьаци апӀуз ккайивалин кьувватназ ва Чан зурба вуйи ужувлаз дилигну гьаци дапӀна. Дугъу ухьуз, Месигь Исайиланмина думу багъиш, вахтар ккергъайиз улихьна дапӀнайи.

Коринф-1 4:16

Учвкан миннат вуйиз: узхъан мисал гъадабгъай!

Фессалоник-2 1:11

Гьаддиз Аллагьди Чан дих апӀбаз учву лайикь хьпан бадали ва Чан кьувватниинди вари ичв ужудар ниятар ва хъугъувалин ляхнар тамам апӀбан бадали, учу учвхъанди гьаммишан ккарагурира шулча.

Эфес 4:17

Гьаци вуйиган узу Агъайин ччвурнахъан кӀураза, тӀалаб апӀураза: ичӀи фикрар айи аллагьсузарси яшамиш хьуб дипай.

Эвел 17:1

Ибрам урчӀвцӀурна урчӀвуд йисаъ ади, дугъаз РАББИ ачмиш шулу ва кӀуру: – Узу Кьудратлу Заанур вуза. Йиз улихь, саб тахсир ктарди, лицури йихь.

Рим агьларихьна вуйи кагъаз 12:1

Гьаддиз учвуз ккарагураза, гъардшар, Аллагьдин ужʼвал бадали ичв жанар, Гьадгъаз хуш шлу марцци, чӀиви гъурбнарси, дерккай. Му Аллагьдиз фагьумлу вуйи гъуллугъ хьибди.

Колосс 2:6

Гьаци вуйиган, эгер учву Месигь Иса ичв Агъади кьабул гъапӀнуш, Гьадгъахъди сатӀиди яшамиш йихьай.

Петрин-1 3:9

Писвализ – писвалиинди, биябурвализ – биябурвалиинди жаваб мутуванай, хъа жараси, ужʼвал апӀбиинди жаваб тувай, гьаз гъапиш, учвуз гьаддиз дих дапӀна ва учвузра, ирс вуди, ужʼвал дебккуз гаф тувна.

Коринф-2 6:1

Аллагьдин гъуллугъчйири, учу, учвкан ккун апӀурача: учвуз багъиш дапӀнайи Аллагьдин ужʼвал, гьавайиб дарибшри.

Югьандин-2 1:5

Хъа магьа гьамус узу, багьалу вуйи агъа-ханум, саб ккун апӀураза (му насигьят цӀийиб даршра, сифте бинайианмина ухьуз тувнайиб ву): гъач, сари-сар масанди дисурхьа!

Петрин-1 5:10

Аммаки учвуз аьгь апӀуз сацӀибтӀан имдар! Иса Месигьдиъ сатӀиди духьну дих дапӀну, гьарсаб ужувлан булагъ айи Аллагьди Чан гьаммишандин Ад учвухъди пай апӀиди, учву дюз алаиди, ижми апӀиди, кьувватлу апӀиди, йишвʼин мюгькам апӀиди.

Петрин-1 2:11

Йиз багьа вуйидар, гьаму дюнʼяйиин улукьуз дуфну, кьяляхъ гъягъюри рякъʼин алидарси, кӀвахьди дяви гъабхурайи жандин тямягьярихьан ярхлади гъузуб учвкан ккун апӀураза.

Жугьдариз 13:21

учву Чан ният тамам апӀру гьарсаб ужуб ляхнихъ хъаъри. Ва, гъит, Иса Месигьдилантина Дугъу ухьу, Чаз ккуниб апӀруси, гъитри. Хъа Иса Месигьдин, гъит, гьаммишандиз ад ибшри. Амин.

Филипп 3:14

Гьаци апӀувалин метлебра узу пешкеш рубкьуз лайикь хьувал вуйиз. Думу пешкеш – Иса Месигьдиланмина Аллагьди аьршариз дих дапӀнайивал вуйиз.

Эфес 5:2

Кабалгру ицци ниар адаури, Аллагьдиз Месигь Учв фици гъурбан гъахьнуш ва фици ухьу ккун гъапӀнуш, гьаци масанди яшамиш йихьай.

Эфес 4:4

Рюгь сар ву, Месигьдин беденра саб ву ва, гьадрарси, Аллагьди учвуз дих дапӀнайи умудра саб ву.

Эфес 3:1

Магьа гьаддиз узу, Павел, учву, аллагьсузар бадали, Месигь Исайиланмина дустагъдиъ аза.

Галат 4:12

Гъардшар, учвуз миннат вуйиз, узу фицир вуш, учвура гьацдар йихьай! Фицики узура учвусир даринхъа? Учву узуз гьич зат фукӀара чӀуруб гъапӀундарчва.

Эвел 5:24

Янокдин уьмур Заанурихъди гъубшну. Хъа думу дургру, гьаз гъапиш думу Заанури Чахьна гъахуру.

Жугьдариз 3:1

Гирами гъардшар, учвузра Аллагьди дих дапӀна. Гьаддиз учу хъугърайибдин ва ктибтурайибдин заан Гъуллугъчи – Аллагьди гьаънайи Исайиз лигай.

Коринф-2 10:1

Узу, Павел, учву кӀуруганси, ичв багахь гьарган «начур», учвхьан ярхла айиган, «кӀубнир», Месигьси гъюдалди ва фурс ктарди учвухьна илтӀикӀураза.

Титдиз 2:10

гьитӀибкӀрудар ваъ, хъа ухьу Уьрхрурикан – ихь Аллагьдикан вуйи аьгъювалар хъана артухъ уткан ва такабур апӀру гьубкӀу ихтибар алидар ишри.

Колосс 4:12

Ичвдарикан саламар Месигь Исайин гъуллугънаъ айи Эпафрасди хътаура. Думу гьарган учвхъанди, учву тамамвалинна дугъривалин мюгькамвалиинди Аллагьдин ниятнахъ хъпехъури гъузри кӀури, ижмиди ккарагура.

Коринф-2 5:20

Гьаддиз лигну учу Месигьди кадагъну гьаънайидар вуча, фицики учлантина Аллагь адмийирихъди улхура. Гьаддиз Месигьдин ччвурнахъан миннат апӀурача: Аллагьдихъди албагай!

Ляхнар 9:31

Гьамци вари Ягьудия, Галилей ва Самария уьлкйир вуйиси хъугънайидар саламат ва хъугъувалиъ мюгькам шули гъахьну. Агъайихьан гучӀʼвал хьади ва Гирами Рюгьну кюмек апӀури, вакиларин ученикарин кьадар артмиш шули гъабхьну.

Рим агьларихьна вуйи кагъаз 11:29

Фицики Аллагьди Чав дих дапӀнайи халкь ва Чав тувнайи гаф уьрхиди.

Эфес 2:10

Аллагьди ухьуз дерккнайи ужувлан ляхнар тамам апӀуз, ухьу Иса Месигьдиъ саб дапӀну, халкь дапӀнайидар вухьа.