Эфес 2:3 - Гирами Китаб

³ Саб вахтназ ухьура гьацдар вуйхьа ва, бедендиз ккуниси, ихь тямягьярин ва ихь чӀуру ниятарин ляхнар апӀуйхьа. Варидарихъди ухьузра, ихь хасиятназ дилигну, Аллагьдин хъял ккилибгурайи.

Эфес 2:3 Referans Kwoze

Титдиз 3:3

Улихьди ухьура ахмакьарди гъахьидар вухьа: кӀулʼин зигрудар, алдатмиш дапӀнайидар, хьуз мумкин вуйи вари тямягьярин ва ягь адру кьукьарин лукӀар вуйхьа, хъюлу ацӀну ва гъанихвали ургури яшамиш шули гъахьунхьа, чиб-чпин хъял ади ва чиб-чпи даккунди гъахьунхьа.

Петрин-1 1:14

Хъпехъру бицӀидарси, учву Аллагьдихъна гъяйиз айи ичв тямягьяр фицдар вуйиш, гьадрарихьди ичв уьмур хъапӀуз мигъитанай.

Эфес 4:22

Ичв йирси табиаьтдиз хас вуйи, улар йитӀру кучӀлин тямягьяри пуч апӀурайи мугагьназдин уьмур гъибтуз учвуз улупнийи.

Рим агьларихьна вуйи кагъаз 13:14

Ихь Агъа Иса Месигьди учву уьрхричву, ичв бедендин гъайгъушин тямягьяриз миилтӀибкӀанай.

Рим агьларихьна вуйи кагъаз 6:12

Гьаддиз гунгьари ичв аьжал хъайи бедендиин аьхювал апӀуз мигъитанай ва дидин тямягьариз мютӀюгъ махьанай.

Югьандин-1 2:16

Гьаз гъапиш му дюнʼяйиъ айи варибдихъ ихь гунагькар жандин тямягь хъа. Ихь уларин тямягь хъайиб ва гьаму уьмриъ адмийири фурс ва дамах апӀурайиб вари – гьич фукӀара Адашдихьан вуйиб дар. Хъа му вари – дюнʼяйихьан ву.

Эфес 2:2

ва, гьаму дюнʼяйиъ фици апӀури гъахьнуш, учвура Аллагьдиз къаршуди удучӀвнайидариъ айи рюгьнан гьавайиъ айи чӀуру кьувватарин аьхюрин хиликкди гьаци апӀуйчва.

Югьан 8:44

Ичв адаш иблис ву, ва учву ичв адашдин интӀи тӀулар тамам апӀуз шад вучва. Хъа думу гьарган адмийир пуч апӀрур ву, ва дугъаз гьякьвал душман ву, гьаз гъапиш дугъаъ гьякьвал адар. Дугъу кучӀал апӀурайиган, кучӀал дугъан багъри чӀал ву, гьаз гъапиш думу кучӀлях ву ва кучӀларин адаш ву.

Коринф-2 7:1

Гьаци вуйиган, йиз ккунидар, гъачай, ухьуз ужувлар хьуз гьамциб гаф тувнайиган, ихь беденна рюгь чиркин апӀру варибдихьан марцц дапӀну, Аллагьдин улихь аьхю гукӀнивал ади, гирамиди яшамиш хьуз улихь гъягъидихьа.

Коринф-1 4:7

ИмбудартӀан артухъ за шли апӀураву? Аллагьдихьан даруб фу авуз? Увуз вари пешкеш дапӀнайиган, увуз тутрувганси яв тярифар гьаз апӀурава?

Рим агьларихьна вуйи кагъаз 7:18

Узуъ, йиз гунагькар бедендиъ, ужʼвал яшамиш шули адрувал аьгъязуз. Ужудар ляхнар апӀуз ккунди шулзуз, хъа дицдар ляхнар апӀурадарза.

Марк 4:19

хъа гьар йигъандин гъайгъушнари, девлетнахъ хъергували ва жара тямягьари Аллагьдин гаф кӀваълан гьапӀуз гъитру, ва диди бегьер хури шулдар.

Эвел 6:5

РАББИЙИЗ жилиин инсанарин улдугнайивал, дурарин кӀван фикрар ва хиялар гьаммишан писдар вуйивал рябкъюру.

Рим агьларихьна вуйи кагъаз 11:30

Саб фила-вуш учву Аллагь гьясбикк апӀдайчва. Хъа гьамус, Дугъахъ жугьдар хъпебехъган, Дугъу учвуз ужʼвал улупура.

Рим агьларихьна вуйи кагъаз 9:22

Аллагьдиз Чан хъял улупуз ва Чан кьувват улупуз ккун гъабхьну, аммаки хъял капӀру, тӀанкь апӀуз гьязур вуйи ляхнар Дугъу сабурлуди аьгь гъапӀну.

Югьан 1:13

Дурар инсанарин ниятариинди, ясана адмийириз ккун гъабшиган бабкан шлудар дар. Думу веледар Аллагьдихьан ву.

Эвел 8:21

РАББИЙИЗ кабалгру ниъ гъюру ва Чан кӀваъ гьамци кӀуру: «Инсан себеб духьну, сарун Узу дюнʼя балайикк ккипидарза. БицӀидихъанмина инсандин апӀурайи фикир ужуб даршра, Узу вари жан алиб сарун тӀанкь апӀидарза.

Петрин-2 2:18

Дурари чпин кьил ктру гафариинди, ичӀи улхбариинди, гьуркӀну удудукьру жандиз ккуни тямягьярин кюмекниинди, кучӀлариъди яшамиш шулайидарихьан ярхла хьуз хъюгънайидар, чпихьна хъчӀюхюру ва чпин бацаригъ чӀюркьюру.

Петрин-2 2:14

Дишагьли гъяркъюбси, дурарин улар кьяппавали ацӀра, ва гьациб гунагьнахьан гьудучӀвуз ккундар. Дурари, чпин дисру рукьариъ итуз, зяиф гъян айидар хъчӀюхюри шулу. Дурарин юкӀвар иблисвалихьди дидиржна. Дурарин кьисмат – пуч хьувал ву.

Тимофейиз-1 6:9

Девлетлу хьуз ккунир гизаф абдал ва хатӀавалин тямягьяриъ ахъру. Дурари адмийир бедбахтвалин ва аьжалин деринариз хъчӀюхюру.

Галат 3:22

Аммаки Гирами китабари дюнʼяйиин алиб вари, Иса Месигьдихъ хъугъувалиланмина, хъугънайириз тувнайи гаф тамам апӀбан бадали, гунгьин гьюкмикк кка, кӀура.

Рим агьларихьна вуйи кагъаз 1:24

Гьаддиз Аллагьди дурар, чпин абдал тямягьяриъ, бедендиз ккуни кфирвалариъ аъру, чпин жанар, чиб-чпихъди чиркин апӀуз гъитру.

Югьандин-1 2:8

Хъа жара терефнаан, узу учвуз бикӀурайиб, цӀийи табшуругъ ву, гьаз гъапиш, му гьякьвал Иса Месигьдин ва ичв уьмри улупура, миди мучӀушназ кьяляхъ йивура, ва гьякьвалин аквну гьамустӀанра нурар рагъура.

Ляхнар 14:16

Улихьди Аллагьди, ужувлар апӀури, Чакан учвуз гьаммишан кӀваин апӀури гъахьнушра, Дугъу гьарсаб халкьдиз чан рякъ дибисну гъягъюз ихтияр туври гъахьну. Дугъу, учвуз ужуб бегьер тувуз, мархьар гьаъри гъахьну. Дугъу учвуз ипӀуз ужуб тувра ва ичв юкӀвар шадвали ацӀра.

Эвел 5:3

Адамдиз, дугъан варжна сумчӀур йис вуйиган, чаз ухшар вуйи бай шулу. Дугъаз Шит кӀуру ччвурра тувру.

Рим агьларихьна вуйи кагъаз 2:14

(Ва гьаддиз, Къанун адру миллетари чиб-чпиинди, гьеле дурарин Къанун адаршра, чпин кӀваан Къанундиъ айиси апӀураш, дурар чпи ву чпиз закон.

Рим агьларихьна вуйи кагъаз 5:9

Гьамус, Месигьдин аьжалилантина Аллагьдин улихь ухьу гьякь духьнайиган, мидлан артухъ, Гьадгъу Аллагьдин хъялнахьан уьрхидихьу.

Рим агьларихьна вуйи кагъаз 5:10

Фицики, гьеле ухьу Аллагьдин душмнарди имиди, Дугъу ухьу Чан Балин аьжалниинди албагнуш, хъа гьамус албагну айиган, хъана ужуйи Чан Балин уьмриланмина Дугъу ухьу уьрхиди.

Колосс 1:21

Ичв чӀуру ляхнариланмина ухди гъярхьрайидар ва улʼан идитнайидар,

Фессалоник-1 4:13

Гъардшар, учуз учву гъийихдарикан фукӀа-мукӀа аьгъдарди гъитуз ккундарчуз. Сабдикра миж кимдру имбу адмийириси, дурарин дердер мизиганай.

Фессалоник-1 5:6

Гьаддиз, имбударси, даахну гъуздархьа! Ачухъ фагьум ади ва кӀубанди гъуздихьа!