Эфес 1:7 - Гирами Китаб

⁷ Гьадгъахъди саб гъахьиган, Дугъан ифди ухьу дюрхна ва Аллагьдин аьхир адру ужʼвали ихь гунгьарилан хил алдабгъна.

Эфес 1:7 Referans Kwoze

Петрин-1 2:24

Дугъу Чав, ухьу гунгьариз дийихнайидарси хьуз ва гьякьвал бадали яшамиш хьуз, Чан хусуси бедендиъди ихь гунгьар хачриина гъухну. Учву Дугъан зийнариинди сагъ гъахьунчва.

Рим агьларихьна вуйи кагъаз 3:24

Хъа Аллагьдин рягьимлувалилантина адмийирин гунгьар Чаина гъадагъу Иса Месигьдилантина вари халкьар, гьич саб кьимат тутрувди, Аллагьдин улихь гьякь гъахьну.

Колосс 1:14

Гьадгъу ухьуз, гунгьарилан хил алдабгъну, азадвал тувунхьуз.

Жугьдариз 9:22

Къанунди вари ифдихьди марцц апӀуб тӀалаб апӀура ва, ифи удудубзди, хил алдабгъуб айиб дар.

Матта 26:28

Му цӀийи йикьрар йитӀурайи ва гизафдарихъанди, гунгьарилан хил алдабгъбан бадали, удубзурайи Йиз ифи вуйиз.

Ачмиш 5:9

Дурари цӀийи мяъли апӀурайи: «Уву лайикь вува китаб бисуз ва дидлан печатар алдагъуз, гьаз гъапиш, Уву духьну гъурбан, Яв ифдиинди Уву Аллагьдиз адмийир гъадагъунва гьарсаб тухмиан ва чӀалнаан, гьар жюре миллетарикан ва халкьарикан.

Югьандин-1 2:12

Узу учвуз, йиз ккуни веледар, ичв гунгьарилан Иса Месигьдилантина хил алдабгъну, кӀури, бикӀураза.

Филипп 4:19

Ва йиз Аллагьдира Чан зурба вуйи девлетниинди, Месигь Исайилантина вари учвуз ккунди имбубдихьди артухъра кади ацӀдичва.

Эфес 2:7

Гьаци Дугъаз Иса Месигьдилантина гъюз ккимбу вахтари ухьуз тувру Чан ужувлан кӀан-кӀул адру девлет варидариз улупуз ккун гъабхьну.

Коринф-1 1:30

Гьадгъан кюмекниинди учву Иса Месигьдик кидикьначва. Гьадму Иса ухьуз Аллагьдин фагьум, ихь гьякьвал, ихь гирамивал ва ккадаувал вухьуз!

Эфес 3:16

Узу, Аллагьди Чан аднан булвалиан Чан Рюгьниинди ичв рюгь кьувватлу апӀуз,

Коринф-2 8:9

Ихь Агъа Иса Месигьдин ужʼвал аьгъячвуз. Думу, Учв девлетлу вуйи, хъа Чан касибвалиланзина учву девлетлу хьуз кӀури, касиб гъахьну.

Рим агьларихьна вуйи кагъаз 2:4

Ясана уву Дугъан зурба вуйи гьюрмат, сабур ва аьгь апӀувал гьаци улʼан идипнана, дарш, ва увуз вуйи Дугъан гьюрмат, уву яв тӀулариин швумал хьуз вуйибдин гъавриъ адарна?

Югьандин-1 2:2

Ари Гьадму гъурбан духьну, ихь гунгьариккан, неинки ихь, хъа гьацира вари дюнʼяйин гунгьариккан ккадауз Гъитур ву.

Титдиз 2:14

Ухьу законсузваликкан азад апӀбан бадали, Чаз дурукьнайи халкь марцц апӀбан бадали ва думу халкь, вари юкӀв хъипну, ужʼвал апӀуз улихь гъягъбан бадали, Гьадгъу ухьхъанди Чан жан тувну.

Ляхнар 2:38

Петри дурариз кӀуруки: – Ичв гунгьар гардандиъ дидисну, уьмур дигиш апӀинай. Ва ичв гунгьарилан хил алдабгъбан бадали, гьарсар кас Месигь Исайин ччвурнахъан штуан йихьай: гьадмуган учвуз Гирами Рюгь пешкеш хьиди.

Матта 20:28

Гьаци Инсаниятдин Байра Чаз жарадари гъуллугъ апӀбан бадали ваъ, хъа Чав гъуллугъ апӀбан бадали ва гизафдарин гунгьарилан хил алдабгъуз кӀури Чан уьмур тувбан бадали Дуфнайир ву.

Даниял 9:9

Раббийи, ич Аллагьди, учуз рягьим апӀри ва хил алдабгъри, учу Дугъаз къаршу удучӀвнушра,

Югьандин-1 4:10

Дугъри вуйи ккунивал, ухьу Аллагь ккун гъапӀну кӀури, гьаддиъ адар, хъа Аллагьди Чав ухьу ккун гъапӀну ва Чан Бай ухьу гъапӀу гунгьарихъанди гъурбан хьуз гьаъну – магьа гьякь вуйи ккунивал.

Ляхнар 20:28

Ичв ва вари хъугънайидарин гъанаъ йихьай. Исайи Чан ифдиинди гъазанмиш дапӀну, Аллагьдихъ хъугънайидарин ва учвʼина Гирами Рюгьну аманат гъапӀдарин гъайгъу зигай.

Даниял 9:19

Рабби, ебхьа! Рабби, хил алдабгъа! Рабби, гъаври ахъа! Ич тавакъу, кьаназ гъидрибтди, кӀулиз адабгъа – Яв Уву бадали, йиз Аллагь, фицики му шагьур Явуб ву ва халкьра Явуб ву, Яв ччвурнахъ хъайидар.

Петрин-1 3:18

Гьаци Месигьра, ухьу гъапӀу гунгьарихъанди, сабан ва гьаргандиз, Гьякьлур гьякьсузарихъанди, учву Аллагьдихьна хпан бадали, ккахъундаринхъа! Дугъан беден аьжализ тувну гъабкӀну, хъа Рюгь уьмрихъна кьяляхъ хътакну.

Эфес 3:8

Узуз, Аллагьдин халкьдин арайиъ варитӀан асккануриз, гьаму багъиш тувназуз: Аллагь аьгъдрудариз ебцуз удудубкьру Месигьдин девлетнакан Ужувлан хабар дебккуб.

Ляхнар 10:43

Вари пайгъамбрари, Дугъахъ хъугъу гьарсарин гунгьарилан Дугъан ччвурнахъан хил алдабгъиди кӀури, Дугъкан шагьидвал апӀури гъахьну.

Югьан 20:23

Учву шлин гунгьарилан хил алдабгъиш, гьадгъан алдабгъну хьибди, хъа шлиин гъитиш, гьадрариин гунагь гъубзди.

Марк 14:24

Дугъу дурариз кӀуру: – Му цӀийи йикьрар йитӀурайи ва гизафдарихъанди удубзурайи Йиз ифи вуйиз.

Титдиз 3:6

Дугъу Чан Рюгь, ухьу Уьрхруриланмина – Иса Месигьдиланмина ухьʼина, кӀюгъялвал адарди, улузну.

Тимофейиз-1 2:6

Дугъу вари адмийирихъанди кайи буржнан ерина Учв тувну. Думу Аллагьди, вахт гъафиган, дюнʼяйиз гьау шагьидвал ву.

Колосс 2:13

Ухди учву, ичв гунгьариз ва суннат дапӀну адрувализ дилигну, дийихнайидар, Аллагьдин халкьдик кахьри адайчва. Хъа гьамус Аллагьди учву Гьадгъахъди уьмрихьна кьяляхъ хътаъну. Дугъу ихь вари тахсрарилан хил алдабгъну.

Колосс 2:2

Йиз метлеб ичв юкӀвариъ масанвалин сатӀивал ва кӀубанвал тӀапӀуб вуйиз. Масанвалин сатӀивал ва кӀубанвал аш, учвуз Аллагьдин сир, яна Месигьдикан вуйи аьгъюваларин гьубкӀу девлет хьибдичвуз.

Колосс 1:27

Аллагьди думу сирнан вари хазна ва ад Аллагь аьгъдру халкьариз улупуз кӀури ачмиш гъапӀну. Дидин сир Месигь ухьуъ яшамиш хьувалиъ а. Месигь ихь гъюз ккайи адлувалин умуд ву.

Эфес 2:4

Хъа, зурба рягьим айи Аллагьди Чан зурба масанвалиинди ккун гъапӀунхьу.

Рим агьларихьна вуйи кагъаз 9:23

Дугъу мици Чан ккудудубкӀру ад, рягьимлувализ лайикь вуйи ва адлувал кьабул апӀуз гьязур дапӀнайи касариз улупуз гъапӀундайкӀан, яраб?

Ляхнар 3:19

Гьаци вуйиган, ичв тахсрар гардандиъ дисай ва, ичв гунгьарилан хил алдабгъбан бадали, Агъайихьинди илтӀикай.

Лука 24:47

ва, вардари чпин гунгьар гардандиъ дисруси, Аллагьди чпилан хил алдабгъруси, Ерусалимдилан ккебгъну варишвариъ Йиз ччвурнахъан Ужувлан хабар рабгъиди.

Лука 1:77

Дугъу халкь уьрхрувалин ва инсанарин гунгьарилан хил алдабгърувалин гьякьнаан халкь гъаврикк ккауз,

Ачмиш 14:4

Дурар дишагьлийирихъди чиркин дархьидар, хъа чпин марццишин гъюбхдар ву; дурар, Ччил наанди гъушиш, Гьадгъахъди гъягърудар ву. Дурар имбу инсаниятдигъян гъядягънайидар ву. Дурар Ччилаз ва Аллагьдиз бин ва ккебгъувал вуди кадагънайидар ву.

Эфес 1:6

Чав ккун гъапӀу Месигьдилантина ухьуз туву Дугъан ужувлан вари ад магьа гьамдиъ а.

Юнус 4:2

Ва дугъу, ккарагури, РАББИЙИЗ гъапну: – Я РАББИ! Узу гьеле йиз уьлкейиъ имиди, гьамци шлуб аьгъяйзуз. Гьаддиз узу Таршишдиз гъажаргънийза. Уву кӀваъ ккунивал айи, рягьимлу, хъял дебккру, язухъ апӀру Аллагь вуйивал ва Увуз мициб мусибат даккнивал аьгъяйзуз.

Матта 6:12

Учук кайи бурж учуз гьялал апӀин, ва учура жарадарик кайи ич буржар дурариз гьялал апӀурча.

Рим агьларихьна вуйи кагъаз 3:25

Аллагьди Думу гъурбан гъапӀну. Дугъан ифди Дугъахъ хъугърударин гунгьар марцц гъапӀну. Адмийирин ухди гъапӀу гунгьарилан хил алдабгъну, Аллагьди Чан гьякьвал улупну.

Эфес 1:8

Думу ужʼвал Дугъу ухьуз жумартди тувну. Вари фагьмиинди ва аьгъювалиинди

Эфес 1:14

Гьадму Гирами Рюгь ухьуз тувнайиган, адлу духьнайи Аллагьдин тярифар апӀуз ухьуз ирс рубкьруб ва ухькан Чан адмийир ктаъруб аьгъяхьуз.

Эфес 1:18

Узу, Аллагьди ичв юкӀвариз гьякь рябкъювал туври, кӀури, ккарагураза. Гьадмуган, Чав дих дапӀну, учвуз тувнайи гьадму умуд фу вуш, Аллагьдин гирами халкьдиз ирсди рубкьру аднан девлет фукьан зурбади вуш, ва ухьуъ, Дугъан кьадарсуз кьувватнан кюмекниинди хъугънайи адмийириъ айи ебцуз даршлу Дугъан кьудратнан зурбавал фукьануб вуш, агъю хьибдичвуз.