Эфес 1:6 - Гирами Китаб

⁶ Чав ккун гъапӀу Месигьдилантина ухьуз туву Дугъан ужувлан вари ад магьа гьамдиъ а.

Эфес 1:6 Referans Kwoze

Колосс 1:13

Дугъу ухьу мучӀушнан гьюкмиккан ккадаъну, Чан масан Балин Паччагьлугъдиз гьаъну.

Эфес 1:12

Му мици учу, Месигьдик сифте миж кивну, адлу духьнайи Аллагьдин тярифар апӀуз гъабхьиб ву.

Филипп 4:19

Ва йиз Аллагьдира Чан зурба вуйи девлетниинди, Месигь Исайилантина вари учвуз ккунди имбубдихьди артухъра кади ацӀдичва.

Матта 3:17

Ва завʼан дих шулу: «Му Йиз масан Бай вуйиз, Узу Дугъʼин гизаф рази вуза!»

Петрин-1 2:9

Хъа учву, кадабгънайи жинс, Паччагьдин гъуллугъчйир, гирами халкь, Аллагьдин хусусият, мучӀушнаан Чан аьжайиб аквнаъ хьуз учвуз Шли дих дапӀнаш, Гьадгъан зурба ляхнарикан хабар дебккбан бадали, гъядягънайидар вучва.

Филипп 1:11

учвхьан Аллагьдин ад ва тяриф апӀуз шлуси, Иса Месигьдин кюмекниинди гьякьʼвалин бегьер хуз хьибдичвухьан.

Эфес 1:14

Гьадму Гирами Рюгь ухьуз тувнайиган, адлу духьнайи Аллагьдин тярифар апӀуз ухьуз ирс рубкьруб ва ухькан Чан адмийир ктаъруб аьгъяхьуз.

Петрин-1 4:11

Эгер шлиз гафар апӀувалин хъуркьувалар аш, гъит, дугъу Аллагьдин хабарнакан гаф рабгъри; шлиз гъуллугъ апӀбаъ хъуркьувалар аш, гъит, Аллагьди туврайи кьувватнаъ учв мюгькам ишри. Гъит, варидари Иса Месигьдилантина Аллагьдин ад бадали жафа зигри! Гьадгъаз ибшри аьсрариан-аьсрариз ад ва кьудрат, амин!

Коринф-2 5:21

Гунагь ктру Месигь Аллагьди ихь гунгьарихъанди гъурбан гъапӀну. Аллагьди гьаци, Чан улихь ухьу, Месигьдихъди саб духьну, гьякь хьуз кӀури, гъапӀну.

Коринф-2 4:15

Му вари, артухътӀан артухъ инсанар ужувлакк ккаърайи ужʼвали Аллагьдин адлувализ хъана артухъ чухсагъул пубан бадали, учвуз вуйи ужʼвал ву.

Петрин-1 2:5

Учвура, чӀиви гъванарикан хал диврайиси, ичв учвкан рюгьвалин хал тикмиш апӀинай. Гьадмуган, гирами вуйи гъуллугъчйир хьпан кьяляхъ, Месигьдиланмина Аллагьдиз кьабул вуйи, Рюгьниинди вуйи гъурбнар апӀидичва.

Эфес 1:18

Узу, Аллагьди ичв юкӀвариз гьякь рябкъювал туври, кӀури, ккарагураза. Гьадмуган, Чав дих дапӀну, учвуз тувнайи гьадму умуд фу вуш, Аллагьдин гирами халкьдиз ирсди рубкьру аднан девлет фукьан зурбади вуш, ва ухьуъ, Дугъан кьадарсуз кьувватнан кюмекниинди хъугънайи адмийириъ айи ебцуз даршлу Дугъан кьудратнан зурбавал фукьануб вуш, агъю хьибдичвуз.

Рим агьларихьна вуйи кагъаз 8:1

Сарун Месигьдихъди яшамиш шулайидарик тахсир кипдар.

Югьан 10:17

Узу Адашдиз гьаддиз ккундуки, Узу уьмур туврайиган, тазакӀултӀан думу гъадабгъуз.

Югьан 3:35

Адашдиз Чан Бай масанди ву ва гьаддиз варибдиин гьюкум Дугъан хилиз тувна.

Лука 2:14

– Аьршариин али Аллагьдин ад за ибшри, жилиин Аллагьдиз разивал хурайи инсанарин арайиъ ислягьвал ибшри!

Матта 17:5

Дугъу гьамци кӀури имиди, завʼан дурариина аку диф ис шулу, ва сабпну дифрагъян гьамциб сес гъюру: «Му Йиз масан Бай вуйиз. Узу Мугъʼин гизаф рази вуза! Гьамгъахъ хъебехъай!»

Насигьятар 16:4

РАББИЙИ гьарсаб шейъ чан метлеб ади арайиз дубхна. Гьякьсузринра йишв бала алабхъру йигъан аьгъю хьибди.

Филипп 3:9

узу Гьадгъахъди хьуб вуйиз. Сарун узу, Къанунди улупнайиб тамам апӀидиза, кӀури, жвуван жафайиинди Аллагьдин улихь гьякь хьуз хьибдизухьан кӀури, гьаддихъ хъачӀарккну имдарза. Месигьдихъ хъугъигантӀан Аллагьдин улихь гьякь хьуз шлуб дар – узу гьаддихъ хъачӀарккназа. Гьациб хъугъвал туврайирра Аллагь ву. Узуз ккуниб сабтӀан дарзуз:

Эфес 2:7

Гьаци Дугъаз Иса Месигьдилантина гъюз ккимбу вахтари ухьуз тувру Чан ужувлан кӀан-кӀул адру девлет варидариз улупуз ккун гъабхьну.

Матта 20:9

Хябяхъдихъна, сяаьт хьубари, лихуз хъюгъдариз са-саб динар пул тувру.