Эфес 1:1 - Гирами Китаб

¹ Эфесдиъ айи Аллагьдин гирами халкьдиз, Месигь Исайихъ хъугъну яшамиш шулайидариз Аллагьдин амриинди Месигь Исайин вакил Павелин терефнаан –

Эфес 1:1 Referans Kwoze

Колосс 1:2

Колосс шагьриъ айи Месигьдихъди гьякь гъардшар вуйи Аллагьдин гирами халкьдиз – саламар. Адаш Аллагьдихьан учвуз ужʼвал ва мясляаьт ибшри!

Коринф-2 1:1

Аллагьдин амриинди Иса Месигьдин вакил духьнайи Павелихьан ва Тимофей гъардшихьан – Коринфдиъ Аллагьдихъ хъугърудариз ва Ахаяйин варишвариъ яшамиш шулайи Аллагьдин гирами халкьдиз.

Галат 1:1

Адмийири гьял дапӀну ваъ, я адмийин кюмекниинди ваъ, хъа Иса Месигьдин ва Думу гъачӀидаригъян за гъапӀу Адаш Аллагьдин кюмекниинди вакил гъахьи Павелихьан ва

Рим агьларихьна вуйи кагъаз 1:1

Иса Месигьдин лукӀ вуйи, Аллагьди вакил хьуз кадагънайи ва Чан пайгъамбрарилантина Гирами китабариъ Чав гаф тувнайиганси, Аллагьдин Ужувлан хабар гъабхуз дих дапӀнайи Павелихьан саламар.

Рим агьларихьна вуйи кагъаз 1:7

Узу му, учвуз, вари Римдиъ яшамиш шулайидар, Аллагьдиз ккунидар ва Аллагьдин гирами халкь хьуз дих дапӀнайидар, бикӀуразачвуз. Ужʼвал ва мясляаьт ибшричвуз Аллагьдихьан, ихь Адашдихьан ва Агъа Иса Месигьдихьан.

Эфес 6:21

Узу гьапӀраш, Агъайиз дугъривалиинди гъуллугъ апӀурайи йиз ккуни гъардаш Тихикди узкан вари пидичвуз.

Коринф-1 4:17

Гьаддиз багьа ва гъапиб кӀулиз адабгъру, Агъайихъ ихь сатӀлан вуйи хъугъувалиъ айи йиз бай Тимофей гьаъразачвухьна. Узу хъугърударин арайиъ варишвариъ улупурайиси, узу йиз уьмриъ фици Месигь Исайин рякъди гъягъюри шулуш, дугъу кӀваин апӀидичвуз.

Лука 16:10

ЦӀиб вуйибдиъ дугъри кас – аьхюбдиъра дугъри ву, хъа цӀиб вуйибдиъ угъри – аьхюбдиъра угъри ву.

Ачмиш 2:10

Увʼин улукьуз ккайи аьзабарихьан гучӀ мапӀан. Магьа багарихьди иблисди учвкан сакьюдар ахтармиш апӀуз, кӀури, дустагъдиъ ирчди, ва йицӀуд йигъан учву аьзабар зигидичва. ЙикӀайизкьан вафалуди гъуз ва Узу увуз уьмрин паччагьвалин таж тувдиза.

Ачмиш 17:14

Дурари Ччилахъди дяви гъабхиди, Ччил дурариин гъалиб хьиди, гьаз гъапиш Думу агъйирин Агъа ва паччгьарин Паччагь ву. Дугъахъди сатӀиди, Чав дих дапӀнайидар, Чав кадагънайидар ва Дугъахъ хъугърайидар, аьгьтлу вуйидар хьиди».

Галат 3:9

Гьаддиз Аллагьдихъ фужар хъугъруш, гьадрариз варидиз Ибрагьимдихъди сабси, чпин хъугъувализ дилигну, ужувлар хьиди.

Рим агьларихьна вуйи кагъаз 8:1

Сарун Месигьдихъди яшамиш шулайидарик тахсир кипдар.

Ляхнар 16:15

Думу ва дугъан вари хуландар штуан гъахьихъан, дугъу учкан тӀалаб апӀуру: – Эгер учву узу дугъриданра Агъайихъ хъугънайир вуди гьисаб апӀураш, йиз хулаъ яшамиш йихьай. Учура рази гъашича.

Ачмиш 2:13

Узуз аьгъязуз, уву иблисдин тахт алишвʼин яшамиш шулайиб. Аммаки уву Йиз ччвурнахъан ижмиди хъичӀихнава. Уву Узухъ хъугъувалихьан иблис яшамиш шулайи ичв шагьриъ Йиз дугъри вуйи шагьид Антип гъакӀи йигъанра гьудучӀвундарва.

Коринф-1 4:12

учу ич хилариинди, унтӀаз амкӀ идипури, учуз уьлин кьацӀ гъазанмиш апӀурача. Учʼин агь уьлюбхюру, хъа учу ужʼвал ибшричвуз кӀурача, хъергру – аьгь апӀурача.

Ляхнар 9:13

Ананайи жаваб тувру: – Я Агъа! Гьадму касди Ерусалимдиъ Яв халкьдиз гъапӀу чӀуру ляхнарикан гизаф деебхьназуз.

Ляхнар 18:19

Дурар Эфесдиз гъафиган, Павели Прискилана Акила душваъ гъитну, учв жугьдарихъди сюгьбатар апӀбан бадали, мистаз гъюру.

Ляхнар 18:21

УдучӀвну гъягъруган, «Эгер Аллагьди амур гъапӀиш, узу учвухьна хъадакну гъидиза», – пну, Павел Эфесдиан, баркаллагь дупну, гъягъюру.

Галат 3:26

Учву вари Месигь Исайихъ хъугърувалилантина Аллагьдин баяр вучва.

Галат 3:28

Сарун жугьдаринна жара миллетарин фаркьлувал имдар, лукӀранна азад вуйирин фаркьлувал имдар, жилижвуванна дишагьлийин фаркьлувал имдар. Гьаз гъапиш учву вари, Месигь Исайихъди саб вучва.

Эфес 1:15

Магьа гьаддиз, Агъа Исайихьна айи ичв хъугъуваликан ва Аллагьдин вари гирами халкьдихьна айи ичв масанваликан узуз гъеебхьиган,

Эфес 2:6

Аллагьди ухьу Месигьдихъди чӀиви гъапӀну ва Иса Месигьдиъ саб духьнайи ухьу аьршариъ дитну.

Эфес 2:10

Аллагьди ухьуз дерккнайи ужувлан ляхнар тамам апӀуз, ухьу Иса Месигьдиъ саб дапӀну, халкь дапӀнайидар вухьа.

Эфес 2:13

Хъа гьамус учву, Месигь Исайикди ктикьган, саб вахтна Аллагьдихьан ярхла айидар, Месигьдин учвхъанди удубзу ифдиинди багахь гъахьунчва.