Даниял 9:4 - Гирами Китаб

⁴ Узу РАББИЙИЗ, йиз Аллагьдиз, ккарагури гъахьиза ва, гьамци кӀури, гунгьар гардандиъ гъидисза: – Я Рабби, зурба ва кьудратлу Аллагь! Уву ккунидарихъди ва яв табшуругъар кӀулиз адагъурайидарихъди вуйи вафалу ккунивалин йикьрар уьрхюрава, –

Даниял 9:4 Referans Kwoze

Рим агьларихьна вуйи кагъаз 8:28

Ухьуз, Аллагь ккунидариз, Чаз ккуниси Дугъу дих гъапӀдариз, вариб ужувлаз ачухъ шлуб аьгъяхьуз.

Паччагьлугъар-3 8:23

ва гъапнийи: – РАББИ, Израилин Заанур! Зиин завариъ ва исикк жилиин Увуз ухшар вуйи Заанур адар! Уву Яв Йикьрар ва Яв рякъяриъди вари кӀваантӀан гъягъюрайи Яв лукӀрахьна вафалувал уьрхюрава.

Якьубдин 2:5

Хъебехъай, йиз масан вуйи гъардшар! Аллагьди гьаму дюнʼяйин улихь касиб вуйидар кадагънадаринхъа, чпин хъугъувалиъ мюгькам ва, Учв ккунидариз гаф тувнайиси, Чан Паччагьлугъдин ирс рубкьрудар хьпан бадали?

Якьубдин 1:12

Читинвалариъ ахърур хушбахтавар ву. Читинвалариан Аллагь ккунди удучӀвуриз, Аллагьдихьан, Чав Гаф тувнайиси, гьаргандин уьмрин таж рубкьиди.

Лука 1:72

Дугъу ихь абйириз ужʼвал апӀуз ва дурарихъди гъийитӀу гирами вуйи йикьрар тамам апӀуз гаф тувну.

Даниял 6:10

Амма Даниял, мициб къанун адабгънайиб чаз аьгъяшра, чан хулаз душну, Ерусалимдин терефназди унчӀвар али заъхъан хулаъ йигъан шубубан кьамкьариина ис шули, муганайизси чан Аллагьдиз ккарагури ва Дугъаз шюкюр апӀури гъахьи.

Даниял 9:3

Узу Аллагьдиз, йиз Раббийиз, дих гъапӀунза; узу Дугъаз ккарагури ва миннатар апӀури гъахьунза, швумалвалин лишан вуди, ирин палат алабхьну ва рюкъдиъ дусну, ушвар дисури гъахьунза.