Даниял 9:26 - Гирами Китаб

²⁶ ЙирхьцӀурна кьюб ражари ургуд йис улдубчӀвган, Ччим кадатнайир дудургну хьиди, ва дугъан фужкӀа гъузидар. Шагьурра, Гирами халра гьамус шлу гьякимдрин инсанари тӀараш апӀиди. Дугъан аьжал, штар улучӀвгансиб, хьибди, ва дявдин аьхиризкьан балйир улуркьиди.

Даниял 9:26 Referans Kwoze

Марк 13:2

– Уву гьаму зурба дараматдиин гьяйран духьнана? – кӀуру Исайи. – Мидин гъван-гъвандиин гъубзидар, вари дабгъиди.

Петрин-1 2:24

Дугъу Чав, ухьу гунгьариз дийихнайидарси хьуз ва гьякьвал бадали яшамиш хьуз, Чан хусуси бедендиъди ихь гунгьар хачриина гъухну. Учву Дугъан зийнариинди сагъ гъахьунчва.

Лука 24:26

Месигьди гьацдар аьзабар гъизигхъантӀан, Думу Чан гьяйбатнаъ учӀвидар, дупнадаринхъа?

Марк 9:12

Исайи дурариз жаваб тувру: – Ав, дугъридан, Илʼясди, улихьмиди дуфну, вари ккабалгну ккунду. Хъа Гирами китабариъ Инсаниятдин Балкан Дугъʼин гизаф аьзабар улуркьиди ва Думу ужуз апӀиди кӀури, гьаз дибикӀна?

Матта 24:2

Исайи дурариз кӀуру: – Гьамрар вари рякъюранчвуз? Дугъридан кӀуразачвуз, мидин гъван гъвандиин гъубзидар, вари дабгъиди.

Петрин-1 3:18

Гьаци Месигьра, ухьу гъапӀу гунгьарихъанди, сабан ва гьаргандиз, Гьякьлур гьякьсузарихъанди, учву Аллагьдихьна хпан бадали, ккахъундаринхъа! Дугъан беден аьжализ тувну гъабкӀну, хъа Рюгь уьмрихъна кьяляхъ хътакну.

Галат 3:13

Месигьди ухьу, Къанун тамам дарапӀруган, ухьʼин улубкьру агьнаккан ккадаъну. Дугъу Чав Къанундиъ улупнайи кьаза-балйир ухьу бадали Чаина гъадагъну, гьаз гъапиш гьамци дупна: «гьарикк ккерхнайир агьнакк ккахъна».

Коринф-2 5:21

Гунагь ктру Месигь Аллагьди ихь гунгьарихъанди гъурбан гъапӀну. Аллагьди гьаци, Чан улихь ухьу, Месигьдихъди саб духьну, гьякь хьуз кӀури, гъапӀну.

Даниял 11:10

Хъа дугъан баяри дяви ккебгъди ва зурба кьушум сатӀи апӀиди. Думу кьушум, селлерси ахмиш дубхьну, улихьна гъябгъиди ва душмнин гъалйирихьнакьан рубкьиди.

Даниял 9:27

Дугъу гизафдарихъди ургуд йисаз йикьрар йитӀиди. Ва гьацӀ ургуд йисаз дугъу гъурбан апӀувалар батӀул апӀиди, хъа думу йишвʼин Аллагь гьясбикк ккадру алчагъʼвалар хьиди – та-а-ап тӀарашчийин тяйин дапӀнайи аьхир хьайизкьан гагьди.

Петрин-1 2:21

Учвуз, учву гьамци хьуз, дих дапӀначвуз, аьхир, гьаз гъапиш Месигь учвхъанди аьзабарикк ккахъну ва Дугъу дурар аьгь гъапӀну. Дугъу учвуз, Чан шилнаъди гъюз, мисал гъибтну.

Югьан 14:30

Сарун Узхьан учвухъди артухъ гафар апӀуз хьибдарзухьан: сарун му дюнʼяйин гьякимдар багахь духьна. Йиз зиин дугъаз гьюкум адар.

Лука 24:46

Хъасин дурариз гъапи: – Гирами китабариъ дибикӀнаки, Месигь аьзабарикк ккуркьди ва, дукӀну, шубудпи йигъан чӀиви хьиди

Лука 21:24

Гизафдар ханжлин мурзнахьан йихиди ва гизафдар жара халкьарин йисирвалиъ хьиди. Хъа Ерусалим жара халкьари, чпин деврар ккудукӀайиз, ликриккан апӀури хьибди.

Марк 13:7

Учвуз багахь ва ярхла дявйирикан гъеебхьиш, гучӀ мапӀанай: гьаци дубхьну ккунди айиб ву, хъа гьаци хьувал сабан аьхир вуди хьибдар.

Матта 22:7

Мидкан, пис хъял дуфну, паччагьди, чан кьушмар гьаъну, дурар тӀанкь апӀуру ва дурарин шагьрик цӀа кипру.

Матта 22:2

Аьршарин Паччагьлугъ сар гьамцир паччагьдиз ухшар ву. Сар паччагьди, гизафдариз сумчрик дупну, чан балин сумчрин мярака дюзмиш гъапӀнийи.

Лука 21:6

– Гьацдар йигъар гъидики, учвуз рябкъюрайишваъ гъван гъвандиин гъубзидар, вари даргъиди.

Матта 23:38

Лигай, магьа ичв хал ичӀиди гъубзна.

Даниял 11:17

Дугъаз вари паччагьлугъдин гьюкумдар агъа хьуз ккун хьибди, чан душмнихъди сабшвхъанди хьувалин йикьрар йитӀиди ва чан риш, думу душман терг апӀбан бадали, дугъаз хпирди тувди, амма думу кӀулиз удубчӀвидар – фукӀа апӀуз хьибдар.

Даниял 11:22

Дугъан улихь кьушмар, улубчӀву штуси, фана апӀиди ва дагъитмиш апӀиди, Йикьрарин варитӀан заан гъуллугъчийихъди сабси.

Паччагьлугъар-2 21:5

Дурари паччагьдиз жаваб туву: – Учу тӀанкь апӀури гъахьи ва, учуз Израилин жилариин йишв дархьбан бадали, учу талаф апӀуз кьаст гъапӀу касдикан кӀуруш,

Даниял 11:36

Хъа паччагьди, чаз фу ккундуш, гьадму апӀиди. Думу дамахлу хьиди, ва вари бутартӀан чав зиина дисиди, ва вари бутартӀан зурба вуйи Аллагьдиз аьксиди ибариз асуллагь деребхьуб пуз хъюгъди. Ажугълу йигъар ккудукӀайизкьан дугъаз ккуниси хьибди. Гьаз гъапиш, шулу дупнайиб дубхьну ккундийи.