Даниял 9:24 - Гирами Китаб

²⁴ Яв халкьдиз ва гирами Шагьриз ургцӀур ражари ургуд йис ккилигури гъузуб улупна. Гьадму вахтнан арайиъ Аллагьдихьна вуйи яв халкьдин аьксивал кӀваълан гьархиди, гунагь ккебкиди ва жазайиинди тахсирнахьан марцци хьиди. Гьадмуган даима гьякьʼвал гъубзиди, гъябкъюб ва гъюз имбуб ачухъ хьувал къайд апӀиди, Аллагьдиз бахш апӀбан лишан вуди, варитӀан Марцци йишвкан ччим кадатиди.

Даниял 9:24 Referans Kwoze

Рим агьларихьна вуйи кагъаз 5:10

Фицики, гьеле ухьу Аллагьдин душмнарди имиди, Дугъу ухьу Чан Балин аьжалниинди албагнуш, хъа гьамус албагну айиган, хъана ужуйи Чан Балин уьмриланмина Дугъу ухьу уьрхиди.

Ляхнар 3:22

Фицики Муса пайгъамбри дупна: «Ичв Аллагь вуйи Агъайи ичв чвйирин арайиан, узуси, Пайгъамбар адаиди. Дугъу учвуз фу гъапишра, тамам апӀинай.

Ачмиш 14:6

Хъасин узуз, аьршарикк, гьаргандин Ужувлан хабар хьади, жилариин гьарсаб миллетдиз, тухмиз, чӀалназ ва халкьдиз дидкан хабар дебккри, тӀирхурайи жара малайик гъяркъюнзуз.

Жугьдариз 2:17

Гьаддиз Месигь, Учв халкьарин гунгьарихъанди ккахъбан бадали, вари терефарихъанди, Чан гъардшар фицдар вуш, гьацдарсир духьну ккундийи. Гьацир хьубʼинди Дугъкан ужʼвал ккуни ва дугъриди Аллагьдин гъуллугънаъ шлу заан Гъуллугъчи ктучӀвнийи.

Ачмиш 3:7

Филаделфияйин хъугънайидарин малайикдиз бикӀ: «Гьамци кӀура Гирамири, Гьякьлури, Давудрин ачар Хьайири – Дугъу абццхъанмина, гьич сарихьанра хъябкьюз хьибдар, Дугъу хъябкьхъанмина, гьич сарихьанра абццуз хьибдар:

Жугьдариз 9:26

Гьамциб аьдатнахъди Месигьра гъушнийиш, Дугъаз дюнʼя арайиз гъабхихъанмина швнубсаб ражари аьзабарикк ккуркьуб алабхъидийи. Хъа Думу, Учв гъурбан дапӀну саб ражари ва гьаммишандиз гунгьихъди вуйиб ккудубкӀбан бадали, вахтарин аьхирихъна гьаммишандиз кӀури саб ражари гъафну.

Коринф-1 1:30

Гьадгъан кюмекниинди учву Иса Месигьдик кидикьначва. Гьадму Иса ухьуз Аллагьдин фагьум, ихь гьякьвал, ихь гирамивал ва ккадаувал вухьуз!

Югьан 3:34

Фицики Аллагьди Гьаънайир Аллагьдин гафариинди улхура, гьаз гъапиш Аллагьди Дугъаз бегьем Гирами Рюгь тувна.

Югьандин-1 3:8

Гунгьар апӀрур иблисдинур ву, фицики иблисдира, чан сифте бинайианмина гунгьар апӀуйи. Аллагьдин Бай жилариина магьа гьамциб метлеб ади гъафир ву: иблисдин тӀулар терг апӀуз.

Петрин-2 1:1

ЛукӀвал апӀурайи Иса Месигьдин вакил Петрихьан – Аллагьди гьякь апӀбиинди ва Уьрхрурин – Иса Месигьдин кюмекниинди ухьуз гъабхьибсиб багьа хъугъувал гъабхьидариз – саламар.

Жугьдариз 10:14

Саб ражари гъурбан хубʼинди Дугъу гирами шулайидар Аллагьдин улихь гьякь гъапӀну.

Жугьдариз 7:26

Ари гьамци гирами, гьич саб тахсир ктру, марцци, гунагькрариккан асиллу дару ва аьршартӀанна заан вуйи заан Гъуллугъчи ухьуз лазимра вухьуз.

Колосс 2:14

Дугъу ухьуз къаршу вуйи къайдйир кайи китаб, хачрак кьумарихьди кабсну, жвартӀ гъапӀну.

Колосс 1:20

Дугъу, хачриин Чан аьжалилантина вари жилинубдихъди ва аьршаринубдихъди мясляаьт йибтӀну, Чалантина Аллагьдихъди аьлакьайиъ тӀаъну.

Ляхнар 3:14

Марцци ва Гьякьлу вуйи Кас нигь дапӀну, адми гъачӀи гъачагъ азад апӀувал тӀалаб гъапӀунчва.

Югьан 1:41

Дугъу, гьадму сяаьт чан чве Симон дагну, дугъаз кӀуру: – Учуз Месигь гъидихъунчуз! (Му илтӀибкӀиган «Христос» – «Аллагьдихьан вуйир» кӀуру гаф ву.)

Лука 1:35

Малайикди Дугъаз гъапи: – Аллагьдин Рюгь учӀвди увуъ ва ВаритӀанзаанури уву Чан кьувватнакк ккаъди, гьаддиз бабкан шулайи Гирамийиз Аллагьдин Бай пиди.

Марк 1:24

– Учкан фу ккундувуз, Назаретдиан вуйи Иса? Учу пуч апӀуз дуфнана? Узуз Уву аьгъязуз – Аллагьдин гьаънайи Гирамир!

Матта 11:13

Фицики Ягьʼя гъяйиз вари пайгъамбрари ва Мусайин къанунди мидкан улихь ккимиди дупна.

Матта 1:21

Марʼямди Бай апӀиди ва Дугъʼин Иса кӀуру ччвур иливидива, фицики Дугъу Чан халкь гунгьарихьан уьрхиди».

Филипп 3:9

узу Гьадгъахъди хьуб вуйиз. Сарун узу, Къанунди улупнайиб тамам апӀидиза, кӀури, жвуван жафайиинди Аллагьдин улихь гьякь хьуз хьибдизухьан кӀури, гьаддихъ хъачӀарккну имдарза. Месигьдихъ хъугъигантӀан Аллагьдин улихь гьякь хьуз шлуб дар – узу гьаддихъ хъачӀарккназа. Гьациб хъугъвал туврайирра Аллагь ву. Узуз ккуниб сабтӀан дарзуз:

Матта 4:5

Думуган иблисди Иса гирами вуйи Ерусалим шагьриз хъади гъягъюру, Аллагьдин хулан вартӀан ягълишвʼин дерккру

Лука 21:22

Гьаз гъапиш му йигъар жаза гьадабтӀру йигъар хьиди ва вари дибикӀнайиб гьадмуган тамам хьибди.

Ляхнар 4:26

Дюнʼяйин паччгьар ва гьякимдрар дяви апӀуз гьязур духьна, Агъайиз ва Дугъан Месигьдиз къаршу вуди сабишвʼина уч духьна».