Даниял 9:11 - Гирами Китаб

¹¹ Вари Израил Яв Къанундилан улдучӀвну – Увухъ хъпехъуз даккунди, чпин машар илдицну. Ва учʼина Мусайин, Аллагьдин гъаравашдин, Къанундиъ дупнайиси, нянат гъафну, – фицики Аллагьдин улихь гунагькрар вуча.

Даниял 9:11 Referans Kwoze

Паччагьлугъар-4 22:16

«Узу му жилиина ва мушвʼин яшамиш шулайидариина бала гьапӀдиза. Ягьудайин паччагьди гъурху китабдиъ дибикӀнайиб вари тамам хьибди.

Даниял 9:5

хъа учу гунгьар гъапӀунча, тахсиркрар вуча, аьрвалар гъахунча ва аькси гъудужвунча, Яв табшуругъар ва Яв къанунар нигь гъапӀунча.

Даниял 9:13

Мусайин Къанундиъ дупнайиси, балайикк ккахъунчу, аммаки Увуз, РАББИЙИЗ, ич Аллагьдиз ккарагундайча, ич гунгьарихьан ярхла гъахьундайча, Яв гьякьикьат саймиш гъапӀундайча.

Паччагьлугъар-4 18:12

Гьаму вари ляхнар хьпан себеб чпин Заанур вуйи РАББИЙИХЪ хъпебехъувал вуйи. Дурари Дугъан йикьрар, РАББИЙИН гъараваш Муса пайгъамбри амур гъапӀуб вари чӀур апӀуйи. Дурар хъпехъурдайи, ва дурари йикьрар тамам апӀурдайи.