Даниял 8:7 - Гирами Китаб

⁷ Ва узуз гъябкъзузки, багахь гъабхьиган, хъана артухъди ажугълу дубхьну, диди якъраз йивуру ва дидин кьюбиб кӀарчарра улдушвуру. Якърахьан дидиъ удубкьну дугъубжвуз гъабхьундайи; кьуну думу алдабку ва ликариккан гъапӀу – якъраз аькси хьуз мумкинвалкьан гъабхьундайи.

Даниял 8:7 Referans Kwoze

Даниял 11:11

Кьибла паччагь, бегьем хъял кубчӀвну, кафари паччагьдихъди женгназ удучӀвиди. Хъа кафари паччагьди зурба кьушмар уч апӀиди, амма дурар душмнин хилиъ ахьди.

Даниял 7:7

Хъасин йиз йишвандин нивкӀукди узуз юкьубпи вягьши гьяйванат гъябкъзуз – ажугълу, къурхуллу, яман кьувват айи, дидиъ зурба рукьан силбар айи. Фу алабхъишра, диди «хъумпӀ» дапӀну, вари хътӀюбкъюйи ва дагъитмиш апӀуйи, хъа хъирибгъуб ликариккан апӀуйи. Думу гьатмуну вягьшийириз ухшар дайи, дидʼин йицӀуб кӀарч алийи.

Даниял 8:6

Думу узуз гъанавдихъ дийибгънади гъябкъю кьюб кӀарч али якърахьна зигну гъюрайи, дидʼина зурба ажугълувал ади жабгъну гъюрайи.

Даниял 8:8

Хъа кьун хъана гизаф кьувватлу гъабхьнийи – ва мушвахь, думу кьудратлу гъабхьиган, аьхю кӀарч дюбгъну, дидин ерина жара юкьуб кӀарч итӀигъу, дюнʼяйин гьарсаб терефназди.

Даниял 8:10

БицӀи кӀарч заварин кьушмихьнакьан за гъабхьи, саб пай кьушум ва саб пай хядар диди жилиина ирчу ва дурар ликариккан гъапӀу.

Даниял 7:12

Имбу вягьшйирихьан гьюкум тадабгънайи, амма дурариз уьмур гъибтнийи – вяда хьайизкьан.