Даниял 8:22 - Гирами Китаб

²² КӀарч улдубшвну, ва дидин ерина юкьуб кӀарч удучӀвну – миди улупураки, думу халкьдин юкьуб паччагьлугъ хьиди, амма сабпибсикьан кьувватлу дарудар.

Даниял 8:22 Referans Kwoze

Даниял 11:4

Амма думу гъюблан кьяляхъ дугъан паччагьлугъ ккадабхъиди, ва юкьуб терефнахъинди жара хьибди, ва дугъан веледариз ккубкьидар, ва думу сарун муганайиз айигансиб хьибдар. Дугъан паччагьлугъ тадабгъиди ва жарадариз тувди.

Даниял 8:8

Хъа кьун хъана гизаф кьувватлу гъабхьнийи – ва мушвахь, думу кьудратлу гъабхьиган, аьхю кӀарч дюбгъну, дидин ерина жара юкьуб кӀарч итӀигъу, дюнʼяйин гьарсаб терефназди.

Даниял 8:3

Узу кӀул за гъапӀза ва гъябкъзузки: гъанавдин гъирагъдихъ саб якъ дийибгънайи. Дидʼин кьюб ярхи кӀарчар алийи, ва саб кӀарч, узуз рябкъюри, гьатмунубтӀан кьанди удубчӀвуб вушра, ярхиб вуйи.

Даниял 7:6

Хъасин узуз сабсана вягьши гьяйванат гъябкъзуз – думу пеленгсиб вуйи, ва дидин йирфарикна юкьуб хлинцц ктучӀвнайи. Муну гьяйванатдиин юкьуб кӀул алийи, ва дидиз гьюкум тувнайи.

Даниял 8:21

Хъа кьун – му грек паччагь ву. УнтӀаъ айи аьхю кӀарчра – му сарпи паччагь ву.

Даниял 8:23

Хъа му паччагьлугъарин аьхирихъна, нягьякьʼвалар тухъди гъахьиган, бичран улар айи, иблисвалиъ бажаранлу паччагьдин гьюкум хьибди.

Даниял 7:7

Хъасин йиз йишвандин нивкӀукди узуз юкьубпи вягьши гьяйванат гъябкъзуз – ажугълу, къурхуллу, яман кьувват айи, дидиъ зурба рукьан силбар айи. Фу алабхъишра, диди «хъумпӀ» дапӀну, вари хътӀюбкъюйи ва дагъитмиш апӀуйи, хъа хъирибгъуб ликариккан апӀуйи. Думу гьатмуну вягьшийириз ухшар дайи, дидʼин йицӀуб кӀарч алийи.