Даниял 8:1 - Гирами Китаб

¹ Балтасари паччагьвал апӀури шубудпи йисан узуз, Даниялиз, сабсана нивкӀ гъябкъюнзуз – гьатмунубдихьна, сабпибдихьна, аьлава вуйиб.

Даниял 8:1 Referans Kwoze

Даниял 7:1

Балтасарин, Вавилондин паччагьдин, гьюкмин садпи йисан Даниялиз, чан ахникк даахнайириз, нивкӀʼан гъябкънийи. Дугъу думу нивкӀ гъибикӀнийи. Мушвахь дугъан ихтилат ккебгъра.

Даниял 11:4

Амма думу гъюблан кьяляхъ дугъан паччагьлугъ ккадабхъиди, ва юкьуб терефнахъинди жара хьибди, ва дугъан веледариз ккубкьидар, ва думу сарун муганайиз айигансиб хьибдар. Дугъан паччагьлугъ тадабгъиди ва жарадариз тувди.

Даниял 10:7

Анжагъ сар узузтӀан, ДаниялизтӀан, гъяркъюндайи думу, хъа узухъ хъайи адмийириз гъяркъюндайи; амма дурарик гьациб къурхулувал кабхънийики, гьятта дурар гьарма саб йишвахъинди гьергу ва жин гъаши.

Даниял 10:2

Гьадму вахтназ улихьна тамам шубуб гьяфтайин арайиъ узу – Даниял – пашманвалиъ ади гъахьунза:

Даниял 9:2

Гьадму вахтна узу, Даниял, Гирами Китабариан гъавриъ ахъзуки: Ереми пайгъамбариз вуйи РАББИЙИН гафназ тялукь вуди, Ерусалим ургцӀур йисандин арайиъ дарабгънайиб ва тӀараш дапӀнайиб вуди гъубзну ккунду…

Даниял 8:15

Гьаму нивкӀ дябкъну, узу, Даниял, дидин мянайин гъаври хьуз чалишмиш гъахьунза – ва йиз улихь фуж-вуш, рякъбариан жилижвисир, дийигъдиз.

Даниял 7:28

Гьамдиинди ихтилат ккудубкӀура. Узук, Даниялик, зурба къурхулувал кабхъзук, машнан рангарра ккадатӀнийиз. Ва узу гьаму вари йиз кӀваъ сирси гъюбхюнза.

Даниял 7:15

Узук, Даниялик, гъалабулугъ кабхъзук – узуз гъябкъюбди къурхулу гъапӀзу.

Даниял 1:17

Аллагьди му юкьур бализ фагьум, билиг ва вари илмарихьна удукьувалар, хъа Даниялиз – гьацира жюрбежюр нивкӀаринна улупбарин гъавриъ тӀаъру удукьуваларра тувнайи.

Даниял 8:2

Узу Элам уьлкейин Сузы кӀуру шагьрин гъалайиъ ади гъябкъюнзуз. Узу Улав кӀуру гъанавдихъ хъади гъябкъзуз.