Даниял 7:10 - Гирами Китаб

¹⁰ Ахмиш духьна гъати селлер цӀин, удучӀвури Дугъʼан. Дугъан гъуллугънаъ а варжар-агъзрар, Гьязурра ву агъзрар-агъзрар. Деънийи Судйир, Ва арццнийи китабар.

Даниял 7:10 Referans Kwoze

Ачмиш 5:11

Узуз юкьрид гьяйванатарстаринна гьадму аьхюдарин тахтналан илтӀикӀнайи гизаф малайикар гъяркъзуз ва дурарин дихар гъеерхьзуз. Дурарин кьадар ктухузкьан шлуб дайи – агъзрар-агъзрариинди вуйи.

Ягьудайин 1:14

Адамдихъанмина ургурпи насилди гъаши Енухди гьамрарикан гъапнийиштӀан гьамцдар пайгъамбарвалин гафар: «Магьа, Агъа гъафну. Дугъахъди агъзрар-агъзрариинди гирамидарра хъа.

Матта 25:31

Инсаниятдин Бай Чан аднаъди малайикарра хъади гъафиган, Дугъу Чан адлувалин паччагьвал апӀиди.

Паччагьлугъар-3 22:19

Михейи гъапнийи: – Гьаци, РАББИЙИН гафнахъ хъебехъ. Узуз РАББИ Чан тахтниин деънади гъяркъюнзуз, Дугъхьан арчул ва гагул терефнаъ дийибгънайи чан заварин кьушумра хъади.

Даниял 7:22

та-а-ап чан Йисар Кюгьневуйир гъяйизкьан гагьди – ва думуган ВаритӀанзаанурин марццидарихьна гьякьʼвал гъурубкьнийи: вахт улубкьу, ва марццидар гьюкмихьна гъафи.

Жугьдариз 12:22

Ваъ! Учву Сион дагъдихьна, чӀиви Аллагьдин шагьрихьна, Аьршарин Ерусалимдихьна дуфначва! Учву шадвалин мяракайиз уч духьнайи агъзрариинди малайикарихьна дуфначва.

Даниял 7:26

Амма чпин тахтариина Судйир гъиди – ва дугъхьан гьюкум дючӀюбгъиди, думу чавра терг апӀиди ва гьаммишандиз тӀанкь апӀиди.

Жугьдариз 1:14

Малайикар уьрхювал рубкьуз ккайидарин гъайгъушнаъ хьуз гьаънайи рюгьяр даринхъа?

Ачмиш 11:18

Аллагьсузар аргъарди гъадагъна, хъа гьамус Увукра хъял кубчӀвнавук: дийихнайидарин суд апӀру ва дюнʼя чӀур апӀурайидар пуч апӀру, ва Яв лукӀарди гъахьи пайгъамбрариз, Яв гирами халкьдиз, Яв ччвурназ гьюрмат гъапӀу бицӀи касаризси, зурба вуйидаризра лайикьлу пешкешар тувру вахт дуфна».

Даниял 12:1

Малайикди давам апӀуру: – Думуган Микаил, заан малайикарикан сар, яв халкь уьрхрур, дуфну хъуркьди, фицики гьич саб халкьдиинра гьелелиг улулуркьу бала-кьазйирин вахтар гъиди. Думуган яв халкь къутармиш хьибди – Китабдик кади гъахьидар вари.