Даниял 6:19 - Гирами Китаб

¹⁹ Хъайигъан паччагь гвачӀнин акв илибшури гъудужву ва дишлади асланар айи ичӀахъна гьялакди гъушу.

Даниял 6:19 Referans Kwoze

Фессалоник-1 3:5

Ва гьаддиз узхьан сарун, ккилигури, аьгь апӀуз шули амдруган, ичв хъугъуваликан аьгъю апӀуз Тимофей гьаунза. Алдатмиш духьну, учву рякълан улдугнийкӀан кӀури, ва ич жафйир дав гъахьнукӀан кӀури, гучӀури гъабхьунзуз.

Коринф-2 2:13

Аммаки узхьан архаинди гъузуз гъабхьундарзухьан, фицики душваъ хъугъвалиъ йиз гъардаш вуйи Тит адарди гъахьну. Магьа гьаддиз Троадайиъ хъугърудариз баркаллагь дупну, Македонияйиз гъушунза.

Марк 16:2

Гьяфтайин садпи йигъан, яна элгьетган, гвачӀнин ухди, ригъдин сабпи нурарихьди, дурар накьвдихьна гъюру.

Матта 28:1

Султ йигъ улдубчӀвну, гьяфтайин садпи, яна элгьет йигъан сигьрин ухди, Магдалайиан вуйи Марʼямна тмуну Марʼям Исайин накьвдиз лигуз гъюру.

Даниял 6:18

Хъасин паччагь чан ужагъариз гъушнийи, ва, ипӀрубкьан дирипӀди, дугъу пашманди йишв адапӀнийи, дугъаз нивкӀра гъафундайи.

Даниял 6:20

Даниял айи ичӀахъна хъуркьубси, паччагьди гъалабулугъ кади дугъаз дих апӀуру: – Я чӀиви Аллагьдин лукӀ, Даниял! Гьаммишан уву икрам апӀурайи яв Аллагьдихьан уву асланарихьан уьрхюз гъабхьнийкӀан?