Даниял 5:9 - Гирами Китаб

⁹ Думуган Балтасар паччагьдиз бегьем гучӀ гъабхьи, дугъан машнан рангар ккадатӀу, ва дугъан везирарик гъалабулугъ кабхъу.

Даниял 5:9 Referans Kwoze

Даниял 5:6

ва дугъан машнан рангар ккадатӀу, дугъак къурхувал кабхъу, ликар гъюдли гъаши ва кьамкьар саб-сабдик йивуз хъюгъю.

Даниял 2:1

Навухаднасар паччагьдиз, чав гьюкум хъапӀри кьюдпи йисан, нивкӀар гъяркънийи; дугъак гъалабулугъ кабхъу, дугъан нивкӀра ултӀубччву.

Ачмиш 6:15

Дюнʼяйин паччгьарра, гьякимарра, кьушмарин аьхюдарра, девлетлу ва кьудратлу адмийирра, лукӀарра ва азадди уьмур хъапӀрударра – вари дагълариъ айи гъарзаригъ ва дюрхъяриъ гьитӀикӀнийи.

Матта 2:3

Му гафар гъеерхьган, Гьирод паччагьдик ва Ерусалимдин агьалйирик гъалабулугъ кабхъру.

Даниял 10:8

Узу сар хьимиза, ва гьаму улупбаъ шулайиб сар узузтӀан гъябкъюндайзуз. Ва жандиъ айи гуж вари гъубшдиз, узу кучӀвзу ва иллаж гъахьизу.