Даниял 5:17 - Гирами Китаб

¹⁷ Данияли жаваб вуди кӀуру: – Пешкешар увуз гъитарва, гьюрматарра жарадариз апӀарва. Узу паччагьдиз дибикӀнайиб гьаци урхарза ва, диди фу улупураш, думура ктибтарза.

Даниял 5:17 Referans Kwoze

Паччагьлугъар-4 5:16

Пайгъамбри жаваб тувнийи: – Узу гъуллугъ апӀурайи РАББИЙИИНДИ ху апӀурза, узу фукӀа кьабул апӀидарза. Думу разивалихъна хуз Нааман фукьан чалишмиш гъахьнушра, пайгъамбри кӀул ккивундайи.

Эвел 14:23

яв мутмуйикан узу мурсулкьан, шаламарин гъахмакьан, гъадабгъидарза. Хъа уву узуз макӀан: «Ибрам девлетлу гъапӀур узу вуза», кӀури.

Ляхнар 8:20

Петри дугъаз кӀуру: – Яв пул кӀулик кубкӀрияв, гьаз гъапиш уву Аллагьдин багъиш пулихъ гъадабгъуз ният гъапӀунва.

Даниял 5:29

Думуган Балтасари амур гъапӀу – ва Даниялиин уьру палат алабхьнийи, дугъан гардандиъ гъизилин зунжур абхънийи ва, гьюкуматдиъ думу шубурпи кас ву, кӀури, мялум гъапӀнийи.

Даниял 2:6

Хъа эгер учву думу нивкӀ ктибтиш ва дидин мяна фу вуш, гъапиш, узхьан пешкешар хьидичвуз ва зурба гьюрмат. Гьан, узуз фу гъябкънуш ва дидин мяна фу вуш, йипай-ари.

Паччагьлугъар-4 5:26

Амма Элиш пайгъамбри дугъаз гъапнийи: – Уву къаршуламиш апӀуз думу инсан фургъниан эдеъруган, мегер йиз рюгь увухъди хътайкӀан? Арс бисуз ясан палтар, зейтундин гьарар, тӀумтӀин багълар, сюрйир, лижар, гъараваш жилар ясан гъараваш дишагьлийир кьабул апӀуз вахт вуйинхъа?

Паччагьлугъар-4 3:13

Элиш пайгъамбри Израилин паччагьдиз гъапнийи: – Ич увухъди сатӀланди вуйиб фу а? Яв адашдин ва яв дадайин пайгъамбрарихьна гъарах. – Ваъ, – жаваб тувнийи Израилин паччагьди, – мина учу, шубур паччагь, Муавдин хилариз тувбан бадали РАББИЙИ уч дапӀна аьхир.