Даниял 4:31 - Гирами Китаб

³¹ Гьамци вахтар гъушу; узу, Навухаднасари, кӀул за дапӀну, завузди гъилигза – ва фагьум-фикрихъна гъафизу. Узу ВаритӀанзаануриз шюкюр гъапӀза, Даима Гъузруриз аферин гъапиза ва Дугъан адар гъапӀза: Гьюкум Дугъан вуда гьюкум даима, вари вахтариз – Дугъан паччагьлугъра.

Даниял 4:31 Referans Kwoze

Ачмиш 16:7

Хъа узуз, гъурбнар ургру йишвура фици кӀуйиш гъеебхьзуз: «Ав, Агъа Аллагь, вари хили Дибиснайир, дугъри ва гьякь ву Яв адабтӀурайи жаза!»

Лука 12:20

Хъа Аллагьди дугъаз кӀуру: «Эй ахмакь! Ахъли яв юкӀв увхьан гъадабгъиди: уву гьязур гъапӀуб шлиз ккабхъдийкӀан?»

Матта 3:17

Ва завʼан дих шулу: «Му Йиз масан Бай вуйиз, Узу Дугъʼин гизаф рази вуза!»

Фессалоник-1 5:3

Адмийири: «Варишвариъ мясляаьт а ва гьич саб жюрейинра хатӀа имдар!» – пуз хъюгъиган, бицӀир кайи дишагьли сабпну бицӀир апӀуз иццрушну гъадагърубси, гьадмуган дурариина аьжал гъядябхъиди, ва дурарихьан гьергбиинди чпи уьрхюз хьибдар!

Югьан 12:28

Гьадму арайиъ завариан дих атӀабгуру: – Адлу гъапӀунза ва хъана адлу апӀидиза!

Даниял 5:28

ПЕРЕС – «Яв паччагьлугъ пай дапӀна ва медйиризна фарсариз тувна».

Даниял 4:34

Ва гьамус узу, Навухаднасари, Заварин Паччагь адлу апӀураза, Дугъаз шюкюр апӀураза: Дугъан ляхнар ву дюзидар, Дугъан рякъяр ву гьякьлудар; Дугъан гьюкми асккан апӀур фурслудар.

Даниял 4:24

Гьаддиз, паччагь, йиз мясляаьтнахъ хъпехъуб ккун апӀураза: яв гунгьар хайирлу ляхнариинди ккерк, хъа яв гьякьсузвал – касибарихьна вуйи рягьимлувалиинди; ва гьадмуган, белки, яв ужудар вахтар ярхи шул».

Паччагьлугъар-1 15:23

Хъа мютӀюгъ дархьувал фал кипбан гунгьиз, хъа инкарвал – бутариз ибадат апӀбаз барабар ву. Уву РАББИЙИН табшуругъ ярхла апӀбаз лигну, Дугъу увура ярхла ва паччагьлугъдихъ мягьрум гъапӀну.

Паччагьлугъар-1 13:14

хъа гьамус яв гьюкмихьан дурум тувуз хьибдар. РАББИЙИ сарун чан кӀваъ РАББИЙИН амур айи адми ктагъну ва думу Чан халкьдин гьюкумдарди тяйин гъапӀну, гьаз гъапиш уву РАББИЙИН амур чӀур гъапӀунва.

Насигьятар 29:23

Заанди улупрур апӀиди асккан, хъа фурс ктрури гъазанмиш апӀиди ад.

Даниял 4:26

ЙицӀикьюб вазлилан Навухаднасари Вавилондиъ чан дараматдиин ккабалгнайи гъваариин сейир апӀурайи.

Даниял 4:30

Ва гьадмусяаьт Навухаднасариин гьаму вари улубкьнийи. Дидхъанмина сарун думу инсанарин арайиъ имдайи, ва, малиси, дугъу укӀ ипӀуйи, завун чигру думу кьяши апӀуйи; дугъʼин, люкьран зирквсиб, куш илибшнийи ва шибарра – ничхрин бацарстар.

Даниял 4:32

ФукӀа-мукӀа дар жилиин али инсанар; Заварин кьувватар, инсанарра жилин, Фици ккунш Чаз, гьаци апӀиди идара. Дугъан хилхъан гьич сарира бисидар Ва: «ГьапӀрайир Вува?» – Дугъаз зат пидар.

Даниял 5:20

Аммаки дугъу чав гизаф заанди дисуз хъюгъю, фурслу ва дамагълу гъахьи, ари гьаддиз думу паччагьдин тахтналан илдитнийи. Ва чан вари машгьурвалихъ мюгьтаж гъапӀнийи.

Эвел 14:18

Салим шагьрин паччагь Мелхиседек Ибрамдин улихьна чяхирна уьл хьади гъюру. Думу Первердигар Заанурин гъуллугъчи вуйи.

Даниял 6:27

Дугъу уьрхюра ва апӀура азад, Завариин ва жилариин керематар, аьламатнан лишнар улупура. Дугъу гъюрхну асланархьан Даниял».

Даниял 12:7

Ва узуз лизи палтар алди нирʼин дийигънайирин жаваб гъеебхьунзуз. Дугъу, кьюбиб хиларра завузди гьачӀарккну, Аьсрариинди ЧӀивириинди ху гъапӀу: саб муддатналан, кьюб муддатналан ва гьацӀ муддатналан – гьаму вахтналан, Гирамийишван халкьдин кьувват ккадрабгърубси гъабхьиган, вари ккудубкӀиди.