Даниял 3:26 - Гирами Китаб

²⁶ Навухаднасари, цӀихъна душну, дих гъапӀу: – ВаритӀан заан Аллагьдин лукӀар вуйи Шадрагь, Мишагь ва Абид-Ниг! Душвʼгъян гъюдучӀвай! Думуган Шадрагьна, Мишагьна Абид-Ниг цӀигъян гъюдучӀвуру.

Даниял 3:26 Referans Kwoze

Даниял 3:17

Учу икрам апӀурайи ич Аллагьдихьан учу уьрхюз шулу, Дугъхьан учу, паччагь, цӀин ялвигъянра, яв хиларигъянра уьрхюз хьиди.

Даниял 4:2

Амма нивкӀ гъябкъзуз ва диди гучӀ кипзук; ахру йишвʼин нивкӀукди гъябкъюбди къурхулу гъапӀзу.

Ачмиш 19:5

Ва тахтналан гьамци кӀурайи дих гъабши: «Ихь Аллагьдин тяриф апӀинай, вари Дугъан гъуллугъчйир, вари Аллагьдиз гьюрмат апӀрудар, цӀиб вуйидар ва машгьур вуйидар!»

Галат 1:10

Узуз гьапӀуз ккунди а: адмийири йиз тереф бисуз гъитуз, даршиш – Аллагьди? Хъа узу, адмийириз ккуниб апӀуз хъюгънайир вуйинхъа? Эгер узу адмийириз ккуниб апӀурайир вуйиш, узу Месигьдин лукӀ хьидайза.

Ляхнар 16:17

Павелинна ич кьяляхъди гъюри, дугъу, гьамци кӀури, чӀигъар апӀури гъахьну: – Му касар ВаритӀанзаану Аллагьдин гъуллугъчйир ву! Дурари ухьуз уьрхивалихьна рякъ улупура!

Даниял 2:47

Паччагьди Даниялиз гъапи: – Дугъриданра, ичв Аллагь вари гирами бутартӀан зурба Аллагь ву, паччгьарин Рабби, сирар ачмиш АпӀрур ву, фицики увʼан му сир ачухъ апӀуз удукьунвуан.

Ляхнар 16:37

Амма Павели дурариз кӀуру: – Учу суд дарапӀди, Римдин ватандашар вуйибдизра дилигди, вари халкьдин улихь дурччвну, дустагъдиъ итнийи. Хъа гьамус жиниди деетурайин? Ваъ. Гъит чпи гъюри, чпи учу адаъри.

Даниял 6:20

Даниял айи ичӀахъна хъуркьубси, паччагьди гъалабулугъ кади дугъаз дих апӀуру: – Я чӀиви Аллагьдин лукӀ, Даниял! Гьаммишан уву икрам апӀурайи яв Аллагьдихьан уву асланарихьан уьрхюз гъабхьнийкӀан?

Эвел 14:18

Салим шагьрин паччагь Мелхиседек Ибрамдин улихьна чяхирна уьл хьади гъюру. Думу Первердигар Заанурин гъуллугъчи вуйи.

Ляхнар 27:23

Фицики сан узуз, узу Чанур вуйи ва узу Чаз гъуллугъ апӀурайи Аллагьдин малайикди гьамци гъапунзуз:

Паччагьлугъар-3 8:51

гьаз гъапиш дурар Яв халкь, Уву Египетдиан, гьадму жаднан цӀа айишвʼан, адапӀу Яв ирс ву.

Даниял 7:25

Думу ВаритӀанзаануриз аьксиди улхури хьиди ва ВаритӀанзаанурин марццидариз гюн тутруври хьиди, машкврар ва Къанун батӀул апӀуз кьаст хьибди. Ва марццидарра дугъан гьюкмиз тувну хьибди – саб муддатназ, кьюб муддатназ ва гьацӀ муддатназ.

Даниял 6:21

Ва мушвахь Данияли паччагьдиз гъапи: – Паччагь, уву сагъ ишри!