Даниял 3:15 - Гирами Китаб

¹⁵ Ари гьамус швутӀрамин, балабнин, пӀивнан, кьумуздин, саздин сесерихъди ва жара мукьмарихъди, унтӀ жилиз йивну, икрам апӀуз гьязур йихьай, ваяки, эгер икрам апӀурдаш, учву дишлади цӀин ялвигъна гатӀахьиди – ва думуган ичв Аллагьдира учву йиз хилариан адрагъур.

Даниял 3:15 Referans Kwoze

Ляхнар 5:29

Петри ва вакилари жаваб тувру: – Учу адмийиризтӀан Аллагьдиз артухъди мютӀюгъ духьну ккунду.

Даниял 3:17

Учу икрам апӀурайи ич Аллагьдихьан учу уьрхюз шулу, Дугъхьан учу, паччагь, цӀин ялвигъянра, яв хиларигъянра уьрхюз хьиди.

Паччагьлугъар-4 18:35

Гьаму вари уьлкйирин заанурарикан шилхьан чан уьлке узккан азад апӀуз гъабхьну? РАББИЙИХЬАН Ерусалим йиз хилккан азад апӀуз фици хьибди?»

Ляхнар 4:19

Хъа Петрина Югьанди дурариз жаваб тувру: – Учву саб фикир апӀинай: Аллагьдин улихь АллагьдихътӀан учвухъ артухъ хъпехъуб дугъри вуйинхъа?

Марк 13:11

Учву суддиз гъухиган, фу кӀуруш, дидин гъайгъушнаъ махьанай: гьадму сяаьт учвуз кӀуруб, фу тувнади гъабшиш, гьадму йипай – учву кӀури хьидичва, хъа Гирами Рюгьну ичв мелзниинди пиди.

Даниял 6:16

Думуган паччагьди Даниял хъади гъюз гъиту ва думу асланар айи ичӀаз гатӀахьуз амур гъапӀу. Дугъу Даниялиз гъапи: – Гьаммишан уву икрам апӀурайи яв Аллагьди уьрхриву!

Ляхнар 6:15

Суддиъ деънайидари Стефандин машналан ул алдабгъурадайи, фицики дурариз дугъан маш малайикдин машси рябкъюрайи.

Лука 13:9

Диди бегьер хуруш лигухьа, нагагь дархиш, гъюру йисан думу алдабтӀархьа».

Лука 12:11

Хъа учву мистариз гьякимаринна гьюкумдрарин улихьна хъади гъахи вахтна, фици ва фициб жаваб тувруш, вая фу кӀуруш, дидин гъайгъушнаъ махьанай.

Даниял 6:20

Даниял айи ичӀахъна хъуркьубси, паччагьди гъалабулугъ кади дугъаз дих апӀуру: – Я чӀиви Аллагьдин лукӀ, Даниял! Гьаммишан уву икрам апӀурайи яв Аллагьдихьан уву асланарихьан уьрхюз гъабхьнийкӀан?

Матта 27:43

Дугъу Аллагьдик миж кивнайи. «Узу Аллагьдин Бай вуза», – КӀурайир, Думу, Аллагьдиз Гирамир вуш, Аллагьди уьрхри.

Матта 10:19

Учву гъидисган, учву фу ва фици кӀуруш, дидин гъайгъушнаъ махьанай, фицики гьадму арайиъ, учву фу дупну ккундуш, учвуз дишлади ачмиш апӀиди,

Даниял 2:47

Паччагьди Даниялиз гъапи: – Дугъриданра, ичв Аллагь вари гирами бутартӀан зурба Аллагь ву, паччгьарин Рабби, сирар ачмиш АпӀрур ву, фицики увʼан му сир ачухъ апӀуз удукьунвуан.