Даниял 2:47 - Гирами Китаб

⁴⁷ Паччагьди Даниялиз гъапи: – Дугъриданра, ичв Аллагь вари гирами бутартӀан зурба Аллагь ву, паччгьарин Рабби, сирар ачмиш АпӀрур ву, фицики увʼан му сир ачухъ апӀуз удукьунвуан.

Даниял 2:47 Referans Kwoze

Даниял 2:28

Амма завариин Аллагь ал, сирар ачмиш АпӀрур, – ари Гьадму ву Навухаднасар паччагьдиз, замана аьхирихъна гъюруган фу шулуш, гъапир. Уву яв ахникк даахнайиган, увуз гъябкъюб магьа.

Даниял 2:22

Дюгьнйир, сирар Дугъу ачмиш апӀура, Ашкар апӀура жин дубхьнайиб мучӀушнаъ; Аллагьдихъди шулу гьарган акувал.

Даниял 11:36

Хъа паччагьди, чаз фу ккундуш, гьадму апӀиди. Думу дамахлу хьиди, ва вари бутартӀан чав зиина дисиди, ва вари бутартӀан зурба вуйи Аллагьдиз аьксиди ибариз асуллагь деребхьуб пуз хъюгъди. Ажугълу йигъар ккудукӀайизкьан дугъаз ккуниси хьибди. Гьаз гъапиш, шулу дупнайиб дубхьну ккундийи.

Ачмиш 19:16

Дугъан валжгъиин ва жвукьриин «паччгьарин Паччагь ва агъйирин Агъа» ччвур дибикӀнайи.

Ачмиш 17:14

Дурари Ччилахъди дяви гъабхиди, Ччил дурариин гъалиб хьиди, гьаз гъапиш Думу агъйирин Агъа ва паччгьарин Паччагь ву. Дугъахъди сатӀиди, Чав дих дапӀнайидар, Чав кадагънайидар ва Дугъахъ хъугърайидар, аьгьтлу вуйидар хьиди».

Ачмиш 1:5

Иса Месигьдихьанра – гьякь Шагьид вуйирихьан, гъийихдарик сарпирди чӀиви Гъахьирихьан ва дюнʼяйин паччгьарин зиин агъавал АпӀурайирихьан ужʼвал ва мясляаьт ибшричвуз. Ухьу Ккунириз, Чан ифдиинди ухьу ихь гунгьарихьан азад ГъапӀуриз,

Тимофейиз-1 6:15

Вахт гъабхьиган, Думу ухьухьна Аллагьди, хушбахтавар ва сар вуйи Гьюкумдри, паччгьарин Паччагьди ва агъйирин Агъайи, лик кубкӀуз даршлу аквнаъ айи ва адмийирикан гьич саризкьан дярякъю ва рякъюз даршлу, аьжал хътру Сари гьаъди. Гьадгъануб ву гьюрмат ва кьудрат гьаммишандиз! Амин.

Даниял 2:37

Уву, паччагь, паччгьарин паччагь вува, увуз Заварин Аллагьди паччагьлугъ, кьудратлувал, кьувват ва адлувал тувнавуз,

Эвел 41:39

Хъа фяряуьнди Юсуфдиз кӀуру: – Эгер Заанури увуз му вари ачухъ дапӀнаш, сарун увутӀан фагьум-фикир хъайир адар.

Даниял 4:32

ФукӀа-мукӀа дар жилиин али инсанар; Заварин кьувватар, инсанарра жилин, Фици ккунш Чаз, гьаци апӀиди идара. Дугъан хилхъан гьич сарира бисидар Ва: «ГьапӀрайир Вува?» – Дугъаз зат пидар.

Даниял 4:17

Увуз гъябкъю гьар, дурумлу ва зурба, завариккнакьан ягъли ва жилин тлихъан кӀулихънакьан рябкъру,

Даниял 2:19

Йишвну Даниялиз аьян апӀру улупбар гъяркънийи, ва дугъаз сир ачмиш гъабхьнийи. Думуган Данияли Заварин Аллагьдиз шюкюр гъапӀу.

Даниял 4:25

Гьаму вари Навухаднасариин улубкьнийи.

Коринф-1 14:25

Дугъан кӀван жини ниятар ачухъ хьиди, ва гьадмуган, кьамкьарихъди ис алахъну, Аллагьдиз дугъу икрам апӀиди ва пиди: «Дугъриданна, Аллагь учухъди хъа!»

Даниял 2:29

Яв фикрар, паччагь, гележегдикан вуяв – ва сирар ачмиш АпӀрури увуз гъюз ккимбуб улупунвуз.

Даниял 2:30

Хъа узуз му сир гьаддиз ачмиш гъабхьнуки, узу му дюнʼяйиъ варитӀан аьяндарур ву кӀури ваъ, хъа узу думу паччагьдиз ачмиш апӀбан бадали, – ва фти уву гъалабулугъдикк ккитраш, гьаддин гъавриъ хьидива.

Даниял 3:15

Ари гьамус швутӀрамин, балабнин, пӀивнан, кьумуздин, саздин сесерихъди ва жара мукьмарихъди, унтӀ жилиз йивну, икрам апӀуз гьязур йихьай, ваяки, эгер икрам апӀурдаш, учву дишлади цӀин ялвигъна гатӀахьиди – ва думуган ичв Аллагьдира учву йиз хилариан адрагъур.

Даниял 3:28

Ва Навухаднасар паччагьди баян гъапӀнийи: – Чан малайик гьаъну, Чахъ хъугъну имбу Чан лукӀар азад гъапӀу Шадрагьдинна, Мишагьдинна Абид-Нигдин Аллагьдиз аферин! Дурари паччагьдин амур тамам гъапӀундар, чпин уьмур гьяйиф гъапӀундар – аммаки, чпин Аллагь ктарди, сар бутдизкьан я гъуллугъ, ясана икрам гъапӀундар.

Даниял 3:29

Вари халкьариз, тухмариз ва миллетариз гьамциб амур вуйиз: шли Шадрагьдинна, Мишагьдинна Абид-Нигдин Аллагьдикан гьюрматсузди улхури гъахьиш, думу гъит тикйир-тикйир апӀри ва дугъан халра ккидипри. Гьаз гъапиш, му Аллагьди азад апӀруганси, сар бутдихьанра гьаци азад апӀуз даршул.

Даниял 5:11

Яв паччагьлугъдиъ чаъ гирами бутарихьан вуйи марцци рюгь айи сар кас яшамиш шула. Гьеле яв абайин гьюкмин вахтарира кимиди дугъаз инсандиз хас дару учӀру фикир, аьяндарвал ва гирами бутаринубсиб фагьум айиб варидариз мялум дубхьна. Навухаднасар паччагьди, яв абайи, думу кас фалчйирин, сюгьюрчйирин, фахрийирин ва хядарихъди лигрударин аьхюрди дерккнийи – паччагьди чав, яв абайи!

Паччагьлугъар-4 5:15

Нааман чан дестера хъади Заанурин инсандихьна кьяляхъ гъафнийи. Дугъу, пайгъамбрин улихь дийигъну, гъапнийи: – Гьамус узуз аьгъязуз: вари дюнʼяйиъ жара Заанур адар, Израилин ЗаануртӀан. Хъа гьамус, ккун апӀурза, яв гъаравашдихьан пешкеш кьабул апӀин.