Даниял 2:41 - Гирами Китаб

⁴¹ Увуз гьацира саб пай гъабар апӀру ругдикан кадаънайи, тмуну пайра рукькан вуйи ликар гъяркънийвуз – миди кӀураки, паччагьлугъ пай хьибди. Дидиъ рукьан мюгькамвалин пай хьибди, гьаддиз гъябкъюб вувуз гьацӀ рукь ва гьацӀсана – руг.

Даниял 2:41 Referans Kwoze

Ачмиш 17:12

Увуз гъяркъю йицӀуб кӀарч, мегьел паччагьвал ккубкьнадру паччгьар ву, амма дурариз вягьши гьяйванатдихъди сатӀиди цӀиб вахтназ паччагьвал ккубкьди.

Ачмиш 13:1

Узуз гьюлʼан, йицӀуб кӀарч али, ургуб кӀул али, кӀарчариин йицӀуб таж али, хъа кӀуларик Аллагьдиз люкьнар кайи вягьши гьяйванат удубчӀвури гъябкъюнзуз.

Ачмиш 12:3

Завариин жара лишанра арайиз гъюру: зурба цӀаси уьру аждагьа, ургуб кӀул али, йицӀуб кӀарч али ва кӀулариин ургуб таж али.

Даниял 7:24

Хъа йицӀуб кӀарчлин гьамци гъаври духьну ккунду: гьаму паччагьлугъдиъ йицӀур паччагь хьиди, хъасин – гъиди сарсана, муганаз айидариз ухшар дарур, дугъу шубур паччагь ултӀуккиди.

Даниял 7:7

Хъасин йиз йишвандин нивкӀукди узуз юкьубпи вягьши гьяйванат гъябкъзуз – ажугълу, къурхуллу, яман кьувват айи, дидиъ зурба рукьан силбар айи. Фу алабхъишра, диди «хъумпӀ» дапӀну, вари хътӀюбкъюйи ва дагъитмиш апӀуйи, хъа хъирибгъуб ликариккан апӀуйи. Думу гьатмуну вягьшийириз ухшар дайи, дидʼин йицӀуб кӀарч алийи.

Даниял 2:40

Хъа юкьубпи паччагьлугъ, рукьси, мюгькам вуйиб хьибди. Рукьу вари фици чабхьуруш ва тикйир-тикйир апӀуруш, фици вари дагъитмиш апӀуруш, дидира вари чархьиди ва дагъитмиш апӀиди.

Даниял 2:42

Зизкьарин асина ликар гьацӀпай рукьандар, тмуну гьацӀпайра ругдиндар – миди улупураки, паччагьлугъ сабдиъ мюгькамди вуш, тмунубдиъ бушди хьибди.