Даниял 2:27 - Гирами Китаб

²⁷ Данияли паччагьдиз жаваб вуди гъапи: – Паччагьди хъипнайи сир дугъаз я хядарихъди лигрудари, я сюгьюрчйири, я фалчйири, ясана фахрийири – гьич сарира ачмиш апӀурдар.

Даниял 2:27 Referans Kwoze

Даниял 2:2

Чан нивкӀарин гъавриъ итуз кӀури, паччагьди фалчйир, сюгьюрчйир, фахрийир ва хядарихъди лигрудар хъади гъюз амур апӀуру. Дурар, дуфну, паччагьдин улихь дийигъу.

Эвел 40:8

– Учуз кьюридизра нивкӀар гъяркъюнчуз, – жаваб тувру дурари, – хъа дурарин мяна ктибтуз шлур мушваъ адар. Юсуфди гъапи: – Анжагъ ЗаанурихьантӀан шулдар инсанарихьди нивкӀарин мяна ачухъ апӀуз гъитуз. Кидитай ичв нивкӀар узуз.

Эвел 41:8

ГвачӀинган дугъак гъалабулугъ кабхъру. Дугъу Египетдин вари фалчйир ва аьяндрар уч апӀуру ва чан нивкӀар дурариз ктитуру, амма сарихьанра дурарин мяна ачухъ апӀуз шулдар.

Даниял 1:20

Фуну илмикан ва аьжайиб ляхникан паччагьди гьерхишра, паччагьлугъдиъ айи вари фалчйирна сюгьюрчйиртӀан дурар йицӀуб ражари артухъди аьяндрар вуйиб аьгъю шулайи.

Даниял 4:7

Йиз ахникк дахънайиган, узуз гъябкъю нивкӀ магьа: Жилин кьялʼин кудубчӀвура саб ягъли гьар –