Даниял 2:18 - Гирами Китаб

¹⁸ Даниялна дугъан дустар Вавилондин имбу аьяндрарихъди аьжализ тутрувруси, гъит дурари Заварин Аллагьдикан чпиз рягьим апӀуб ва му сир чпиз ачмиш апӀуб ккун апӀри.

Даниял 2:18 Referans Kwoze

Матта 18:19

Гьацира дугъриди кӀуразачвузки, эгер жилиин учвкан кьюри сатӀиди фукӀа тӀалаб гъапӀиш, Аьршарин Йиз Адашди думу тамам апӀиди.

Матта 18:12

Фици фикир апӀурачва? Варж марчч сивариъ айи кас, дурарикан саб гъудубгиш, урчӀвцӀурна урчӀвуб гъитну, гъудубгу сабдихъ лицуз дурушди гъузрин?

Паччагьлугъар-1 17:37

Ва Давудди хъана гъапи: – Асланарихьан ва швеэрихьан узу гъюрхю РАББИЙИ узу гьаму филистимдихьанра уьрхиди. Саули Давуддиз гъапи: – Гъарах, увухъди РАББИРА хъади ишри.

Эвел 18:28

хьуцӀур кас хьуз хьурсан гьякьлу кас гьудруркӀри гъашиш, Уву вари шагьур ккидипуривахъа? – Эгер Узуз душваъ ягъчӀвурна хьур гъидихъиш, – гъапи РАББИЙИ, – душвайишв ккидипидарза.

Петрин-2 2:9

Намус ва гъирʼят айи касар Агъайиз читинвалариккан уьрхюз аьгъя, хъа гьякьсузар – суд апӀру Йигъаз жаза адабтӀуз уьрхюз аьгъя.

Рим агьларихьна вуйи кагъаз 15:30

Учвкан, ихь Агъа Иса Месигь бадали, Гирами Рюгьнан масанвал бадали, миннат апӀураза, гъардшар, узу бадали Аллагьдиз узухъди учвура юкӀв абцӀну ккарагай.

Ляхнар 12:4

Петр дидисну, дустагъдиъ итру ва ю-юкьурди эскрар айи юкьуб дестейиз думу, нубатар апӀури, гъаравликк уьрхюз буйругъ тувру, фицики дугъу Пасхайин машкврахъан Петр халкьдин улихьна диван апӀбан бадали адагъуз ният дапӀнайи.

Даниял 3:17

Учу икрам апӀурайи ич Аллагьдихьан учу уьрхюз шулу, Дугъхьан учу, паччагь, цӀин ялвигъянра, яв хиларигъянра уьрхюз хьиди.

Даниял 2:23

Увуз, Йиз абйирин Аллагьдиз, шюкюр апӀураза, Уву вува узуз тувур аьяндарвал ва кьувват! Учу тӀалаб гъапӀуб узуз улупва: Паччагьди фу гьерхраш, аьян гъапӀунва.

Даниял 4:26

ЙицӀикьюб вазлилан Навухаднасари Вавилондиъ чан дараматдиин ккабалгнайи гъваариин сейир апӀурайи.

Юнус 1:9

Ва дугъу дурариз жаваб тувру: – Узу жугьуд вуза, гьюлна къурамат яратмиш гъапӀу Заварин РАББИ вуйи Аллагьдихьан гучӀ айир вуза.