Даниял 12:7 - Гирами Китаб

⁷ Ва узуз лизи палтар алди нирʼин дийигънайирин жаваб гъеебхьунзуз. Дугъу, кьюбиб хиларра завузди гьачӀарккну, Аьсрариинди ЧӀивириинди ху гъапӀу: саб муддатналан, кьюб муддатналан ва гьацӀ муддатналан – гьаму вахтналан, Гирамийишван халкьдин кьувват ккадрабгърубси гъабхьиган, вари ккудубкӀиди.

Даниял 12:7 Referans Kwoze

Даниял 7:25

Думу ВаритӀанзаануриз аьксиди улхури хьиди ва ВаритӀанзаанурин марццидариз гюн тутруври хьиди, машкврар ва Къанун батӀул апӀуз кьаст хьибди. Ва марццидарра дугъан гьюкмиз тувну хьибди – саб муддатназ, кьюб муддатназ ва гьацӀ муддатназ.

Ачмиш 12:14

Дишагьлийиз чаз ичӀи чюлиъ улупнайи йишваз, аждагьа дяргърушваз ва шубуд йисна гьацӀаъ хураг хрушваз тӀирхуз, люкьран кьюб аьхю хлинцц тувру.

Даниял 8:24

Думу гужлир хьиди – амма жвуван кьувватниинди ваъ. Дугъу зурба алархьбар-ккидирчбар апӀиди, гизаф писвалар апӀиди, кьудратлударра, марццидарин халкьра гъирмиш апӀиди.

Ачмиш 13:5

Дидиз, дамагъ кайи ва Аллагьдиз люкьнар апӀру гафар пуз, ихтияр тувнайи ва дидиз гьюкумра ягъчӀвурна кьюд йигъаз тувнайи.

Ачмиш 12:6

Хъа дишагьли ичӀи чюлиз гьергру. Душваъ дугъаз Аллагьди йишв ккабалгнайи. Дина дугъаз агъзурна кьюдваржна йирхьцӀур йигъан хураг гъабхиди.

Лука 21:24

Гизафдар ханжлин мурзнахьан йихиди ва гизафдар жара халкьарин йисирвалиъ хьиди. Хъа Ерусалим жара халкьари, чпин деврар ккудукӀайиз, ликриккан апӀури хьибди.

Даниял 4:34

Ва гьамус узу, Навухаднасари, Заварин Паччагь адлу апӀураза, Дугъаз шюкюр апӀураза: Дугъан ляхнар ву дюзидар, Дугъан рякъяр ву гьякьлудар; Дугъан гьюкми асккан апӀур фурслудар.

Петрин-1 2:9

Хъа учву, кадабгънайи жинс, Паччагьдин гъуллугъчйир, гирами халкь, Аллагьдин хусусият, мучӀушнаан Чан аьжайиб аквнаъ хьуз учвуз Шли дих дапӀнаш, Гьадгъан зурба ляхнарикан хабар дебккбан бадали, гъядягънайидар вучва.

Даниял 12:6

Ва дурарикан санури Аллагьдин гъуллугъчийиин шлустар лизи палтарра алди нирʼин дийигънайирихьан гьерхра: – Гьамусдиз ебхьузкьан деребхьу гьаму фила ккудубкӀидикӀан?

Даниял 11:13

Кафари паччагьди цӀийи кьушмар уч апӀиди, муганайиз айибтӀан гизаф. Йисар гъягъиди – ва думу алархьиди, хъана аьхю ва ужуди яракьламиш дапӀнайи кьушмарихъди.

Даниял 8:14

Гьатмунури жаваб туву: – Кьюд агъзурна шубудварж гъурбнар апӀуз лазим шлу гвачӀниндизна хъябяхъдизкьан; хъасин Марцци Ужагъ цӀийи алапӀиди.

Лука 21:14

Гьаци вуйиган, Узхъанди учву фициб жаваб тувруш, дидкан улихьмиди фикир мапӀанай,

Ачмиш 4:9

Гьадму юкьрид гьяйванатарстари тахтниин Деънайириз – гьарган яшамиш Шулайириз, чухсагъул кӀури имиди, Дугъан ад апӀури имиди ва заанвал улупури имиди,

Ачмиш 4:10

къарна юкьур аьхюри тахтниин Деънайирин улихь, ис алахъури, гьарган яшамиш Шулайириз икрам апӀуйи ва, тахтнан улихь чпин тажар диври, гьамци кӀуйи:

Даниял 10:5

Узу кӀул за гъапӀза – ва гъябкъзуз: Аллагьдин гъуллугъчийиин шлустар лизи палтарра алди, кьялаъ гъизилин чӀулра идибтӀну фуж-вуш дийигъна.

Даниял 12:8

Узу хъпехъурайза, амма гъаври шуладайзу. Ва узу гьерхза: – Йиз агъа, хъа му вари фитʼинди ккудубкӀуйкӀан?

Даниял 4:31

Гьамци вахтар гъушу; узу, Навухаднасари, кӀул за дапӀну, завузди гъилигза – ва фагьум-фикрихъна гъафизу. Узу ВаритӀанзаануриз шюкюр гъапӀза, Даима Гъузруриз аферин гъапиза ва Дугъан адар гъапӀза: Гьюкум Дугъан вуда гьюкум даима, вари вахтариз – Дугъан паччагьлугъра.

Даниял 7:21

Узуз гьаму кӀарч марццидарихъди дявдиъ ади ва дурар ккагъри ади гъябкъюнзуз,